Jeremiah 48:26 - Ohiatonhseratokénti

²⁶ “Snekáʼtast, tsioríwa tsi wahatatʼkowánasʼthe tsi nòkwah ne Roiá꞉ner; ne káti ne Moab kwáh thóh enhatesehréhson tsi nónhwe nihotstíkonh, tánon rahónʼa ó꞉ni nonhkweshón꞉a tenhonwahiéron.

Jeremiah 48:26 ပူးပေါင်းရင်းမြစ်များ

Job Tánon ne Raoronhiakensera 15:25

Tiorì꞉wa tsi iehonwatsikwahtátis ne Rawenni꞉io, tánon ronwanenhrotánis ne roshatstenhserowanenhkó꞉wa,

Job Tánon ne Raoronhiakensera 9:4

Ne Raónha tsi nihateʼnikonraʼthókha, tánon roshatstenhserowanenʼkó꞉wa —ónhka ahonwatarontsiénhse, tánon nahiakoterihwathentsiénhni?—

Psalms 2:4

Thóh raonitskwáhrane ne karonhiáke rasterístha; ne Roiá꞉ner thishakoiéron.

Psalms 59:8

Ók sesterístha, Ó Saiá꞉ner; í꞉se ratikwékon seienawákon nonkweʼshón꞉ha tsi thisehiéron.

Psalms 60:3

Séh hionhniénhni ne shonkwetashónhas nahatinekíra ne ionekaníron; otsítsa takwahnekanónten né nenhné꞉e wationkwahiaténhtonhkwe.

Psalms 75:8

Asèken ne ratsaná꞉ke ne Roiá꞉ner tehiontnekonthákwah ráhawe, ne tekarihwaʼkentónhkwen tsi ensakoríhwenhte ne ionkwetahét꞉kens; ne tehiontʼnekonthákwah kwáh katsanánon notsítsia ienekiráhtha né꞉ne raonakwáhtshera í꞉ken. Tahanekáweron tánon ratikwékon ne ionkwetahét꞉kens wahatinekíra. Kwáh tsi nió꞉re nonàken tonhtakastárenhne tsi wahatinekíra.

Exodus 5:2

“Ónhka nènhʼne ne Roiá꞉ner?” ne Ronhnonhtí꞉io wahariʼwahnónhton. “Ónhʼnonhtié꞉ren tsi né nahiʼhiatahónshataʼte tánon nakatʼthóntate akhehiáʼtkawe ne lsraeró꞉nons? Iáh tehiʼientéri ne Roiá꞉ner; tánon iáh kíʼ takhehiátʼkaʼwe nʼIsraerʼró꞉nons.”

Exodus 9:17

Kí shé꞉kon sahtenikonhrakʼshá꞉ton ó꞉ni iáh tesatʼthóntats nasehiát꞉kaʼwe nakonkwetashón꞉ʼa.

Isaiah 10:15

Ne ató꞉ken ahónha ontèken tahonthaterénsaron tsi ní꞉ioht tsi nikáien ne rahróks, khés ne teiehswenkariákstha ahónha kén ahontatkówanate tsi ní꞉ioht tsi nikáien ne tehaswenhkaríaks? Tsi ní꞉ioht ne kánia ahónha kén ahokétsko tsi niʼkáien ne tehaniá꞉kwah, khés tsi ní꞉ioht nathénnits ne kén ahkakétsko nahó꞉ten ne iáh óiente tèken!

Isaiah 19:14

Né Roiá꞉ner tasakowerón꞉haʼse nonikónra ne tahiakonitonhniáthen; tánon ne wakonhiónhnien ne Egypt tahiohiathéntonhwe akwékon tsi niwatserá꞉nions kwáh tsi ní꞉ioht ne kwáh ronèka tehokatsarahré꞉serons tsi nihatsʼtíkons.

Isaiah 28:8

Akwékon natekwahrashónhas né ioteróron ne tehió꞉tsion watsʼtíkon; iáh kanèka naonsaiotʼkweniénstonhke.

Isaiah 29:9

Tasewathatonʼnotʼtat tánon tesewatenonwarorihthónhtat, tesewathaterón꞉wek tánon tesewaronwékonk! Sewatatenonwará꞉tont, ók iáh kí otsítsa thóh thakáiere; tesewatsiaʼténtonf, ók iáh kí ionekaníron thóh thakáiere!

