Jeremiah 49:23 - Ohiatonhseratokénti

²³ Kén nahó꞉ten ne Roiá꞉ner ráwenh tsi nòkwah ne Damascus: “Nonhkweshón꞉a ne tsi kanatowáhnenh ne Hamath nónhwe nihienáhkere ó꞉ni ne Arpad tehonataʼtenikónhrahreh tsioríhwa tsi iáh tekarihwí꞉io wahathiriwáhronhke. Ne kahterónhtshera iothohrhiáneron tsi nónhwe nihónnes tsi ní꞉ioht ne kaniatarahkekówah, iáh tehonhorisénhtas.

Jeremiah 49:23 ပူးပေါင်းရင်းမြစ်များ

Genesis 14:15

Tánon waʼtehshakhokhahshión꞉ko ne raonkwetaʼshón꞉ʼa, sahshakotiohkonniánion, tánon iahonwanatiaʼtón꞉ti ne tehontátswenhs tsi niwahsón꞉tes, tánon wahshakóhsere kwáh tsi niió꞉re ne Hobah, né nothorè꞉ke nonkwá꞉ti ne Damascus.

Genesis 15:2

Ók ne Abram wahén꞉ron, “O Saiá꞉ner Ní꞉io, nahó꞉ten akarihontá꞉ko né othé꞉non aontáhskon, tsi sénha iáh othé꞉non tewakewí꞉raien, tánon nakó꞉wenk sewatónhsere natientáhtshera ne ne Eliezer né꞉ne Damascusró꞉non?”

2 Samuel 17:10

Ehʼthóhʼne shé꞉kon ne kwáh ronikonratsáni raterí꞉ios, thóh nihawerhiá꞉shote tsi ní꞉iot ne kénreks, kwáh í꞉ken tsi enhotitsiʼióhaʼne; asèken akwé꞉kon Israerʼronónke iakoteriéntare nètho ne ianíha tsi raterí꞉ios nahahiatóten, tánon tsi nikáien ne ratikwekonháties kwáh kíʼ rotinikonratsáni tsi ronterí꞉io nahatiʼiatóten.

2 Samuel 8:9

Nó꞉nenh ne Ronnontí꞉io ne Toi ne ne Hamathró꞉non waharihwáhronhke nètho Táwit tsi sakosénhnion ieshakosaháton ne Hadadezer raotsió꞉kwa ronterí꞉io,

1 Kings 11:24

tánon rahón꞉ha renhtsiokwahkweʼní꞉ioʼkwe ne sonhterihwaʼtewá꞉thas. (Thóh né kí꞉ken thóh nihiawénhen nó꞉nen ne Táwit sahosénhni ne Hadadezer tánon shakononhwarhiakónhnions ne Syriaró꞉nons thonatenhróhonhne.) Ne Rezon tánon ne rahotsiókwah Damascus nónhwe niahónhne thóh nónhwe ionhsahonthatíteron, thóh nónhwe ne thonwatswanónhnahkwe wahonwanontiʼiotserónhni ne Syria nónhwe.

2 Kings 17:24

Né rakóra ne Assyria nón꞉we tashakoiatínekenhwe nonkweʼshón꞉as ne Babylon, Cuth, Ivvah, Hamath, tánon ne Sepharvaim tánon tsi kanatowanénke ne Samaria nón꞉we niahonwaʼtiʼiaténhawe tsi nón꞉we iehonwananakerakwáhton Nisraeʼró꞉nons tánon thóh nón꞉we nahonwatíteron.

2 Kings 18:34

Kaʼnón꞉we ó꞉nen niskónhnes, ne rahotiní꞉ios ne Hamath ó꞉ni ne Arpad? Kanieionénons ne raʼotiní꞉ios ne Sepharvaim, ne Hena, tánon ne Ivvah? Ónhka kén iakonónstaton ne Samaria?

2 Kings 19:13

Kaniehonénons ne rontinontí꞉ios ne tsi kanatowánens ne Hamath, Arpad, Sepharvaim, Hena, tánon ne Ivvah?”

