Jeremiah 48:47 - Ohiatonhseratokénti

⁴⁷ Ók tsi nienwahtennisehríheʼwe ne Roiá꞉ner kwáh shé꞉kon enshakwaʼtshésten ne Moab. Kwáh oriwahkwékon kí꞉ken tsi nahó꞉ten ne Roiá꞉ner ráwenh tsi nenhiohiátawenh ne Moab.

Jeremiah 48:47 ပူးပေါင်းရင်းမြစ်များ

Job Tánon ne Raoronhiakensera 19:25

Asè꞉ken wakaterièn꞉tare ne Satiatákwen tsi rónhne, tánon kwáh tenʼthá꞉tane noná꞉ken enhiahónhniate ne kén꞉en ionwenhtsá꞉te;

Isaiah 18:7

Né thóh nenhkaháwiʼke nathatawítsheras kwáh kí entonhwahawítaʼse ne Sakoiá꞉ner ne ronterí꞉io ratiʼronhiakeró꞉nons né thoʼnatkháwen ne ratiʼnenhiéshons tánon ne ratinhí꞉ios, né nonkweshón꞉has ne ronhwatiʼtshánis aktónties tánon nahinónhsons nió꞉re ít꞉kens, ne nonkweshón꞉has ne ratiʼshátstes tánon sakotisénhnies, né꞉ne rahononhóntsas ne tsi kaniataratáse tehiotʼkháshion, ièhio ne tsi Ionontáhere ne Zion, né nón꞉we ne konwanatón꞉kwah ne Sakoiá꞉ner ne ronterí꞉io ratironhiakeró꞉nons.

Isaiah 23:18

Nahotkeronhtátshera tánon tsi natewaténtsahas kwáh kí Roiá꞉ner enhonwatonhnahéraʼse; tsi nikará꞉kwas kwáh iáh tahontewenhientónhake khés nahonshétonhke, ók kí nahotkeronhtátshera kwáh iawethatsáni enhiakoiéritʼtse ne kákhwa tánon natʼtserónhnia né꞉ne tsi nihiákon thóh ienákere rahohénton ne Roiá꞉ner.

Isaiah 25:11

Eʼthohsàne tehonatsakwahríhshion nasénhnon nón꞉we í꞉ken, tsi ní꞉ioht ne ronhtáwenhs tsi tehonatsakwahríhshion tsi ronataʼwenhátse, tsi nihatinaie kwáh kí ehʼtàke enkénhake iawerohátien tsi niwenhtorá꞉tie.

Isaiah 45:20

Tesewatatsataʼrórok tánon skát꞉ne sewáton, ákta í꞉sewet, í꞉se ne iatesewataténron tionhontsakeró꞉nons! Iáh teotí꞉ien naʼtokhátshera— né꞉ne tsi niháti ratihawinóntses nó꞉iente raoʼtihiatonhnisónhas, tánon thoʼtikontákwen konwaterenhnaiénhni ne raotiní꞉io né꞉ne iáh thaʼkakwéni naʼhiakonónsthaʼte.

Jeremiah 12:14

Ne Roiá꞉ner ráton, “Wakateriwahiénni ne thènen akíron tsi nòkwah ne Israel tehonthonhontsanekʼkhánion ne ronhnonhontsatshá꞉ton ne thekhehiáwi nakonhkwetaʼshón꞉a Israel. Ahéren enkhehiatenháwiʼte thí꞉ken ionkwetaksénskwa ne rahothiʼnakerahserákons tsi ní꞉ioht ne kaiéntʼthon kahterhiótsion, tánon enskeniákente ne Judah ne rohnonháke.

Jeremiah 12:15

Ók nónenh ahéren enkhehiatenhawíton, kwáh ensekʼkhétenre; Kwáh tentekhehiaténhaʼwe ne skentiokwátʼtion ensekʼkhéteron ne rahononhontsáke ó꞉ni ne raothinakerahserákon.

Jeremiah 23:20

tánon iáh tahthakáthaʼne tsík akwékon éhtho nenháiere tsi nihoteʼnikonhrónni. Tsi nienwatennisehríheʼwe ne rahonkwetahshón꞉a kwáh enwehnéhake tsi enhotiʼnikonhraiéntaʼne.”