Isaiah 51:17

Í꞉i tie, Í꞉tie! Téstan Ó Jerusalem, í꞉se ne sanekíren thóh ratshanàke ne Roiá꞉ner né꞉ne tehiotnekonthá꞉kwah kátshe ne raonakwáhtshera í꞉ken, wasnekíra kwáh tsiʼnió꞉re nonón꞉wa í꞉ken né nakéra ne tehiakoiatakentónhtha.

Isaiah 63:6

Akenhaʼkwahtsherákon tsi watekheiaskwahserónkwahte nonkweshón꞉has, Wakheʼiátonhte thóh akenhaʼkwahtsherákon, tánon wakhenékwaʼte né꞉ne raotiʼnekwénhsa watkenekwenhshón꞉koʼte nonwenhtsàke.”

Jeremiah 48:39

Moab tehiotʼthó꞉kwen! Tehiohenráhtha! Moab konwahtéhathon. Ioriwahieshá꞉hon, tánon rahtiʼkwékonh ne áktaʼtieshónhas ratinahkeréhnion nonhkweshón꞉ha thiʼkonhwahiéron. Í꞉i, ne Watiá꞉ner, wakatáti.”

Jeremiah 48:42

Ne Moab iáh ó꞉nenh tahonshaʼhiotsiokwahiéntahke tsoríhwa tsi onhtatkówahnahte tsi nòkwah ne Roiá꞉ner.

Jeremiah 50:29

Iahetsihiaterihwahniéten ne ronhennénhaʼwe Babylonia nahonthaʼhónʼne. Tehathinahthá꞉nak ne꞉ne tó꞉sa ónhka ahieniákenʼne. Thoʼnahsewahiéras tsi né nihiakoiérahse nakorénhsons, asèken iáh tehowenhnahráhkwen ne Roiá꞉ner, ne Rohtokénti ne Israeronónhke.

Jeremiah 51:39

Tsi nikaríwes rotinahkwénhen kwáh enkhekwahthákwahse nahkhekwahérahse tánon enkhehiónnien nahotiʼnonhwahráhton, tsi nióre ienhontítahwe, ne꞉ne iáh nonhwénhton tahonshaʼhatí꞉ie, ráton ne Roiá꞉ner.

Jeremiah 51:57

Kwáh enkhehiónnien ne ratikóras nahotinonhwahráhton tánon ne ronhtenikonhratʼthó꞉kas, sakotihéntenʼse, ó꞉ni ne ronterí꞉ios. Kwáh ienhotítaʼwe tánon iáh nonhwénhton tahonshaʼhatí꞉ie. Í꞉i, ne wahkenonhtí꞉io, wakatáti; Í꞉i, ne Watiá꞉ner, Keshastsʼtenseroʼwáhnen.

Jeremiah 51:7

Ne Babylon thóh nikahiató꞉tenhne tsi ní꞉ioht ne owistanóron kátʼtse ne Roiá꞉ner rahtshanáhke ráhaweh, nètho kátshe ne꞉ne róhson nohontsakwéhkon ahatinekírahthe tánon ienhothinahkónhniaʼthe.

Lamentations 1:21

“Satahónsatat tsi niwakonsèhna; iáh ónka naionkenikonranírate. Ne iónkswens tsi nihonatʼtsenʼnónni tsi nasekʼkarónni. Tásaf nenʼnísera tsi nisarahrátston; sehiónnien ne iónkswens nahatironhiáken tsi ní꞉i ní꞉ioht.

Lamentations 3:15

Kanikonrakʼséntsera karoniakénsera khók thakáwi nákehke ó꞉ni nakʼnekíra.

Lamentations 4:21

Sewahiéson, tiónkwe ne Edom ó꞉ni Uz; sewahtsennonníhat tsi nikaríwes sewakwénion. Sewaienásere non ní꞉se ne kahkaronniátsera; í꞉se ó꞉ni tensewahiaténthonkwe tsi nisewathéhens tsi sewanotstóskon.