2 Kings 5:12

Tshieskàte, ne tsi kaniatarathátse ne Abana ó꞉ni ne Pharpar, né Damascus nón꞉we, iáh kén ne sénha tekanekí꞉io tsi ní꞉ioht ne Israerʼró꞉nonke? Thóh nón꞉we nahonsonhkatiató꞉hareke tánon kíʼ ahonsonhtsewenhtáhon!”

2 Chronicles 16:2

Ká꞉ti ne Asa iahá꞉ko ne kawistarákens ó꞉ni nowistanórons ne tsi ratiwistaienthákwah Nononsatokentiʼkówaʼne ó꞉ni ne kanonhtiʼiotserákon tánon Damascus nón꞉we iahaténiete, tsi thénhteron ne Ronnontí꞉io Benhadad néne Syriaró꞉non, skát꞉ke kí꞉ken naterihwanothátshera:

Exodus 15:15

Nohénton iehonʼnéton ne Edom roʼtíterons; Ne Moab ne ratiʼshatsʼtes roʼnónhkwe roʼthiiatihʼshónhkwa; nonhkweshón꞉ʼa ne Canaan nónwe wahonhnikonhrók꞉ten.

Isaiah 10:9

Iáh kèn ne Calno kwáh né꞉ne Carchemish akénʼhake? Iáh kén ne Hamath kwáh né꞉ne Arpad akénʼhake? Iáh kén ne Samaria kwáh né꞉ne Damascus akénʼhake?

Isaiah 11:11

Né thóh enwenhniseráte ne Roiá꞉ner kwáh kíʼ iaʼthensanéntseste ne tekeníhaton ienwàteratsʼte nahonshaʼsakohiataróhroʼke ne iatehonathaʼthénron ne rahonkwetaʼshón꞉has, né꞉ne Assyria, Egypt, tánon ne Pathros, Ethiopia Elam, Shinar, Hamath, tánon ne kawenhnokwátʼtonhtses ne kaniataraʼkhekowàʼne natentʼtónhne.

Isaiah 13:7

Né káti aoríhwa kwáh akohtsanakwékon tsi enhiotsiʼió꞉haʼne, tánon onkwetakwékon nakawé꞉ri kwáh enkawisʼtanáwenhne,

Isaiah 36:19

Kaʼnihónhnes ne ratiʼniʼiohokónhas ne Hamath tánon ne Arpad? Kanihónhnes ne raotiʼniʼiohokónhas ne Sepharvaim? Skonwaniaʼkénton kén ne Samaria ne katsanàke?

Isaiah 37:13

Kaʼníres ne ronnontí꞉io ne Hamath, ne ronnontí꞉io ne Arpad, ne ronnontí꞉io ne tsi kanatowanénke ne Sepharvaim, ne ronnontí꞉io ne Hena, khés ne ronnontí꞉io ne Ivvah?”

Isaiah 57:20

Ók ne iakorihwanerahákskon kwáh né꞉ne ionontakwahrontónhties ne kaniatarakhekówaʼne né꞉ne iáh thahónton thaʼtahontó thate; naoné꞉ka né tiótses nonón꞉wa tánon onawástha.

Isaiah 7:8

Asèken naʼonón꞉tsi ne Syria né꞉ne Damascus, tánon ne aʼonón꞉tsi ne Damascus né꞉ne Rezin. (Ohénton ne iáhʼiak nenhioserásenhke ne Ephraim kwáh thenhonwanattókwahte, iáh ónhkwe tahonsakénhake.)

Jeremiah 39:5

Ók kíʼ ne Babyloniaró꞉nons ronhterí꞉ios wahonwahtísehre tánon wahonwahiéhna ne Zedekiah ne tsi nónhwe nihiohenthakwénhrahre ne Jericho. Ethóhʼne Ronhnonhtí꞉iohke ne Nebuchadnezzar niaʼhonwahiaténhaʼwe, tsi kanatowahnénhke ne Riblah thóh nónhwe iéresʼkwe ne ne tsi wathonwenhtsiáien ne Hamath, tánon thóh nónhwe ne Nebuchadnezzar tahorihwénhte.

