Jeremiah 5:10 - Ohiatonhseratokénti

¹⁰ Ienkhehiaténieʼte ne tehontátʼtions nahatíhiake nahkonhkwetahsón꞉a rothinenharahientʼthósehron, ók iáh kíʼ tiahathikónhtahkwe nakonwahnáhthonte. Enkheró꞉ri nahathinahtoskarónko, tsioríwa thíken onahtehsonʼa tsi iáh i꞉ih tewahkáwenk.

Jeremiah 5:10 ပူးပေါင်းရင်းမြစ်များ

2 Chronicles 12:4

Wahaienáseron ne tekanatanátʼtons kanatowánens ne Judah tánon Jerusalem niʼió꞉re iahatinihároh.

2 Chronicles 36:17

Ká꞉ti ne Roiá꞉ner tahoiaténhaʼwe ne ronnontí꞉io ne Babyloniaró꞉non niashakotiatónhti. Né ronnontí꞉io waʼshakononhwarhiakhónnion ne ken nithotiʼiónhsa ne Judah nón꞉we kwáh ó꞉ni Ononsatokentiʼkówaʼne iahontáweiaʼte. Iáh othènen teshó꞉ien ne kenhténron nón꞉ka ashakótenhre, kenkʼnahontahotí꞉ionke khés nahonthaiakóhionhke, rónhkwe khés ne iónhkwe akénhake, iakononwátʼtani khés naiakotakaríhteke. Né Rawenni꞉io ratikwé꞉kon rahónha waʼhoiathakweʼní꞉iosʼte.

Jeremiah 2:21

Thoʼní꞉ioht tsi kónhteron tsi ní꞉ioht ne kwáh tekaiesthásion watenenharísehres né꞉ne kwáh tkanenhí꞉io. Ók satʼkátho tsi niahishahiátawenh! Thóh nahshiató꞉tenʼne tsi ní꞉ioht ne iótkens, iáh thènenh tehioríhonte wathenenharísehres.

Jeremiah 25:9

‘Ienkhehiaténieʼthe ratikwékon nonhkweshón꞉a ne othoréke thatiʼterónton ó꞉ni nakenhátsera, Nebuchadnezzar ne ne ronnonhtí꞉io ne Babylonia nónhwe. Entekheʼhiaténhaʼwe nahonterí꞉io ne Judah ó꞉ni tsi niháti né nónhwe nihatiʼnáhkere ó꞉ni ne tehonʼthonhontsaʼnekkhánions. Kwáh enkhehiáthonʼte kí꞉ken onhkweshón꞉a tánon ne tehonʼthonhontsaʼnekʼkhánions tánon ne iaʼtenkheiénrahseh ne ioriwenhthásehrons ne tsi nénhwe, ne ne tehiotenonhianíton ó꞉ni tsiotónnek nahiontktʼho. Í꞉i, ne Watiá꞉ner, wakatáti.

Jeremiah 30:11

Enkwahiató꞉renʼne tánon enkwahniákenʼthe. Kwáh kanenhrahkwékon enkhehiáthonʼte tsi nónhwe iaʼtekwahreniáthonʼne, ók iáh kíʼ níse thakonhiáthonʼthe. Iáh kíʼ thakonhríhon ne tó꞉sa asatréwahthe; ók kíʼ nónen enkonhréwahthe, entkarihwaʼiérihke. Í꞉i, ne Watiá꞉ner, wakatáti.”

Jeremiah 39:8

Tsi nikaríwes, ne Babyloniaró꞉nons wahontenonhkwaʼtekthánion ne tsi rohnónhsohte ne ronnonhtí꞉io ó꞉ni tsi rohthinonhsóhtons nonhkweshón꞉ʼa tánon wahthonshontharihthánion ne tsi tekahnahthatátʼthonkwe ne Jerusalem.

Jeremiah 4:27

Ne Roiá꞉ner ráhwenh nètho kwáh ohontsiakwékon káiase enwáhton, ók kwáh kíʼ iáh tiahasáhate nahariwénhtho.

Jeremiah 46:28

Ók tó꞉sa shá꞉teronh, O Jacob akeʼnhátshera, asèken tenikwéhkon. Kwáh enkhehiáthonʼte nonhkweshón꞉a ne tsi nónhwe iekonhianahkerahkwáhthonhne, ók iáh níse tahkonhiáthonʼte. Ók ónenhk tsi enkonhrihónhnien; iáh takʼkwéni ne thatakonhkáhnerahke ne iáh thasatrewáhthaʼne. Í꞉i, ne Watiá꞉ner, wakatáti.”

Jeremiah 5:11

Nisraeró꞉nonhs ó꞉ni ne Judahró꞉nons kwáh tohkénʼen tsi wahonkenikonhráhten. Í꞉ih ne Watiá꞉ner, wakatháti.”

Jeremiah 5:18

Ne Roiá꞉ner ráton, “Shé꞉kon ne éhtho entewenhnisehraʼthénionʼke kwáh iáh tsiátʼsahate nakhehiáthonte nakonhkwetahshón꞉has.

Jeremiah 5:9

Iáh onhtèken thatehiothonwenhtióhon natʼkheréwahthe kíʼ nahorihoténsons tánon nahonsakʼkárhiate rononháke ne thóh nihionkweʼthó꞉tens tsi ní꞉ioht kí꞉ken?

Ezekiel 12:16

Enkheríhon tohʼkàra niháti iatenhonahthá꞉tenre ne tsi waterí꞉io, nathonkarhiákon, tánon ne kannhrahtarinhétsheras, ne káti nonhkweshón꞉ʼas ne tsi rathináhkere kwáh enhóntʼthoke tsi nihiotehénsehra tsi nihonahtseráhnion tánon enhatiriwahnírahte tsi Í꞉i ne Watiá꞉ner.”

Ezekiel 14:17

“Tó꞉ka ni ó꞉ni nonhtiérenk aterihiósehra entʼkhétsko nètho nónhwe nikanahkerahsehráhien tánon hienkaténiethe ne karihwahthóntha ionteriʼiosthá꞉kwahs tánon enhiakóthonte nonhkweshón꞉ʼa ne sáhka ne katʼtshénenhs,

Hosea 1:9

Ethò꞉ne ne Roiá꞉ner wahawénhase ne Hosea, “Lo-ammi, tienáthont, asè꞉ken sewakwekon iáh í꞉i tewakonkwéta tèken tánon iáh í꞉i ne sewaní꞉io tèken.”

Amos 9:8

Tesakokánere ne Roiá꞉ner Rawenni꞉io tsi nihotirihwaneraháts꞉kon kí꞉ken kanakerahserá꞉ien, tánon kwáh enkerihwátonhte tsi niiohóntsa —nek khók iáh kwáh takhehiátonhte nonhkweshón꞉as Nisraeró꞉nonke, rá꞉ton ne Roiá꞉ner.

Matthew 22:7

Ȣahonakkȣen nʼOnontiio-koȣa Sahariȣaronke, iasakotori raosotarha ȣasakonaȣentho ne rontaȣenthos, nok ȣasakohnatenatentaȣe.