Jeremiah 49:3 - Ohiatonhseratokénti

³ Nonhkweshón꞉a ne Heshbon nónhwe, watotihénrehte! Ai konhwahtónton! Ne konhnónhkwe ne Rabbah, sehwatʼtiónhnion! Káiare í꞉sehwats tánon sehwatʼtiónhnion. Tsiahisewahriwahieʼwáhsehke tsi ísehwes. Ne sewahʼní꞉io Molech enhonwahnakeráhkwahte, skátne ne rothikháres ó꞉ni ne rothinonhtí꞉ios.

Jeremiah 49:3 ပူးပေါင်းရင်းမြစ်များ

2 Samuel 11:1

Ne shiʼkokwiténe ne ne shiʼioseráte, thóh nikaháwi ne rontinontí꞉ios ateriʼioserá꞉ke niehonhnétha, ne Táwit iahoténiete Joab néh ahónhne ronaterihóntons tánon ratikwé꞉kon Israerʼronónke raónha ahónhne; washakonátonhte ne Ammonró꞉nons, tánon wahonwaiéna ne Rabbah. Ók ne Táwit thóh Jerusalem ít꞉res.

1 Kings 11:33

Thóh kí nénhtiere tsioríhwa ne Solomon tsi né washakosénhnaien ne thikaniʼioserátes: né꞉ne Astarte, né rahotiní꞉ios ne Sidonró꞉nons; ne Chemosh, ne raotiní꞉io ne Moab; ó꞉ni ne Molech, ne raotiní꞉io ne Ammon. Né Solomon kwáh kíʼ wahakewenhnónhti; tehoterienhthaweriéhon tánon iáh tehotsenawáston naʼtianerénhseras ó꞉ni nakerihwatátʼtieras tsi né niʼiohthónhne ne ronikénʼen Táwit.

1 Kings 11:5

Né shaʼsénhnaiensʼkwe ne Astarte, né rahotiʼní꞉io kènhne ne Sidon, ó꞉ni ne Molech, né ahotehénsera ne Ammon.

2 Kings 23:13

Né Josiah waʼthéntionste ne ietsienharákwahs neʼtho Ronnontí꞉iokwe Solomon roshaʼhánionkwe né nàkon nòkwah ne Jerusalem, né nentiéne nòkwah tsi ionónte ne Olives, né tsi konwaʼtisennaienthákwahkwe ne atehénseras kaiatonhnishón꞉ʼas—né꞉ne Astarte né kaní꞉iokwe ne Sidon, né Chemosh né kaní꞉iokwe ne Moab, tánon ne Molech né꞉ne kaní꞉iokwe ne Ammon.

Isaiah 13:6

Satsitówak, asèken ne rawenhnísera ne Roiá꞉ner ákta í꞉wes; tsi nènhtewe kwáh né꞉ne atkaronhniátsera thóh nitsawénon ne roshatstenhserowanénhke!

Isaiah 14:31

Satewenhnóten, Ó tsi iotenhenrakáronhte; tesewasént꞉tho, Ó kanatowanénke; sewawistanáwen tsi nisewáterons, Ó Philistia, kwáh sewakwékon! Asèken othorèke nón꞉we nentkaienhkwarénhaʼwe, tánon iáh ónhka tehotsianenhtónkwen tsi nihotinénhra.

Isaiah 15:2

Dibon ononsatokentiʼkówaʼne né niehawénon, né èhʼneken tiót꞉te nón꞉we iatahaséntʼtho; ne raoʼrihwáke ne Nebo tánon ne Medeba Moab waʼtiohénrete tsi nahonikonrátsen. Kwáh tsi niaʼtehiakonontsístake tsi iáh othènen tetsakononhkwíseró꞉te, kwáh tsi niaʼtekakonstónrahʼke tsi ronhwatiʼkonsthonrhiá꞉kon;

Isaiah 16:7

Ne ká꞉ti wahhónni sheʼríhon ne Moab tahokaseranáwenhne, áhion onkwetaʼkwékon tehiakokaseranáhwenhne Moab raorihwàke. Hionhtsiónhnion, kwáh í꞉ken tsi ronwarewáton, asèken ne tkanénhara watenatáronhte ne Kir-hareseth raorihwàke.

Isaiah 23:1

Ne watewenhnakaratá꞉ton ne aorihwàke ne Tyre. Sewatewenhnó꞉ten, Ósewahhonweiaʼkowátshons ne Tarshish, asèken ne tesanatanákʼton watónhton. Iáh teská꞉ien ne ionrarókstha Nó꞉nen satonhtahónhne ne Cyprus wahónt꞉toke.

Isaiah 23:6

Iatetiá꞉iat ne Tarshish— sewatiónhnion, Ó ne tsi kawehnhó꞉tons sewanákere!

Jeremiah 4:8

Tánon káti káiareh shatʼtsherónniat, ó꞉ni tesahsénttho tánon tesahénret tioríwah ne teiotenonhianíthon ne iótʼteron rahonahkwáhtshera Roiá꞉ner tsi iáh tetsiótʼthon tsi nòkwah ne Judah.

