Jeremiah 47:2 - Ohiatonhseratokénti

² Kén nahó꞉ten ne Roiá꞉ner ráton: “Othoréhke nonhtahiawenonhátsie nahwenhnhóton ne tsi ionhwenhtsáte. Kwáh enkariwáhthonʼte ne tsi ionhwenhtsáte ó꞉ni kwáh tsi nahioteriwahtsiérenhke ne tsi ionhwenhtsáte. Tsi kanahtowáhnenhs tánon ó꞉ni nonhkweshón꞉a kwáh sahtenhióthonʼke. Nonhkweshón꞉a tenhiakohénrehte nahionthaʼtsiathakéna; kwáh onhkwetakwéhkon ne tsi ionhwenhtsáte otsitówann-tehionséntho.

Jeremiah 47:2 ပူးပေါင်းရင်းမြစ်များ

Psalms 24:1

Né tsi ionwenhtsáte Roiá꞉ner sèh raówenk tánon akwé꞉kon tsi nahoténhsons né thóh í꞉wa, tsi ionwenhtsáte, tánon tsi niʼiákon né nón꞉we niʼienákere;

Psalms 50:12

“Asèken tó꞉ka akatonhkarhiákseke, iáh kí thakonró꞉ri, asèken ne tsi ionwenhtsáte tánon tsi níkon ne thokáien tsi Í꞉i akáwenk.

Psalms 96:11

Ánion ne tsi karonhiáte watʼtsenhnónhni, tánon ne tsi ionhontsáte waʼtonhnáren; ánion kawáʼtsat ne kaniatarakhekówaʼne, tánon kwáh tsi niaʼtewatonhnhetsheráke né nonwe nihonónnhe;

Psalms 98:7

Ánion iorakareníhak tsi ní꞉ioht tsi aionontakwahronhtatséson ne kaniatarakhekówaʼne, tánon ronhtsaró꞉kwak ratikwékon né nón꞉we nihonʼnónnhe; ne tsi ionhontsáte tánon tsi niʼiákon né thóh nón꞉we niʼiakónnhe.

Isaiah 14:31

Satewenhnóten, Ó tsi iotenhenrakáronhte; tesewasént꞉tho, Ó kanatowanénke; sewawistanáwen tsi nisewáterons, Ó Philistia, kwáh sewakwékon! Asèken othorèke nón꞉we nentkaienhkwarénhaʼwe, tánon iáh ónhka tehotsianenhtónkwen tsi nihotinénhra.

Isaiah 15:8

Asèken notsí꞉tha iaʼteiokwáhthase ne tsi ionhontsáien ne Moab; tsi niʼiotsitʼtókwen iewas ne Eglaim, tsi niʼiotsitʼtókwen iéwas ne Beer-elim.

Isaiah 22:1

Ne tekawenhnathéton ne aorihwàke Nahonrakwáhkon ne Karihotáshion. Onhnahó꞉ten tsi tons nètho ní꞉se tsi iesharátʼthen,

Isaiah 28:17

Tánon kwáh ne enkónhniaʼte ne kaiáneren asehrí꞉ie enwatstseriʼiétenhte; tánon ne kariwakwarishióntshera ne ne iesehriʼiententákwah enkénhake; nenhkawisónhti kwáh ienhiónhewe akwé꞉kon nonhowénhtas ne ne seniahé꞉sen, tánon nenhwenhnó꞉tons kwáh né enwáhtonʼte ne sahiatanonstát꞉tshera.

Isaiah 59:19

Káti tsi nihiá꞉kon né tsi iatewatshéntos nókwahti iakoʼtohetstákwen tsi enhieʼkweniénstake ne raosénhna ne Roiá꞉ner, tánon tsi nihiá꞉kon ne tsitʼkarakwínekens iakoʼtohetstákwen né nenhʼné꞉e enhiekweniénstake ne raoʼiatanerakwáhtshera; asèken thóh ní꞉ioht tsi éntre tsi ní꞉ioht ne iawenhó꞉tonhtse né꞉ne raonhniséhra ne Roiá꞉ner iorehátie.

Jeremiah 1:14

Wahakénhase, “Karihwahiesáhtshera kwáh tenhtsonekónhti nothoréhke nokwáti kwáh rathikwékon enhotiráhre ne kénʼen rahtináhkere nonhwenhtsiáke,

Jeremiah 46:12

Iakahontsakwéhkon iakorónhken ne sahtehénsehrah; Ne tsi ionwenhtsáte ne kanhanónhtʼthon tsi nateshaʼsénhthos ne kanikonhrakʼsénhtsera. Ne ronhterí꞉ios kwáh tsateshontatʼniothahiónkwas, tánon rahtiʼkwékon ohontsáke wahatiʼhiathakerónhtahne.

