Jeremiah 48:4 - Ohiatonhseratokénti

⁴ “Ne Moab konhwahthónton; sehwathaʼhónshaʼtat ne ratiksahókonh tehonsénhtʼthos.

Jeremiah 48:4 ပူးပေါင်းရင်းမြစ်များ

Esther 8:11

Ne ká꞉ti wahotiʼhiatonhseró꞉taʼse waʼkaʼnikonhraièn꞉tahste ne ronontí꞉io tsi enhshakoríhon ne Sitaeró꞉non akwé꞉kon tsi kanataké꞉ron nahonnitionhkwahserón꞉ni naontahontatéhnhe. Tóka ne ronterí꞉ios thikawenní꞉io nikahwatsirò꞉ten ronatateʼweiennentá꞉ʼon nahonterí꞉io, tóka enthonwanatiaʼtón꞉ti ne Sitaeró꞉non, shakotiioʼokón꞉ʼa tánon ne konnón꞉kwe, kí꞉ken Sitaeró꞉non enwá꞉ton nenthontátehnhe enhonterí꞉io tánon enhshakonaʼwéntho; tsi niió꞉re iaʼtenhshakotíhsa tánon enthatiró꞉roke nahò꞉ten rotiièn꞉tahkwe.

Psalms 137:9

Ronatáskat tsi niháti niensakotihiathénhawe ne kenhnihonnáhsas sehiohokónhas tánon osthenhráke enhonwatihiataienhthánion!

Jeremiah 20:16

Aiáwenhs né tahonshaʼhiatiérenhke tsi ní꞉ioht thíken kanatowáhnenhs nètho ne Roiá꞉ner rorihwahtónton kwáh tsi thahóten ne athaniténron. Aiáwenhs nék khók ahothónteʼke ne karonhiakénsehra noronhkéʼne tánon tsi nenhontátisʼte naterihiósehra nénhtie nenhkárahke,

Jeremiah 48:3

Nonhkweshón꞉a ne Horonaim nónhwe wahthoʼtihénrehte, ‘Kanikonhrakʼséntshera! Tánon kowáhnenh ne kariwahiesáhtshera!’

Jeremiah 48:5

Shathónte tsi natehonsénhtʼthos tsi niahonenonhátie ne Luhith, tehonséntʼthos tsi nihotinikonhrahronhiáken tsi nathontahoʼnenonhátie ne Horonaim.