Jeremiah 48:37 - Ohiatonhseratokénti

³⁷ Kwáh ratiʼkwékon rohnahtaʼtenónhkaron ó꞉ni rohnatʼkonsthonrhiákon tsi rohnatʼtsiónnion. Wahontatreʼniánion ne rontsanáhkes tánon káiare wahontserónhniaʼte.

Jeremiah 48:37 ပူးပေါင်းရင်းမြစ်များ

Jeremiah 47:5

Kanikonhraʼtsenhtsheroʼwáhnen rothiráhon nonhkweshón꞉a ne Gaza nónhwe, ók nonhkweshón꞉a ne Ashkelon nónhwe sák né thihonahthaʼtónhni. Thóh nikaríwes ne rohnáhtsiakes ne Philistia nónhwe enhotinikonhraksénhsehke?

Jeremiah 41:5

sahtekonhniháti wahónnhewe Shechem nonhthahónne, tánon ne Shiloh, ó꞉ni ne Samaria. Akwékonh ronatatʼkhonsthonrhiákon, rohthirahtiónkwen ne rahonatʼtsherónhniat, tánon ronatatʼrenáhnion. Onátsa tánon wehnekeráhkon wahatihawíʼne ne iakónhion Nononhsatokentiʼkówa.

Genesis 37:34

Eʼthó꞉ne kíʼ né Jacob waharatsón꞉ko ne raotsherónnia, tánon ká꞉iare wahatsherónniaʼte, tánon wahatshón꞉nion ne roién꞉ʼa raorihwá꞉ke ne ne wé꞉so wenhniserá꞉ke.

Jeremiah 16:6

Ne iakohkwahtsénion ó꞉ni ne iakóten kén nónhwe nihiohontsáte enhonníheʼie, ók kwáh iáh ónhka tahonwathihiatáta iáh ó꞉ni ónhka tahonwanattsiónnionʼse. Kwáh iáh ónhka tsi nítion tahisehwatátrehne iáh ó꞉ni onahhónsta tahitiónni ne sehwanonhtsíne nahisehwénesʼte tsi sehwanikonhráksens.

Isaiah 20:2

thóh shiʼkaháwi ne Roiá꞉ner rowenhnaráhon ne Isaiah ne roién꞉ha ne Amoz, ratónhnions, “Wáhs, tánon sasnerénhsi ne káhiare ne tesatsiakwahranát꞉ton tánon tesaraʼthási,” tánon thóh nahá꞉iere, tsi í꞉re raonehóskonk thí꞉ken tánon raoʼskawetóskonk.

Revelation 11:3

Tánon enkhé꞉ion ne teniiá꞉se ne ionkeriwanirá꞉tis kakweʼniá꞉tshera nianirí꞉waken né꞉ne énskat tewenhniaweheʼtsheráhsen tékeni tewenhniáwe iá꞉iak niwáhsen niwenhniserá꞉ke nenkariwésonke, ne enhonatseronhniáton ká꞉iare.”

St. Mark 5:5

Tiotkon onȣe karhakonson, onontoharakeson oni thires, tehohenretanes ohnenhia ratatientanionnes.

Micah 1:16

Onahónsta tión꞉ni tánon akwé꞉kon sewathatenónkar ne ne raotirihwà꞉ke ne ratitsaokónhas ne ietsinorónhkwas! Ohnahonsta tionhni ne sewanón꞉tsines tsi ní꞉ioht ne akwekskó꞉wa, asè꞉ken é꞉ren roné꞉ton ne shonhà꞉ke.

Amos 8:10

Kwáh né꞉e thetʼténiete tsi nisewathenhniotʼtha nahonsehsewatʼtiónhnion, tánon akwé꞉kon ne sewarenhnashón꞉as kaʼnikonratsénhtsera ienwáton; Kwáh sewakwé꞉kon ká꞉iare ensewatseronhniá꞉te, tánon sewakwé꞉kon ensewathatenónhkare; Kwáh ne entionhniáte tsi ensewatiónhnion tsi shí꞉ken ní꞉ioht nenskát꞉khok sewanekenteronhtseraiéntakwe ne rawenhé꞉ion, tánon ne tsi ieiotot꞉te kwáh né꞉ne wenhniserát꞉sen í꞉ken.

Ezekiel 27:31

Kwáh wahathikéte ne rahthinonhtsínes tsi wahonthaterónhkare Tánon káiare wahontserónhniate. Kwáh í꞉ken tsi róhʼnherhiasanónhwaks tsi naʼtehonsénhthos.

