Jeremiah 48:45 - Ohiatonhseratokénti

⁴⁵ Ne iáh othé꞉nen tehatiriwástha rotinatenhá꞉wis wahonteʼnién꞉ten nahititsénri nahontaiákone ne Heshbon nón꞉we. Ne ne Ronnonhtí꞉io Sihon thoʼniarotarónhne, ok teiotonhkwáhkwen. Ó꞉tsire iotsahátons ne tsi karistathátse oni ne tiotenónhtates ne ronteriioseranónwes ónkwes ne Moab nón꞉we nihatinákeres.

Jeremiah 48:45 ပူးပေါင်းရင်းမြစ်များ

Psalms 135:11

Sihon, né sakononhtí꞉iokwe ne Amorʼró꞉nons, tánon ne Og, né꞉ne ronhnontí꞉iokwe ne Bashan nón꞉we, tánon tsi nikanakerásehra ne Canaan—

Psalms 78:63

Né kenhnitiʼtihiónsas tsi waterí꞉io nón꞉we nahonwatinonhwarhiá꞉kon; tánon ne kén nitiotihiónsas iáh ónhka tahiotetʼtiénhri ne rónhkwe nahotíniake.

Jeremiah 2:16

Hén, ne Memphisrononhs ó꞉ni ne Tahpanhes tehonwanontsistó꞉ren.

Jeremiah 48:2

ne raorenshaʼrónhtshera ne Moab iohthónhon. Ne tehontátʼtsions wahatiʼiéna ne Heshbon tánon wahontenikonhrónhni nahonwahnháthonʼte nonhkweshón꞉a ne Moab nónhwe. Ne tsi kanátaʼien ne Madmen enkonhwáskwehke; ne ronhterí꞉ios thóht tsienhónʼne.

Amos 2:2

Ó꞉tsire ienkatenniénhten ne Moab, tánon kwáh enwátshaʼahte tsi watenʼènhró꞉tons ne Kerioth, tánon ne Moab kwáh enkénheie thóh shaʼtekanenhrí꞉hen tsi nateiakohenréhtha, thóh tsi satekanenhrihen tsi tehiakohenréhtha tánon tsi nikontiwèn꞉note ne iehonrawatstáhkhwa;

Zechariah 10:4

Rahothitióhkwakon nón꞉we nenhtón꞉ne ne rathikoráhshons, ronateriónton, sakotihén꞉tenhse, tánon ne ronterihiosehrakweʼní꞉ios nahonwahnatʼkórasthe nakonkweʼtashón꞉a.

Numbers 21:21

Ethòne nonhkweshón꞉ʼas NÍsraerʼró꞉nonhke iahonwanaténiete ne ratirihwakarénies tsi thénhteron ne ronhnonhtí꞉io Sihon né Amorʼró꞉non nónhwe nahonhníron:

Numbers 21:26

Ne Heshbon né nènhne ne kanatakwení꞉iokwe thóh ranákere ne ronhnonhtí꞉io Sihon, né nènhne ronateriʼióhon ne thonhnonhtí꞉iokwe ne Moab tánon akwékon rotieronhkwe ne rahontsakénhʼen kwáh tsi nióre ne Arnon Kaniataratátie.

Numbers 21:28

Iehioteráston kenʼen iehiotásawe kí꞉ken kanatowanénhke Heshbon ne Sihon rahotiókwah ronhterí꞉ios iahatihiákenken tsi ní꞉ioht nótsire; Nahatinatarihwéntʼtho ne kanatowanénhke ne Ar né Moab nónhwe Tánon wahathirihwéntʼtho ne tsi iononhtarónhnions nononhtoharahké꞉sons ne Arnon.

Numbers 21:29

Tsi natehiotenonhnianíton níse sewarihwáke, tsiónhkwe ne Moab! Íse ne sewasénhnaiens ne Chemosh wahetsihiónhnien nahisewarihwahiésa! Ne sewaní꞉io wahonwenhnónhnien ne ronhnónhkwe nahotinenhtenhawíson, Tánon ne konhnónh꞉kwe né꞉ne washakotenaskónhniaʼte ne Amorʼró꞉non ronhnonhtí꞉io.

Numbers 24:17

Katkáthos tsi niahawenonhátie, Tánon khékens ne rahotitiókwa ne Israerʼró꞉nons. Ne ronhnonhtíio, kwáh tsi ní꞉ioht ne tehiotsistokwaswát꞉the, tsi entewatkétsko nètho kentiókwahien. Kwáh tsi ní꞉ioht ne katsisthokowánen Israerʼró꞉nonke nénhtewe. Enshakóienhte ne sakotihenténhse ne Moab Tánon enshakononhwenhserário ratikwékon nonhkweshón꞉ʼas ne Seth nónhwe.

Matthew 21:42

Tontahenron ne Iesos, iah ken nonȣenton teseȣaȣennanote ne Kaiatonseratokenti; tsi ȣaton: neneh rotineniasȣenhon ne tehatiststenrotha neh ȣakanenhiakȣeniione tsi tekaiosaien: neh kehiken nʼakȣa Roianer eh nihokȣatakȣen, oni ok tiionerakȣat tsi teȣatkattos?