Jeremiah 46:4 - Ohiatonhseratokénti

⁴ Ietsihiakweʼniáren ne sewatʼtsenenhókon kosáhtens tánon sewahshá꞉ten! Sewahnenhrahsehrónhni tánon sewahnonhwahró꞉rok ne iononhwahrotserahní꞉ron! Sehwahiothiʼhión꞉ion ne sewahiénkwiʼrehs! Sewatʼtserónhniat ne tehioniatátstha!’

Jeremiah 46:4 ပူးပေါင်းရင်းမြစ်များ

2 Chronicles 26:14

Né Uzziah tashakokʼkawenhniónhase ne ronhterí꞉ios ne tehioniatastákwahs, ashí꞉kwahras, iononwaʼrotieranírons, atsatáwis ne ionteriʼiosthákwahs, ahenhnasónhas ó꞉ni ne kaiénhkweris, tánon nonenhiaʼsónhas ne iehiakonenhhionhtsethákwah.

Nehemiah 4:16

Thóh wenhniserátekwe, ashén꞉non nakonkweʼtashón꞉as thóh rotiiotén꞉en tsi nihonthasontonhníhakwe, tsi ná꞉he ne rohnatiá꞉kes rotiienawákons ne otsikwáras tánon ne teioniatastákwa ne ronatʼtieronhniáton ne ionteriiostháhkwa; tánon ne shakotihentenhse oná꞉ken ne tsi kanonshó꞉tons ne Judah wahontatiteron.

Isaiah 8:9

Iatesewá꞉tsest, í꞉se ne tsonhontsakwékon, tánon kwáh teiasatʼtókwahte; Sewatahón꞉satat, í꞉se ahinónhson nió꞉re tisewanakeraseráiens: sewahshátstek, ók kwáh kíʼ enhietsisénhni; sewathateweienénhtan nahisewaterí꞉io ók kwáh kíʼ enietsisénhni!

Jeremiah 46:14

“Sehrihówahnat tsi kanahtaʼiéntons ne Egypt ó꞉ni ne Migdol, Memphis, ó꞉ni ne Tahpanhes: ‘Sehwahtaʼteweienhnénhtan nahontesehwahtátheʼne; akwékon tsi nahoténsons sewáhien akwékon tsi wahterí꞉io nónhwe nenhkariwahtónthonke!

Jeremiah 51:11

Sehwahiotiʼhiónnion ne kaiénkwires! Tésehwak ne tehioniatástha! Asèken ne Roiá꞉ner wahshaʼkahorhiáneronh ne rathiʼshástsʼtes ne Ronhthiʼnonhtí꞉ios ne꞉ne Medes niahathiʼnenhrahsehrónhni tsi nòhkwah ne Babylon tánon akonhwáhthonʼthe. Né kí꞉ken tsi nenh shaʼkarhiákʼthe tsi nòkwah nónhka ne iáh tehiakorihwahkweʼniénston ne Raononhshaʼtokentiʼkó꞉wah. Ne iesakonatsiatóntses ronaterihón꞉tons wahonwatirihónten, “Sewahiotiiónhnion ne sewaienkwí꞉res! Sewaweienénhta ne tesewanientenstáhkwa!

Jeremiah 51:3

Tó꞉sa ietʼtsiríhon ne ronhtsikwahrohʼhiaks nahontierónhniaʼthe ne ionhteriʼiostáhkwáh tó꞉sa ó꞉ni tehónnek ne rahotiʼshí꞉kwahras. Kwáh iáh ónhka thaʼhieniákenhne! Kén nahonthahiakóhionʼke tó꞉ka ó꞉ni ahiakosténhaʼke kwáh rahtiʼkwékonh tsi enhonwahnáhthonʼte.

Ezekiel 21:28

“Rónhkwe iaiénha, iasehriwáhken. Sehrihówahnat tsi nahó꞉ten Ní꞉i, ne Wakenonhtí꞉io Watiá꞉ner, kherorhiánions ne Ammonró꞉nons, né꞉ne sakotinikonhráksáhtha ne Israerʼró꞉nons. Sheiénhas: ‘Nasarekówah iotateweiennenhtáhon naiakóthonthe: Tekastaratʼthéton naiakononhwahrhiákon, tahontʼtsiráhreke tsi ní꞉ioht ne tahonniné꞉karahwe.

Joel 3:9

Sewarihó꞉wanat kí꞉ken tsi ratinakeré꞉nion ne tihononhontsá꞉tes: Sewathateweienénhtan nahisewaterí꞉io, ietsinenrahserón꞉ni ne ronhterí꞉ios. Áhnion ratikwé꞉kon ne ronhterí꞉ios ákta nitón꞉ne, áhnion ratikwé꞉kon ne ronterí꞉ios thatirát꞉then.

1 Samuel 17:38

Ne Saul ne wahoserónhniate ne Táwit ne rahón꞉ha raotserónhniat rateriʼiostáhkwah; ne wahanonwaróhroʼke ne otsínekwar nikaristóten iononwarotsheraníron tánon ne wahatiáʼtahwite ne tekaristaiéston.

1 Samuel 17:5

Ne rononwaró꞉ron ne iononwarotseraníron notsínekwar nikaristóten, tánon ne rotieronniáton ne tekaristaiéston; enskatewenhniáwe tewáhsen wísk nikakontseráke niʼiókste ne raoʼtserón꞉nia.