Ezekiel 7:18

Káhiare enhontierónhniate tánon kwáh enhothihiatishónkwaʼke. Ne rathinonhtsínes kwáh akwékon enhonwathinónhkare, tánon kwáh rathikwékon tsi enhonwanatéhate.

Isaiah 37:1

Nó꞉nen ne Ronnontí꞉io Hezekiah sahariwáronʼke, waharatiónko ne raotserón꞉nia, káiare wahaterórokste, tánon raononsatokentikówaʼne ne Roiá꞉ner iahatáwehiaʼte.

Isaiah 3:24

Tsi ní꞉ioht ne ionhtshaʼtakonhonstákwah akónste, kwáh kíʼ enkonhtí꞉iatakerashé꞉ke; tánon tsi ní꞉ioht ne káneks, aserí꞉ie; tanon tsi ní꞉ioht ne kwáh ahiotikotsiʼiósehke, onahónsta íken; tanon tsi ní꞉ioht ne kwáh kanóron wakóses, tekakʼkhánion tsi kanítkhon káiare; tsi ní꞉ioht ne ioràse akénhake, atehénhsera í꞉ken.

2 Kings 6:30

Tsi nahothónteʼne kí꞉ken, ne ronnontí꞉io waharatiónko ne rahotserónnia tsi nióre tsi tahaʼtón꞉neke, tánon nonʼkwesónʼas ne asonták꞉ta í꞉ienskwe watsesén tsi waʼontkátho tsi káʼiare ná꞉kon thótsʼton tsi rotierón꞉ni.

1 Kings 21:27

Nó꞉nen ne Elijah sahá꞉sa tsi nihotháraʼkwe, Né Ahab waharatiónhko ne rahotserónhniat, wahatseronhniáshion, tánon káiare sahatʼtserónhniaʼthe. Iáh tehatʼthóntats tahatskáhon, tshiehotserónhni ne káiare tsi ienhó꞉taʼwe, tánon ronhnátk꞉sen ó꞉ni thonikonhrénhen.

1 Kings 18:28

Káti ne rotitókense sénha tahonkwísron tsi ronaterénhnaien tánon wahontatreniánion ásare wáhonsthe tánon ne iotsiwehionthoʼtí꞉ie, né tsohianénhas né rahotirihwakahionhné꞉tsera, tsi nióre knakʼkanekwenshó꞉then.

Leviticus 19:28

tó꞉ka ó꞉ni ne thènen ahisewarasthánion ne sewahiathakésons tó꞉ka ó꞉ni nahisewatʼtatrenánion nahietʼtsihiatʼtsiónhnionhse ne iakawenhéion. Í꞉i ne Watiá꞉ner.

Genesis 37:29

Nó꞉nen ne Reuben tsi tiohontsaká꞉ronte nionsá꞉re tánon wahatkáhtho ne Só꞉se tsi iáh tho teshaiá꞉ti nohshón꞉wakon, waharatsón꞉ko ne raotsherónnia tsi nahonikonhráksen.

Jeremiah 49:3

Nonhkweshón꞉a ne Heshbon nónhwe, watotihénrehte! Ai konhwahtónton! Ne konhnónhkwe ne Rabbah, sehwatʼtiónhnion! Káiare í꞉sehwats tánon sehwatʼtiónhnion. Tsiahisewahriwahieʼwáhsehke tsi ísehwes. Ne sewahʼní꞉io Molech enhonwahnakeráhkwahte, skátne ne rothikháres ó꞉ni ne rothinonhtí꞉ios.

Ezekiel 29:18

“Rónhkwe iaiénha,” wahénron, “Ne Ronhnontí꞉io Nebuchadnezzar né Babylonia nónhwe tahathásahwen ne iahatsiathónti ne Tyre. Wahsakahónhnien ne rahonkwetashón꞉ʼa ronhterí꞉ios nahathíhawe ne hiorieniákʼstes kwáh onahʼónstha hónton ne rahthinonhtsíne tánon wahothinenhshokánion, ók iáh kíʼ ne Ronhnontí꞉io iáh ó꞉ni ne rahonkwetashón꞉ʼas ne ronhterí꞉ios thènenh tehothiʼientáhon tsi níkonh wahthonnikonhráhren.

1 Chronicles 19:4

Né Hanun waʼshakoiéna ne Táwit rahonkwetaʼshón꞉as ratiʼrihwaʼkarénies, washakokhonsthonhriákon, taroharakwenhá꞉ton ne rahonatʼtsherónhniat tsi niió꞉re ne ratiʼnoskwahrá꞉khés, tánon shasakotékwahte.