Jeremiah 46:13

Nónenh ne Ronhnonhtí꞉io Nebuchadnezzar ne ne Babylonia nónhwe wáhrahwe ne iashakotsatónti ne Egypt, ne Roiá꞉ner wahakthárahse. Wahénron,

Jeremiah 46:20

Ne Egypt ne teskahierónhtareh ne kwáh watkathohtserí꞉io tionhnónskwahron, ók onherónhta othoréhke nonhtáre iahatsatónti.

Jeremiah 46:24

Nonhkweshón꞉a ne Egypt nónhwe wahonwahnahtéhaʼthe; né notorehkeróhnonh thonwahtiʼniaró꞉tahron. Í꞉i, ne Watiá꞉ner, wahkatáti.”

Jeremiah 48:39

Moab tehiotʼthó꞉kwen! Tehiohenráhtha! Moab konwahtéhathon. Ioriwahieshá꞉hon, tánon rahtiʼkwékonh ne áktaʼtieshónhas ratinahkeréhnion nonhkweshón꞉ha thiʼkonhwahiéron. Í꞉i, ne Watiá꞉ner, wakatáti.”

Jeremiah 6:22

Ne Roiá꞉ner ráton, “Nonhkweshón꞉a othoréke nonhtahiakawehnonhátie; rotishastsʼtenserowánenh ahínon nióre tahthináhkehre ronthateweiehnéntas nahonterí꞉io.

Jeremiah 8:16

“Ne tehiakwahtátʼtions ónenhk tsitʼkanató꞉wahnenh ne Dan thónnes; hionkwahthónte tsi naʼtehonninionkwísahrons ne raotitʼtienenʼókonhs kosáhtens. Ohontsiakwékon wahtiowisónkwes nónenh ne rahotitʼtienenhókonhs wahonthonnisehrahkarénisʼthe. Ne tehiakwahtátʼtions wahónnewe ne ahathiriwénhtho nonhtionhóntsias tánon kwáh tsi nahoténsons ne kaiénton, nonhkwahnáthakon ó꞉ni akwékon nahonkwetahshón꞉a.”

Daniel 11:22

Ne ónhka enhonwaióʼtatshe, kwáh enhshakaʼónhewe ó꞉ni kwáh iáh thé꞉nen thaonsakaierón꞉nike, shé꞉kon ne kwáh è꞉neken thótte ratsihenhstowá꞉nen ne Rawenni꞉io raonkwè꞉ta.

Nahum 1:8

iekaní꞉hare ne ionekasáste iawenhó꞉ton. Raónha kwáh ne enrón꞉niate enkananonhà꞉ke tsi ensakó꞉iatse ne ronwáhsóns, tánon kwáh ienhakóntakwe ne ronwáhshons tsi tetiò꞉karas nienhón꞉ne.

1 Corinthians 10:26

Asèhken tsi niwáhton noriwahtokénti, “Ne tsi ionwenhtsiáte tánon kwáh tsewahkwékon Roiá꞉ner rahówenk.”

1 Corinthians 10:28

Ónk tóhka ónkak eniesharóhri, “Kíʼ kákʼkhwa kahiatónni iekonwáhtani,” ehʼthóne tóhsa kíʼ ísek nètho kákkhwa, ne aoriwáhke tsi nikáien ne wahiaróhri tánon nanonthonnióntshera aorihónniat—

Ne꞉ne Sák Rohiaton 5:1

Tánon nónwa, í꞉se kí꞉ken sewakwatsénion tiónkwe, takwatahónsatat! Tesewaséntho ó꞉ni tesewahénret neh tsi nihionikonrátsat tsi ní꞉ioht tsi ensewaiatóren꞉ne!

Revelation 17:1

Eʼthò꞉ne saiá꞉ta ne raronhiakeró꞉non tsi niká꞉ien rahá꞉we ne tsá꞉ta nikatsetá꞉ke ákta nontá꞉re tánon wahakénhase, “Káts, enkonhnatónhase tsi ní꞉iot tsi enkonwariwénhte ne kashennhówane wathokótha, ne né꞉tho kanatowá꞉nens tsi niká꞉ien ne kaniataraktontses kanatón꞉nianions,

Revelation 17:15

Tánon wahakénhase, “Nonekános ne wasatkáto, tsi nón꞉we ne wathokótha nikenskó꞉te, onkweʼó꞉kons iakó꞉ton tánon kanenhrowá꞉nenh tánon ne iakahontsakeró꞉nons ó꞉ni naronhkhá꞉tsheras.