Ezekiel 27:18

Nonhkweshón꞉a ne Damascus wahathininónhion ne satkeronhthátshera tánon ne kaietʼthóhtsheras ne saietwáhkwen, otsítsa ienekiráhtha wahesahkarhiákʼten né꞉ne Helbon nónhwe tkaʼnhekíson tánon ohnónwehron ne nènhne ne Sahar nónhwe nitsawéhnon. Ne wathonthatawístakwe ne karisthasehrónhni tánon ne iontekwahkonhonsthákhwah ne sawenhshón꞉a.

Amos 6:2

Iatetsá꞉hiat ne Calneh, tánon satkáto; thóh hionhsahsathénti kanatowanénhke ne Hamath nionhsáse; ethò꞉ne thóh hionhsahsathénti Gath nionhsáhse né꞉ne Philistiaró꞉nons ratotinatowanénhke. Sénha ken ne ioiáneres tsi ní꞉ioht kí꞉ken kanakeráhseras? Khés í꞉se ken sénha sanakerahserowá꞉nen tsi ní꞉ioht ne rahotinakeráhsera,

Nahum 2:10

Enwatsesatón꞉ke, enkarihwaiésa, tánon enwatkarón꞉ni! Enhiakoteronhiénhten tánon thenhiakosiníshonkwe, akwé꞉kon enhonteshatstenhserókten, ratikwé꞉kon thenhonskenhnenhnatónhten!

Numbers 13:21

Káti ne ronhnónhkwe othorèke niahónhne tánon iahonthonhontsiátʼkense ne karahkonhkówa nokwáhti ne Zin né꞉ne entiéne kwáh tsi níó꞉re ne Rehob, ákta ne Hamath Iotohetstáhkwen nothó꞉reke nokwáhti.

Acts 27:20

Tóhka niwenniseráke iáh thetionkwatʼkáton ne karákwa ó꞉ni ne tsi iotsistokwarónnion, tánon sékon kwáh éhʼtho tsi nihioweraʼsátsthe. Thó꞉ne kíʼ ónen wahakwanikonrókten naiakwaniákenne.

Acts 9:2

tánon wahariwanónton tòkahʼken thènen iahonwatihiatón꞉ni ne ronaterihónton ne Sitaeró꞉nons tsi ronterenʼnaientákwa tsi nòkwa ne raónha neh nónwe ne Damascus, neh káti tòkah ahatʼtsénri neh nónwe ónhka tsiakawetákwen ne rahosénnakon ne Roiá꞉ner, neh nahotheriwathénʼtiaʼse nasakoiéna, ne rohnónkwe tòkah ó꞉ni ne konʼnónkwe, tánon Jerusalem iensesakohiaténhaʼwe.

2 Corinthians 11:32

Damascus shiehé꞉kes, ne rakó꞉ra roiaʼtanónhnhe Ronontí꞉io Aretas waʼtehshakótaʼste ne ratinónhnhe tsi iotenʼenhrakahrón꞉ton ne kaná꞉takon naiontié꞉na.

Deuteronomy 20:8

“Ne rasenhnowá꞉nen kwáh ó꞉ni enshakawénhase ne ronhnónhkwe, ‘Ónhka kén꞉en í꞉res ne rónhkwe ne iáh teshonikonhraʼtsháni tánon rò꞉terons? Tó꞉ka tó꞉kenske, ó꞉nenk tsi enshahténti. Tó꞉ka iáh, kwáh ki enshakonikonhrário ne ronatià꞉kes.’

Joshua 14:8

Ne ronhnónkwe ne wahakwateró꞉sen, ne ki nénhne ne, washakotiʼterónhkwen nonhtionhkweʼtashón꞉as. Ók kwáh orihwiiohón꞉we tsi wahiwenhnáraʼkwe ne Roiá꞉ner Nakení꞉io.

Joshua 2:11

Hionkwáteronskwe tsi nihiostó꞉re sahakwarihwà꞉ronhke; hiakwakwé꞉kon wahakwaʼnikonhrókten tsi í꞉se sewaríhwa. Ne Roiá꞉ner Sewaní꞉io ne karonhià꞉ke ténhteron ó꞉ni ne kén꞉en ohontsà꞉ke.