Jeremiah 49:8 - Ohiatonhseratokénti

⁸ Nonhkweshón꞉a ne Dedan, tesehwatkarahténi tánon sehwatèko! Sehwatáhset! Kwáh enkheriwáhthonte ne Esau kawáhtsire tsioríwa tsi ónhnen ónhwe ne kawistáheks nakheréwahte.

Jeremiah 49:8 ပူးပေါင်းရင်းမြစ်များ

Isaiah 2:21

nonkweʼó꞉kons enhontasehtánion nostenrokónson tánon ne tsi teionitstenrorénhseron; o꞉ni tsi ioshonwénion nonhontsáke, ne nakonwatékwaʼse ne raonhakwáhtshera Roiá꞉ner, tánon ne raoshatstensera oni raohiatanerakwáhtshera, ne nó꞉nenh thethá꞉taʼne narontaweʼte tsi ionwenhtsá꞉te.

Isaiah 21:13

Naʼteriwanhotáhtshera ne aorihwàke ne Arabia tsi ionhontsakwénhtare. Tsi iotkwirón꞉ni ne Arabia nón꞉we nenhshaʼthatíteron, Ó ne sewanenhrínes ne Dedanites.

Isaiah 34:5

Nó꞉nen nakwasarekó꞉wa iatehioiérise tsi niʼionekíren ne tsi karonhiáte, sewathenhnikonhrá꞉ren, kwáh iaʼthenhiotásenhte ne Edom, rononháke nonkweshón꞉has ne kherihwénhton nahonwatiríhwenhte.

Jeremiah 46:21

Shé꞉kon ne ronhwathináhon ne ronhterí꞉ios thóh nióre tsi iáh othènen tehatístas tsi ní꞉ioht ne tionnónhskwahron owíra. Iáh tahthethohtiʼtáhon nahonahterí꞉ioʼke; rahtikwékon wahthontʼkarahtáni tánon wahontèko. Ne rahonenhnísehras ne kariwahiesáhtsheras ónhwe, iakáhewe ne rahothirewahthá꞉tshera.

Jeremiah 48:28

“Í꞉se ne tiónkwe ne Moab nónhwe nisehwahnákereh, sewahiáken ne sewahnahthá꞉konhs! Wáhs tánon tsitsonitstenrhiákon hionshaʼsehwanáhkerat! Thóh nasewáhier tsi ní꞉ioht notsiténha tsi konhtʼtsinakónhnis tsi ionitstenrhiákon.

Jeremiah 48:44

Ónhka enhateniénten nahatékwahse ne kateronhkwáhtshera kwáh kíʼ oshón꞉wahkon ienhahiátenne, tánon nónhka tentʼthaʼrátʼten tenthaʼhiákenʼne ne oshón꞉wahkon kwáh tsi tewahnikáhrhare enhoiéna, tsoríhwa ne Roiá꞉ner tsi rokwahtáhkwen ne kawistáheks ne ne Moab ahotkaronhniátshera.

Jeremiah 48:6

‘Óksa, shewahtèko!’ rónhton. ‘Teshewahráhtat tsi ní꞉ioht ne iahonwenhtsiatʼtenháka tewahóntes!’

Jeremiah 49:30

“Sehwatèko,” ráton ne Roiá꞉ner, “sehwathasehtánion tsi nónhwe nihiosonwéhsons, tiónkwe ne Hazor, asèken ne Ronnonhtí꞉io Nebuchadnezzar rotenikonhríson tsi nòkwah níse, tánon roʼthateweiennenhtáhon naʼtsisehwáhthonte.

Jeremiah 49:32

“Iahitsihiaténhaf ne rahothitshenenhókonhs iotiniakwáhere tánon ne tionónhskwahrons kwáh rahtikwékon i꞉se sehwatʼtshenenhókonhs enshón꞉ton. Tsi iowehráhre iathekhehiaréniaʼthe kí꞉ken onhkweshón꞉a tsi nikáien ne aínonh nióre thatinahkeréhnion. Tánon kwáh tsík nitsiotserahthánion tsi entekhehawíten ne kakahronhniátshera ne ronónhake,” ráton ne Roiá꞉ner.

