Jeremiah 47:3 - Ohiatonhseratokénti

³ Enhiakothóntehne tenhkonthitsiʼnarenthakárehre ne kosáhtens, tsi nihioráhkarehre ne tékeni tehiokakwénhtonte notsiónkwa, tsi nihiokakwénhthakarehre tsi nihotíteronhs ne kanísehras tsi nihioshástsʼte ratítatʼke akwékon iáh tshieshontʼkáthos nonàhken niaʼhonwahthikenhénhion ne sahkotiʼhiohokónhas;

Jeremiah 47:3 ပူးပေါင်းရင်းမြစ်များ

Isaiah 5:28

né raotiʼiénkwires iohiotí꞉ies, akwékon ne raonahénhas waserihiotarókʼkhons, ne raoʼtitsenenhókons iakosátens ne aotitsinarenhtákes kwáh né꞉ne onénhia í꞉ken, tánon ne raotiʼkawénhtas notsiónkwas kwáh né꞉ne ioʼtsiskaiónhni tsi teioweratáseh.

Jeremiah 46:9

Ethóhʼne iaháseweh, ne kosahtens tánon ne tekeniʼtehiokahkwénhthonte otsiónkwahs tánon ne rahtiʼshástsʼtes ronhterí꞉ios ne Egypt nónhwe! Tásehwe, sehwahkwéhkon ne thiʼsehwahtenhró꞉hons ne Ethiopia nónhwe, ó꞉ni ne Libya, tánon ne Lydia nónhwe tsi nikáien ne rohthirenhnáhon náhonste ne tehioniatátstha ó꞉ni nahénhna!’”

Jeremiah 50:42

Kwáh akwékonh niehotí꞉ien ne ionteriʼiostáhkwah ne nashakotiʼrhiósthaʼkwe. Rathiniákatsʼte tánon iáh tehothí꞉ien ne kenténron. Tsi nienhónʼne rothishátenhs kosáhtens, tsi nihonatʼtsarokwahthonhátsie ne ronterí꞉ios ne teskahierónhtare ne nónenh kwáh iahóthe ne kaniatarahkekówah. Rothiʼnenhrahsehronhnihátie nahiesáhthonʼte, Babylon.

Jeremiah 8:16

“Ne tehiakwahtátʼtions ónenhk tsitʼkanató꞉wahnenh ne Dan thónnes; hionkwahthónte tsi naʼtehonninionkwísahrons ne raotitʼtienenʼókonhs kosáhtens. Ohontsiakwékon wahtiowisónkwes nónenh ne rahotitʼtienenhókonhs wahonthonnisehrahkarénisʼthe. Ne tehiakwahtátʼtions wahónnewe ne ahathiriwénhtho nonhtionhóntsias tánon kwáh tsi nahoténsons ne kaiénton, nonhkwahnáthakon ó꞉ni akwékon nahonkwetahshón꞉a.”

Ezekiel 23:24

Kwáh othoréke enthatiʼiénhthakwe tsi ienhiesahtsathónhti, tashakotihiatenháwi ronahtiokowáhnen ne ronhterí꞉ios tánon ne tékeni tehiokakwéntonte ohtsiónkwas tahontihonwísehre tánon ne iatékonh kakahréhnies wenhnísehres. Ne rohnatrohosthákwen ne tehioniá꞉tstha ó꞉ni ronhanonhwahró꞉ronhs ne iononhwahrotserahnírons, tenhieshawáhnahke. Kwáh ronónha ienhkhehiaʼtsakwahríshien ní꞉se, tánon kwáh ronónha enhiesahríwenhte né tsi nihothihianerenhseró꞉tens.

Nahum 2:4

Notiónkwas kwáh iáh othé꞉non tsatekahiatoréton tsi natehionaréh꞉ron ne kanatakónhsons, tekonteratánions ne kanatakwení꞉ioke; né tsi rónhnes kwáh né꞉ne iekenhtonkóhare, thóh natehotíka tsi ní꞉ioht ne tahonhninekárahwe.

Nahum 2:8

Ne kanatowaʼkénke ne Nineveh kwáh tsi ní꞉ioht ne tehioniatonhkwahrí꞉hon nonkweshón꞉a tsi wahehiá꞉kenhne. “Tesehwátan Tesehwátan!” tehiakohenré꞉tha— ók iáh kiʼ ónhka tetsakók꞉ton.

Revelation 9:9

ne ronskwenákes kwáh né꞉ne karistátsi akénhake ronatatskwenhó꞉ron, tánon tsi nateiotónhare ne raotinerahónshas thóh nateiotón꞉hare kwáh né꞉ne iawehtowá꞉nen ne tékeni teiokakwentón꞉te otiónkwa ionteriiostáhkwa ká꞉sere né꞉ne koshá꞉tens kontsatanihiontháhkwa watsionnaskenhnionhátie tsi tewaterí꞉io.

Judges 5:22

Ethòne ne kosáhtens wakónhnewe ionatsakaronhtsonhátse, tekonhtitsinarenhtakáreʼre nonhontsáke.