Jeremiah 47:7 - Ohiatonhseratokénti

⁷ Ók onhní꞉ioht tsi thatahonthóh꞉thaʼte, nónenh tsiotenhsehráhwi? Keʼnháhon ne iahiotsatónti ne Ashkelon ó꞉ni nonhkweshón꞉a natsaktóntsie ienahkerehní꞉on.”

Jeremiah 47:7 ပူးပေါင်းရင်းမြစ်များ

Isaiah 10:6

Iehihiatenié꞉ton niaʼsakotsiaʼtónhti ne iáh teotiniʼioseráien ronhnonhontsakerónons, kwáh ieionkerhiaʼsarátha tsi niʼionkenakónhnis kwáh akaterhiatitkhonsherákon tsi wahirihontiéten ne Assyria niasakotsatónti, ne nahanenskwenháton tánon nahatiénawasthe ne rotierónkwen, tánon nasakoratatséshon tsi ní꞉ioht ne orashókwahke ne tsi tekanatokénseron.

Isaiah 13:3

Akónwa khók kheríhonte nakonkwetashón꞉has ne rotiʼiatatokentíshons, iekhehʼnón꞉kon nakonkwetaʼshón꞉has ne ronterí꞉ios, né꞉ne tekherénhsarons thonatonkwetaʼtónhnions, nahonteriwaténtsiaʼte nakenakwátshera.

Isaiah 37:26

“‘Iáh kén tesarihwarónhken wahónhnise tsi ná꞉he iaʼtewakeriwaientáse? Wahónhnise tsi ná꞉he tewakatenikonrí꞉shon ok ó꞉nenh kí entekhá꞉we nahontóhetste, ní꞉se tsi ó꞉nenk tsi enshón꞉ni ne tasenatánake ne kanatowánenhs tahonsʼkwaserónkwenke akentonhionhniá꞉nionke ne iorihwaieshá꞉seron,

Jeremiah 48:10

Rontʼréwat tsi niháti ne ronahterahʼhiathá꞉kwen nahotiʼhióten ne kahioténsehra ne Roiá꞉ner teshaʼkówi, tsi thóh nònhne ne raonahsharehkó꞉wa nashaʼkothinékʼkwahthe!)

Ezekiel 14:17

“Tó꞉ka ni ó꞉ni nonhtiérenk aterihiósehra entʼkhétsko nètho nónhwe nikanahkerahsehráhien tánon hienkaténiethe ne karihwahthóntha ionteriʼiosthá꞉kwahs tánon enhiakóthonte nonhkweshón꞉ʼa ne sáhka ne katʼtshénenhs,

Ezekiel 21:14

“Ónenh rónhkwe iaiénha, iasehriwáhken. Teshasàhrok, tánon nasarekówah tsienhiokonhthákwen tsi enkanonhwàhrehke. Né nasarehkówah ne iakononhwahrhiákons, nasarehkówah né katerónhkwa ó꞉ni iakorhiosthákwa.

Ezekiel 21:30

“‘Sasharahʼkétsko! Kwáh thóh nónhwe natenkonhiató꞉rehte tsi nónhwe nihesahiatíson, ne tsi ionhontsáien tsi nónhwe nisahnakeráhton.

Ezekiel 21:9

“Rónhkwe iaiénha, Iasehriwáhken. Sehró꞉ri nonhkweshón꞉ʼa tsi nahóten Ní꞉ih, ne Watiá꞉ner, katónhnions: Asarekówa, asarekówah ne kakothí꞉ie tánon tekastaratʼthéton.

Ezekiel 25:16

Tánon káti wakerihówahnahthe tsi ienkhehiatiathónti ne Philistiaró꞉nons tánon enkhehiáthonte. Kwáh enkhehiáthonte tsi niháti né nónhwe iatenhonahthaténronhke ne Philistiaró꞉non ahothonwenhtsáke.

Amos 3:6

Rontatístha kenh ne iehonrawátstha ne kanatowanén꞉ke, tánon nonkwehó꞉konʼs iáh thaiakóhteronʼne? Ne karihwaiesáhtshera kaièn꞉tas kenh ne tsi kanatowanén꞉ke, nek khok tó꞉kaʼ ne Roiá꞉ner thóh nenháhsa?

Micah 6:9

Né raowén꞉na ne Roiá꞉ner iatehawénhnaras ne kanatowanénhke (tánon ne ionteʼnikonratókha ehiekwénienste ne raoshén꞉na): Sewathahónsatat, O kentióhkwa tánon ne thóh sewanákere ne kanatowanénhke!

1 Samuel 15:3

Ó꞉nen wáhs tánon iasheiatiatónhti ne Amalekró꞉nons, tánon kwáh tokénʼen serihwá꞉tont tsi nahó꞉ten ahotiʼientahtseraiéntahke; tó꞉sa othènen teshenonhiánik, ók senonwarhiá꞉kon tetsá꞉ron rón꞉kwe tánon ne konnón꞉kwe, ratiksaʼokónhas ó꞉ni nowiráhas, teotinákares tionónskwarons ó꞉ni teiotinakarontón꞉ʼahs, iotiniakwáhere ó꞉ni tewahóntes.’”