Jeremiah 48:28 - Ohiatonhseratokénti

²⁸ “Í꞉se ne tiónkwe ne Moab nónhwe nisehwahnákereh, sewahiáken ne sewahnahthá꞉konhs! Wáhs tánon tsitsonitstenrhiákon hionshaʼsehwanáhkerat! Thóh nasewáhier tsi ní꞉ioht notsiténha tsi konhtʼtsinakónhnis tsi ionitstenrhiákon.

Jeremiah 48:28 ပူးပေါင်းရင်းမြစ်များ

Genesis 8:12

Eʼthó꞉ne shé꞉kon nó꞉ia tsá꞉ta nón꞉ta sahatehrá꞉rate, tánon átste ionsahoténniehte norí꞉te; ók ó꞉nen kiʼ iáh thatethawé꞉non.

Song of Songs 2:14

O aktsiʼténʼa orí꞉te, tsi teionitstenróʼren, Thóh, tsi iokarónton nostenrákes. Takeríhon nakonhkonsáke, takeríhon nakonwenhnáronhke, asèken tsi natesawenhnatsikhétare, tsi nisatʼkathotsherí꞉io.

Isaiah 2:19

Enhontasehtánion ne tsi iosthenrakarónhtons khéhs nahontasehtánion nohontsákes, ne nakonwatékwase ne Roiá꞉ner raonhakwáhtshera tánon raoshatstenhsera ó꞉ni ne raohiatanerakwáhtshera, ne nó꞉nen thethaʼtáhne naronhtáwete tsi ionwenhtsá꞉te.

Jeremiah 48:9

“Sehwahnenhniótʼthas ne Moab; kwáh iostó꞉re tsi enkonhwáhthonʼte. Tánon iáh shé꞉kon nónhka éhtho tahonshaʼhieterónhthaʼke.” (

Jeremiah 49:16

Ne tsi nisehnáhie ne weshaʼnikonhráhten. Iáh ónhka tehiesatʼtsánis tsi nióre tsi ísere iesatʼtsánis. Tsi ionitstenrhiákon nónhwe nishíteron, ne ne kwáh ononhthaʼkénhiaʼte; ók iawerohátien thóh nióre tsi éhneken ieshíteron tsi ní꞉ioht ne ákweks, nék kík sáhka ne Roiá꞉ner kwáh ki enthiaiátenhte. Ne Roiá꞉ner rothatíhon.”

Jeremiah 49:8

Nonhkweshón꞉a ne Dedan, tesehwatkarahténi tánon sehwatèko! Sehwatáhset! Kwáh enkheriwáhthonte ne Esau kawáhtsire tsioríwa tsi ónhnen ónhwe ne kawistáheks nakheréwahte.

Judges 6:2

Ne Midianró꞉nons sénha ratisháststes tsi ní꞉ioht ne Israerʼró꞉nons, káti nonhkweshón꞉as Israerró꞉nonke wahonwanathaséhten ne tsi iostenhrakarónhtons tánon ne aktéson nónhwe ne sakʼtikénhaton ne tsi ionhniarónhnions.

1 Samuel 13:6

Nó꞉nen ne NʼIsraerʼró꞉nons shasakotíken tsi ronanikonrokʼtáon (asèken ne ronterí꞉ios kwáh í꞉ken tsi ioní꞉ron tsi nahonterí꞉io), nonkwé꞉okon wahontashetánion tsi iostenrakarónhtons ó꞉ni tsi ioshonwéhnions tánon nostenrákes kassonhionniá꞉nions ó꞉ni ohontsokónsons tánon tsi nón꞉we nihatiʼnekará꞉kwa.