Jeremiah 49:22 - Ohiatonhseratokénti

²² Ne tehontátʼtions ienkonhwatiatónti ne Bozrah tsi ní꞉ioht ne ákweks tehiotasenhthonhátie tsi naʼtehiotehontsakaráhwenh. Ne eh enwenhniseráhteke ne Edom ahonkwetaʼshón꞉a ne ronterí꞉ios kwáh eh nenhotiʼterónhsehke tsi ní꞉ioht ne iónhkwe ioronhiáken tsi iowirahientásehre.”

Jeremiah 49:22 ပူးပေါင်းရင်းမြစ်များ

Hosea 8:1

Sewatenón꞉tha ne iehonrawátstha! Kwáh tsi ní꞉ioht ne kaweró꞉kwats ne è꞉neken ká꞉tses ne tsi ronónshote Roiá꞉ner, tiorì꞉wa tsi teotihiá꞉kon nakaterihwaseronhniá꞉tshera, tánon ronatewenhnóntion natsanerénhsera.

Isaiah 13:8

tánon kwáh tenhonthatenikonráren. Tehonawehetstánion tánon enhatironhiáken kwáh ne enhotiʼiéna; kwáh èhʼtho ní꞉ioht tsi enhatironhiáken tsi ní꞉ioht ne tiontonhwí꞉sen tsi nihioronhiáken tsi iowiraientásere. Kwáh tenhontatkatósehron tsi nithonátonhne; ne ratiʼkonsákes kwáh tsi ní꞉ioht ne iotsírote.

Jeremiah 49:24

Nonhkweshón꞉a ne Damascus nónhwe rothitsihióʼa tánon kateronhtsherákon tsi wahontèko. Roʼthironhiáken tánon ronhnonhnákʼsen tsi ní꞉ioht ne iónhkwe iowirahienthá꞉sehre.

Jeremiah 30:6

Sehwáthkaf tánon sehwahnonhthonniónko! Ahakwéni kén ne rónkwe nahshakonáhkeratsʼthe nowihráha? Onhkáti niʼiohtiéren tsi khèkens ne ronnónhkwe ne rontshanáhke ratiʼnekwentháke rothiʼienahwáhkon tsi ní꞉ioht ne iónkwe iohwiraienʼthásehre? Onhnihiotsiéren tsi kwáh niaʼtehionkwétahke tsi tehiakotsʼkenné꞉nonhte?

Jeremiah 6:24

“Wahakwariwahronhke,” ronton ne Jerusalemró꞉nons, “tionkwá꞉tianenhen; ne tehionkwawahnenh ne karonhiakensehra ó꞉ni ne kanonhwatʼthentshera tsi nʼi꞉ioht ne iónkwe ioronhiaken tsi iowirahienthasere.

Jeremiah 4:13

Satkátho, ne tehontátʼtions tsi nonhtahonehnonhátie kwáh tsi ní꞉ioht ne otsátahs. Ne wahterí꞉ios ne raothísehres ne otsiónkwas kwáh tsi ní꞉ioht ne wahtsiskahionniátha, tánon ne raothitsenenhókonhs kosáhtens sénha tehiothíkas tsi ní꞉ioht ne ákweks. Hionkwahiathatónʼon! Hionkwariwahiesá꞉hon!

Deuteronomy 28:49

Ne Roiá꞉ner kwáh enteshakohiaʼtenháseron ne tsi iehiotonhontsoʼthaní꞉hon nonhkweshón꞉a ne iaieshatiaʼtón꞉ti, ne nonhkweshón꞉as ne rahoronhkhátsheras iáh teshaʼnikonhraién꞉tas. Kwáh tenhieshathaséhthe tsi ní꞉ioht ne á꞉kweks.

1 Thessalonians 5:3

Nónen nónkwe enhiaiéron, “Oriwahkwékon sakʼtíken ó꞉ni skénʼnonk tíken,” káti tontaiawénstsi kariwaiesátshera enhotiʼiénte! Kwáh thóh ní꞉ioht tsi énwahwe tsi ní꞉ioht nónen tehiowehétstha ne iónkwe nónen iowirahientásere, tánon iáh tahonsaieniáken꞉ne nonkwesónha.

Daniel 7:4

Ne takáhente eʼtho nikaiaʼtó꞉ten tsi ní꞉ioht ne kèn꞉reks, nok tekanerahóntshontons tsi ní꞉ioht ne à꞉kweks. Tsi nikarí꞉wes tehiká꞉nere, ne onerahóntsha tsi ní꞉ioht ne ónhkak wahakótion. Thí꞉ken karioʼtowá꞉nen waʼhonwaiaʼtakarátate tánon wahoniónnien tahá꞉taʼne tánon ahattakwaríhsi tsi ní꞉ioht ne rón꞉kwe. Tánon eʼthó꞉ne ó꞉nen ón꞉kwe akoʼnikónra tahónnion.