Jeremiah 46:25

Ne Roiá꞉ner Roshastsʼtenserowáhnen, ne sakoʼNí꞉io ne Israerʼró꞉nons, ráton, “Kwáh entréwahthe ne Amon, ne ne Thebes ahoʼní꞉io, tienwahkwekónhake ne Egypt tánon nahoʼní꞉ios ó꞉ni nahonnonhtiʼiótsheras. Ienhihiaténhaʼwe ne Ronhnonhtí꞉io ne Egypt nónhwe tánon tsi nihiákon ne rahonháke nónhwe nihieniahésen,

Jeremiah 48:2

ne raorenshaʼrónhtshera ne Moab iohthónhon. Ne tehontátʼtsions wahatiʼiéna ne Heshbon tánon wahontenikonhrónhni nahonwahnháthonʼte nonhkweshón꞉a ne Moab nónhwe. Ne tsi kanátaʼien ne Madmen enkonhwáskwehke; ne ronhterí꞉ios thóht tsienhónʼne.

Jeremiah 48:20

‘Moab konhwahsénhnion,’ tsi tenhatiʼriwahsehráhko, ‘tesehwahséntʼthos; kwáh konhwahtéhaton. Sehwahrihówahnat aktóntsie ne Arnon Kaniataʼrahtátsie nètho Moab tsi konhwahriwahtónton!’

Jeremiah 48:37

Kwáh ratiʼkwékon rohnahtaʼtenónhkaron ó꞉ni rohnatʼkonsthonrhiákon tsi rohnatʼtsiónnion. Wahontatreʼniánion ne rontsanáhkes tánon káiare wahontserónhniaʼte.

Jeremiah 48:7

“Moab, ne sehniahésenhne ne shaʼshastsʼténshera ó꞉ni ne shaʼkwahséhtshera, ók kíʼ nónhwa ienhieshaʼhiaténhaʼwe nahieshaʼnhóton; Ne shaʼní꞉io Chemosh, skátke ne rahonkwetaʼshón꞉a ne rotikháres ó꞉ni tsi niháti ne ronwahiótenʼse, kwáh enhonwahnaʼnakeráhkwahte tsi nónhwe nahínonh nióre tsohontsiaʼiénhton.

Jeremiah 49:1

Kén kíʼ nahó꞉ten ne Roiá꞉ner ráwenh tsi nòkwah ne Ammon: “Káh nihónnes ne ronnónhkwe ne Israerʼró꞉nonhke? Iáh kén ónhka tehióien nahonthaʼhátiʼne ne rahononhontsiashón꞉a? Nonhtiéren tsi wahonwahtiríhon nonhkweshón꞉a né konhwahsénhnahiens ne Molech ne ne ahatiʼiéna ne ratitaráhien Gad raotinahkerásera tánon thóh nónhwe nahontenáhthaien?

Jeremiah 51:8

Ók thontahiawénhstsi, ne Babylon ó꞉ni wakonhwahsénhni. Tsehwahsénhtʼthos, tánon táhtion ne ahonónhkwah, Tó꞉ka nónhwa enkahkwéni ne shé꞉konh ahoshaʼkonhwáhtienʼthe.

Jeremiah 6:26

Ne Roiá꞉ner washá; kawenhase ne rahonkwetashón꞉ʼa, “Kahiare sehwatʼtseronniat tánon okenrahke sehwatʼkarhateniat. Sehwatʼtionnion kwáh kahkasehró꞉wahnenh tesehwasentʼtho thóh nahiothon tsi shiken ní꞉ioht ne enskat khók iakowiraienthakwe, tsioríhwa nonhka tahre nahiathonte tentsiawenhtsi ienhiatiathonti.

Amos 1:15

ethò꞉ne kiʼ ne ronwanontí꞉io kwáh enhanakerá꞉ko, raónha tánon skátne ne ronaterihón꞉tonʼs raonkwetashón꞉as, ráton ne Roiá꞉ner.

Zephaniah 1:5

tsi niiákon thenhiontsákete ne tsi karonhkwenáhere raotihénton ne ratironhiakerononókons; tánon tsi nihiákon thenhiontsákete tánon enhonwarihwanirát꞉tse ne Roiá꞉ner, ók ethosà꞉ne ronhwariwaniráti ne raotiní꞉io Milcom;

Ne꞉ne Sák Rohiaton 5:1

Tánon nónwa, í꞉se kí꞉ken sewakwatsénion tiónkwe, takwatahónsatat! Tesewaséntho ó꞉ni tesewahénret neh tsi nihionikonrátsat tsi ní꞉ioht tsi ensewaiatóren꞉ne!

Joshua 7:2

Ne Joshua kenhnihatíha ronhnónhkwe iashakothéniete ne Jericho nonhtahónhne tánon Ai niahónhne, né꞉ne kanatowanénhke nakon nokwahti ne Bethel, ákta ne Bethaven, wahonwatì꞉nahne nahontonhontsatʼkénhsera. Nó꞉nen shihonatenhtion,

Joshua 8:1

Ne Roiá꞉ner wahawénhase ne Joshua, “Ratikwé꞉kon ne ronhterí꞉ios iasehiaʼténhaf tánon Ai niahásewe. Tó꞉sa sewáteron tó꞉sa ó꞉ni sewaʼnikonhrók꞉ten. Enʼtsion natesenhniéntshera tsi nòkwah ne Ai ronhnonhtí꞉io; ne rahonkweʼtashón꞉as, ne rahonatowá꞉nen, tánon nonhóntsa Í꞉se sewáwenk enhwáton.

Joshua 8:28

Ne Joshua wahatenonhkwatekthánion ne Ai tánon ne iatioʼtá꞉tere ne ioriwaieshá꞉hons. Tánon shé꞉kon nón꞉wa wenhniserá꞉te thóh ní꞉ioht.