Daniel 11:36

“Ne Syria ronnontí꞉io kwáh tsi nenthanón꞉weʼne eʼtho nenhá꞉iere. Tenhataterénhsaron tsi sénha raónha tehotenonhianíhton tsi ní꞉ioht ne akó꞉ren ní꞉io tánon sénha í꞉rehre raónha è꞉neken thótte tsi ní꞉ioht ne kwáh thaʼsátste Rawenni꞉io. Enhoterihwahténtiaʼse eʼtho neniohtonhátie tsi niió꞉re ienkáhewe ne Rawenni꞉io enhohréwahte. Ne Rawenni꞉io kwáh orihwiioʼón꞉we eʼtho nenhá꞉iere tsi nihoteʼnikonhrón꞉ni.

Daniel 5:23

Wahsatathará꞉tate tsi nonkwá꞉ti ne Roiá꞉ner Rawenni꞉io ne karonhiá꞉ke thén꞉teron tánon táhsionʼte ne kátshe ó꞉ni ne akehraʼshón꞉a ne thotíha ne raononhsatokenhtiʼkowáhne. Í꞉se tánon ne sonkweʼtaʼshón꞉ʼa ne ratihsennowá꞉nens, sewaniákhons, sahskareʼó꞉kon, ne wésewatste tsi wesewahnekí꞉ra ne notsì꞉tsa ó꞉ni wesewahsénnaien ne kaiaʼtón꞉ni ne ionniá꞉ton ne ohwistanó꞉ron, kahwistará꞉ken, ne kahwistárhon ne otsì꞉nekwar nikaristó꞉ten, karístatsi, ó꞉iente, tánon ne onén꞉ia—kaiaʼtón꞉nis ne iáh tekontí꞉ken tánon iáh teionathón꞉te iáh ó꞉ni thé꞉nen teionaterién꞉tare. Nok iáh tehtskweniénhston ne Rawenni꞉io tsi niká꞉ien thoniarotárhon ne tsi sónnhe ó꞉ni tsi satónrie ó꞉ni kwáh tsi ní꞉ioht tsi satoriá꞉nerons.

Daniel 8:10

Kwáh iaʼtekaié꞉ri tsi wakasátsteʼne né iaiaʼkotiaʼtón꞉ti ne Rawenni꞉io raonhatsheraʼó꞉kon ne karonhiaʼkékha ó꞉ni né kwáh tsi ioʼtsistóhkwarónnion tánon ó꞉tiaʼke watiakaʼonhontsó꞉ienhte tánon waʼtiakohskwaʼserónkwahte.

Nahum 3:11

Í꞉se ó꞉ni Ninevah kwáh ensanekáthane, kwáh thensashí꞉norokʼkhon enséhsake nasehiataséhthen ne ieshá꞉sons.

Habakkuk 2:16

Ne tehiontnekontáhkwa ne karewathátsheras thóh í꞉wa tsi niháhawe ne Roiá꞉ner ne saweienhtetháhkwen kwáh enhiohéstase. Kwáh iateshiá꞉ti khok tsi ensnekí꞉ra. Kwáh kíʼ né ensanonwarathón꞉te tánon nonkweshón꞉as eniesáken sanehoskontʼthí꞉ken. Tsi ní꞉ioht ne taiesarénhsaron, kwáh eniesakénron tánon eniesatehathánion!

2 Thessalonians 2:4

Kwáh enshakohiotátʼtse tsi nahiotónhake tsi ronwahʼsénnnaiens ne ní꞉io ronwahtinathónkwah tánon rahónha éneken enhatatónni. Kwáh ó꞉ni ienhatáwehiate tánon thóh ienhátien ne Rawenni꞉io raononsatokentíke tánon enhatʼróri rahónha ne Ní꞉io.

Revelation 16:19

Ne kanatowanénke watewatekhá꞉si áhsen ní꞉kon iahón꞉ton, tánon ne ronhnonhontsakeró꞉nons raotinatakónshons watewaré꞉ni. Ne Ní꞉io sharehiá꞉rane ne teiotenonhianì꞉ton Babylon tánon tá꞉ron ne otsí꞉tsa-teiontnekontáhkwah né꞉ne raotenakwahwenhrhá꞉tsera ne raoterhiatitkóntshera.