Jeremiah 22:23

Thishaʼteráhkare tsi niʼieshaʼhiatahnónhsthaton tsi naʼtekónteres ne onenthakwéntes né thóhʼthíha ne Lebanon nónhwe; ók tsi niʼkenthenthetseroʼwáhnenh nónenh ne karonhiakénsehra tenshaʼkwáhte, ne karonhiakénsehra thóh nenhiotónhake tsi ní꞉ioht ne iónhkwe iowirahientáhsehre!

Jeremiah 13:21

Onhnahóten enshíron nónen nonhkwesónha tsi niséhron né꞉ne sahterohserahkénʼen kènʼne tánon ne waheshatiathakwení꞉iosthe? Thóh ní꞉ioht tsi ensehronhiáken tsi ní꞉ioht ne iónkwe iohwirahientáhsehre.

Jeremiah 4:31

Onhkatʼthónteʼne tehionsénhtos, tsi ní꞉ioht ne iónkwe ioronhiáken tsi iowirahienthásehre, tehiakohenréhtha tsi ní꞉ioht neiónkwe thontiérenhte wahowirahiéntahne. Né꞉ne Jerusalem tewahsénhthosʼkwe tsi niwathonrhióthaʼkwe, hiatehiótiathe tánon wahthónnionskwe, “Wakatrehwáhthon! Tahónne nahionkenonhwahrhiákon!”

Isaiah 26:17

Kwáh tsi níoht ne tsiothonhwísen ne iowíraien, tsi natewatsiathatahséons tánon tehiohenrétha tsi naʼtehiowehestánions nó꞉nenh ákta í꞉wes niahiohiátiʼwe, èhtho ó꞉ni ní꞉i nihionkwahiátawenhskwe Í꞉se saríhwah, Ó Saiá꞉ner;

Isaiah 21:3

Ne káti wahón꞉ni ne tionhʼhontáke ne ionánon ne iatetsokétoʼte ahiakoiatíshonʼkwe; kanon waʼhetʼkéntshera tewatwánen, kwáh tsi ní꞉ioht ne tsiotonwísen iowiraientásere; shó꞉tsi wakeronhiáken iáh tatkwé꞉ni nahonkatʼtónhteke, shó꞉tsi wakateronhienténhni iáh tatkwéni nakatkátho.

Psalms 18:5

nahosehríhie ne Sheol onknerénkthon; tsi nihioterísthaien ne kenʼhé꞉ion onhkenenhrót꞉thase.

Proverbs 30:19

ne á꞉kweʼks tsi kátieʼs karonhiaʼkéhshon, ò꞉niare tsi watoriahnerónkwas otstenhrà꞉ke, ne kahonweiaʼkó꞉wa tsi kaniataratátie katshénrieʼs tsi nón꞉we wáhe, tánon ne rón꞉kwe tánon iakón꞉kwe kanoronkhwahtsherá꞉kon tahiatatiaʼtatshén꞉ri.

Isaiah 11:14

Ók kwáh kí iathenhonhnitiónkwahʼkwe ne ratiʼhnenhshá꞉kes ne Philistines ne tsiʼiatewatʼtsénthos nón꞉we, enthonthénroʼwe nasakotiʼnenskwenháton nonkweshón꞉has ne tsitʼkarakwínekens ratiʼnakeré꞉nion. Kwáh iaʼthenhonhnentsáthaʼte rononhàke ne Edom tánon ne Moab, tánon ne Ammonró꞉nons enhonwatiʼwénhnaraʼkwe.

Jeremiah 50:36

Kenhéiat tsi nòkwah ne rotinówenhs rothitó꞉kenhse tsi nithonahthónnhókʼte! Kenhéiat tsi nòkwah ne rahononhkwetaʼshón꞉a ne ronterí꞉ios— tsi nihothiterónhni!

Obadiah 1:9

Ne ronterí꞉ios ne Teman nón꞉we kwáh enthatiʼnikòn꞉renʼne, tánon kwáh ratikwé꞉kon ne ronterí꞉ios ne tsi ionón꞉te ne Esau nón꞉we tsi enhonwanaʼwéntho tsi enhonwennónhnhiaʼke.

Jeremiah 50:43

Ne Ronhnonhtí꞉io ne Babylon nónhwe wahaiéna noríhwa tsi nòkwah ne tehontátʼtions, tánon wahotsihióhaʼne tsi nahóteronhne. Kahteronhkwáhtshera tánon karonhiakénsehra wahotsakénsehrahkwe, tsi ní꞉ioht ne nónenh ne iónhkwe iowirahientáhsehre.