Jeremiah 5:18 - Ohiatonhseratokénti

¹⁸ Ne Roiá꞉ner ráton, “Shé꞉kon ne éhtho entewenhnisehraʼthénionʼke kwáh iáh tsiátʼsahate nakhehiáthonte nakonhkwetahshón꞉has.

Jeremiah 5:18 ပူးပေါင်းရင်းမြစ်များ

Jeremiah 30:11

Enkwahiató꞉renʼne tánon enkwahniákenʼthe. Kwáh kanenhrahkwékon enkhehiáthonʼte tsi nónhwe iaʼtekwahreniáthonʼne, ók iáh kíʼ níse thakonhiáthonʼthe. Iáh kíʼ thakonhríhon ne tó꞉sa asatréwahthe; ók kíʼ nónen enkonhréwahthe, entkarihwaʼiérihke. Í꞉i, ne Watiá꞉ner, wakatáti.”

Jeremiah 4:27

Ne Roiá꞉ner ráhwenh nètho kwáh ohontsiakwékon káiase enwáhton, ók kwáh kíʼ iáh tiahasáhate nahariwénhtho.

Jeremiah 5:10

Ienkhehiaténieʼte ne tehontátʼtions nahatíhiake nahkonhkwetahsón꞉a rothinenharahientʼthósehron, ók iáh kíʼ tiahathikónhtahkwe nakonwahnáhthonte. Enkheró꞉ri nahathinahtoskarónko, tsioríwa thíken onahtehsonʼa tsi iáh i꞉ih tewahkáwenk.

Jeremiah 5:17

Ienhathishaháte ne sehwaientʼthótsheras ó꞉ni ne sehwáhkhwas; enshakothinonhwahrhiakónʼnion ne ietʼtsiʼienhokónha. Enkonwahnahwentʼthósehron ne sehwatsenenhókonhs tánon enhónthonte ne sehwanenharahientʼthóhsehron ó꞉ni ne sehwakwireshón꞉ha wishonkówahs. Ne tekensthorohthákwen ne tekahnahtanátʼthon ne kanahtowáhnenhs ne sewaniahesens kwáh enhathirihwáhthonte ne rahononhkwetaʼshón꞉a ronterí꞉ios.

Jeremiah 5:19

Nónenh enhathirihwanónhton nonhtiéren kíʼ tsi éhtho niwahtieráhnion, sehró꞉ri Jeremiah, kwáh tsi ní꞉ioht tsi ionkatʼkarahthénion ó꞉ni ne watʼkhonhwariwásnieseh ne thikánionk kahiatónni ne rahononhontsiáke, ne káti tenhonwathiriwásnieseh ne thihátiʼte ne tionhontsiáien ne iáh ronónha tehathihiathaʼkwení꞉io.”

Ezekiel 11:13

Tsi nikaríwes iekeriwáhkens, Pelatiah wahahiatiénenhne iarenhéhiathe. Wakatatsiatiénenhte kwáh tiekonhskárahte nonhontsáke tánon tewatkherétha, “Ó, Sanonhtí꞉io Saiá꞉ner! Kwáh kén akwékon ensehnonhwarhiakónnion ne iatehiakothaténron ne Israerʼró꞉nonhke?”

Ezekiel 20:17

“Ók ethòne sakʼkhétenreh. Iatewahkeriwahiéntase tsi iáh takenonhwahrhiákon thóh nónhwe ne kahentakekówa.

Ezekiel 9:8

Tsi náhe shakonawenhtʼthóseronhs, kwáh akonwáhhaʼkhok éh íkeskwe. Ohontsáke wakatsiatsénenhte kwáh tietkonhskárate tánon tewakʼkenrétha, “Sanonhtí꞉io Saiá꞉ner, thóh kén nióre tsi senákwahse ne Jerusalem tsi kwáh rathikwékon ensehnonhwarhiákon ne iatehiakothaténron ne Israerʼró꞉nonhke.”

Habakkuk 1:12

Iáh ken ní꞉se tho titeséhnon ne oksténhne, O Saiá꞉ner akení꞉io, nakáwenk iotokénti? Kwáh iáh taiakwenhé꞉ie. O Saiá꞉ner, ní꞉se seieronhnítston ne kariwenhtáhtshera; tánon í꞉se, O osténhra í꞉ken, ne sehrí꞉honte ne karehwathátshera.