Jeremiah 50:27

Akwékon ó꞉ni ietsihiáthont nahotsenenhókonhs tsi natenhiotenonhianithónhake ne rahotirihwáhke, ó꞉ni! Kwáh ratikwékon ietsihiawénhtho! Asèken ónenh iakáhewe nahorewahtáhtshera.”

Jeremiah 6:1

Ne Benjaminró꞉nons, iasehwahkwísron sehwahthasehtáhna! Sehwahiáken ne Jerusalem! Sehwatátis ne iehonrahwátstha ne Tekoa nónhwe tánon sehwattsennónni sehwatsienkwarónniat nahwenéhake ne Beth Haccherem nónhwe. Kakahronniátshera tánon kariwahiesáhtshera tóh꞉wa ahónwe nothoréhke nénhtewe.

Ezekiel 25:13

Ónenh kíʼ wahkerihówahnahthe tsi kwáh entréwahthe ne Edom tánon enkhenonhwahrhiákon ratikwékon nonhkweshón꞉ʼa ó꞉ni ne katʼtshénen né nónhwe. Kwáh ne enkónniate nahionhontsaiés꞉sa, Tsi kanatowáhnenh ne Teman entewahthásawenh tsi nióre ne Dedan, tánon nonhkweshón꞉ʼa tsi waterí꞉io nónhwe nenhonwahtinonhwahrhiakónhnion.

Malachi 1:3

ók riiatahkwahswèn꞉ʼen ne Esau; ne wakonniá꞉ton ne tsi rotenontahrónnion kanakerahserá꞉ien ohontsóhskon akénhake tanon tsi nihoiená꞉ʼon nonhóntsa iaonhwentsathenhá꞉ke ne ienwá꞉ton ne ne kahentakeha erhar raotirihwá꞉ke.

Malachi 1:4

Tókaʼ ne Edom wá꞉ton, “Teionkwanitshahtarokwá꞉ʼon ók shé꞉kon kiʼ entsitewatenonhsonniánion ne iorihwentá꞉seronʼs,” ne Sakoiá꞉ner ne ratironhiaʼkehró꞉nonʼs ratónnions: Aón꞉ton naonsahontenonhsón꞉ni, ók kwáh kiʼ enskenonhsarihshión꞉ko, ne ienhonwatiná꞉tonhkweʼ ne karihwaneraʼáktshera kanakeraserá꞉ien, ne ne nonkwehshón꞉ʼahs ne Roiá꞉ner shakonaʼkhwá꞉se tsi nén꞉we enkénhake.

Revelation 6:15

Ethò꞉ne ne rotinontí꞉ios ne tsi ionhwenhtsá꞉te; ó꞉ni ne ratikoráhsons tánon ne ronteriioserakwení꞉ios ó꞉ni ne rotikwatsénions ó꞉ni ne ronhnonkweʼtowá꞉nens, tánon kwáh tsik ónhka, ienáskwa tánon ne ionthatewenhní꞉io, wahontashetánion ostenhrokónson tánon tsi nón꞉we nosténrakes ne tsi ionhnontarónhnions,

Judges 6:2

Ne Midianró꞉nons sénha ratisháststes tsi ní꞉ioht ne Israerʼró꞉nons, káti nonhkweshón꞉as Israerró꞉nonke wahonwanathaséhten ne tsi iostenhrakarónhtons tánon ne aktéson nónhwe ne sakʼtikénhaton ne tsi ionhniarónhnions.

1 Samuel 13:6

Nó꞉nen ne NʼIsraerʼró꞉nons shasakotíken tsi ronanikonrokʼtáon (asèken ne ronterí꞉ios kwáh í꞉ken tsi ioní꞉ron tsi nahonterí꞉io), nonkwé꞉okon wahontashetánion tsi iostenrakarónhtons ó꞉ni tsi ioshonwéhnions tánon nostenrákes kassonhionniá꞉nions ó꞉ni ohontsokónsons tánon tsi nón꞉we nihatiʼnekará꞉kwa.