Jeremiah 48:39 - Ohiatonhseratokénti

³⁹ Moab tehiotʼthó꞉kwen! Tehiohenráhtha! Moab konwahtéhathon. Ioriwahieshá꞉hon, tánon rahtiʼkwékonh ne áktaʼtieshónhas ratinahkeréhnion nonhkweshón꞉ha thiʼkonhwahiéron. Í꞉i, ne Watiá꞉ner, wakatáti.”

Jeremiah 48:39 ပူးပေါင်းရင်းမြစ်များ

Jeremiah 48:13

Ethóhʼne ne Moabró꞉nons enkonhwahtéhaʼse ne raoʼtiní꞉io Chemosh, kwáh tsi ní꞉ioht ne Israerʼró꞉nons tsi konhwahtéhenʼse ne Bethel, ne owistahnóron tsonónhskwahron owírah kahiatónhni né konhwahniahésenhne.

Jeremiah 48:17

“Ietʼtsihiatʼtiónnions né꞉tho onkweshónhas, í꞉se nathasewanákeres, tsi sewakwé꞉kon sewaterièn꞉tare tsi kashenhnowá꞉nen. Sewèn꞉ron, ‘Naoshatsténhsera teiotsá꞉kon; naoiatanerakwátseras ó꞉ni naoshatsténhsera iáh othé꞉nen tésken.’

Lamentations 1:1

Iatetioʼiatíston ne Jerusalem, tewenniserátekwe kwáh titkanenráhrakwe! Tewenniserátekwe tsi niʼionwéntsia tekonwarensáronskwe, ó꞉nen nónwa thoníʼioht tsi síken ní꞉ioht ne ioteréʼons; Né kwáh tkasennowanénʼne tsi níkon ne kanahtowá꞉nens ó꞉nen kanáskwa iotónʼon.

Lamentations 2:1

Ne rahonahkwatserákon ne Roiá꞉ner rohrorókston ne Zion ne tetiókaras. Ne karonhiakhéka ahoiatanerakwátsera neh watakaraténiate nakahetkénton. Ne wenniserátekwe tsi nihonakwehén:ne, akwékon ne Rahononsatokénti wahatewénthete.

Lamentations 4:1

Tsi natehiostarátʼthekwe nonkwáhwenk nowistanóron iáh ó꞉nen tatetsiostarát:te; Ne tekaneniaserónnionʼkwe nononsatokentíke kanatakónsons tehiotáron.