Jeremiah 46:26

tánon ne ienkehiatsakwahríshiaʼse tsi niháti ne rónhnere ahonwahtinonhwahrhiákon, ne ne Ronhnonhtí꞉io Nebuchadnezzar ne ne Babylonia nónhwe tánon ne rahonkwetahshón꞉a ne ronhterí꞉ios. Ók ishiʼnonhwéha, nonhkweshón꞉a shé꞉kon ienshonnáhkerahte ne Egypt nónhwe, tsi nihotiʼhiéren ne tsiotohétston. Í꞉ih, ne Watiá꞉ner, wakatáti.

Jeremiah 49:39

Ók nonàhken entewenhnisehraʼténionke ensekʼkwahthá꞉ko ne raoʼnahtsokowáhtsheras ne Elam ráton ne Roiá꞉ner.

Jeremiah 49:6

“Ók ishinonhwéha shé꞉kon ensekʼkwahtsésten ne Ammon. Í꞉i, ne Watiá꞉ner, wakatáti.”

Ezekiel 38:8

Nónenh wéso ioseráhke enhiothohétsthon enhínhane ne iashakotiathónti ne kanakeráhsera tsi nónhwe nahtethonhwathihiaténha nonhkweshón꞉a skátke nakʼtésonh nónhwe tkanahkerahserahkéron tánon tsi ronhnonhnhekwe iáh tehotiteronhskwe nateriiosehra. Kwáh enhanenhrenhten ne tsi ionhnonhténion ne Israel, né꞉ne iahontsiaietsáhon ó꞉ni karíwes watewenhtethónʼne, ók thóh nónhwe ónenh nitsenáhkere nonhkweshón꞉ʼa tánon skénnenhk tí꞉ken.

Daniel 10:14

Tá꞉ke nakonʼnikonhraientáhten tsi nenhotiiá꞉tawen ne sonkweʼtaʼshón꞉ʼa ne tsi nienhénwe. Ki atetshénhsera né ne watró꞉ris tsi nahoténshon tá꞉we.”

Daniel 11:41

Kwáh ó꞉ni thienhshakotiaʼtón꞉ti ne kwáh iohontsáskats ronwanararhahstén꞉ni tánon ó꞉ni tóhka tewenʼniaweʼehtsheráhsen enshakoʼwéntho, nok né tsi kanakerahseraké꞉ron ne Edom, Moab, tánon tsik ní꞉kon tsotatén꞉ron tsi iohontsá꞉te ne Ammon iáh nenʼné꞉e kenʼ thiashakó꞉iere.

Daniel 2:28

Ne ók ne Rawenni꞉io karonhià꞉ke thén꞉teron, raónha rotáhshions ne kariʼwahséhtánion. Iatokaʼtén꞉ni Sanontí꞉io tsi neniá꞉wenʼne ne kenʼ eniótiehte. Ó꞉nen kiʼ enkonhró꞉ri ne atetshénhsera, tsi nahsatkáhtho tsi náhe séntahskwe.

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Numbers 24:14

Ne Balaam wahawénhase ne Balak, “Ónenh kíʼ thóh iénske tsi thatíteron nakonhkwetashón꞉ʼas, ók nohénton enskaténhti, enhkontohkáten tsi nahó꞉ten NʼIsraerʼró꞉nons tsi nenhonwatiʼiérase ne sonhkwetashón꞉has tsi niahawenonhátie.”

Deuteronomy 31:29

Wakaterien꞉tare nó꞉nen enwakihé꞉ionhke nonhkweshón꞉as kwáh enhatiriwanérake tánon enhatiriwáhson tsi nahoʼténhsons kherihonhnién꞉ni. Tánon ienkáhewe ne enhatihié꞉na ne kariwaieshá꞉tsheras, tiorì꞉wa tsi wahonwanaʼkón꞉ni ne Roiá꞉ner tsi ne kenh niahatí꞉iere tsi nahó꞉ten ne roriwáston.”

Deuteronomy 4:30

Nó꞉nen tensewaʼnikónhraren tánon oriwakwé꞉kon tsi nensewahiatawénhseron, ethò꞉ne ki kwáh Roiá꞉ner nokwáh ientsí꞉sewe tánon entsisewawénhnaraʼkwe.