Jeremiah 45:5 - Ohiatonhseratokénti

⁵ Kwáh kén séhshaks ne iorihowáhnenh ne shariwáhke? Tó꞉sa éhʼtho náhtsiere. Kwáh takʼkháwi ne kakahronhniátshera nonhkwetahkwékon akorihwáhke, ók kíʼ níse ensehniákente ne tsi sónnhe, ne ne kwáh tsík nonhwéson nienhénse. Í꞉i, ne Watiá꞉ner, wahkatáti.”

Jeremiah 45:5 ပူးပေါင်းရင်းမြစ်များ

Genesis 6:12

Tanon ne Rawenni꞉io waʼhatkáhtho ne tsi ionhwentsà꞉te tánon wahatkáhtho, tsi niió꞉re tsi karihwahétken iaʼkotón꞉on nonkweʼshónʼa ratikwé꞉kon thó꞉non nihonnonhnhétie ne karihwaksèn꞉ke.

1 Kings 3:11

tánon káti wahawénhaʼse, “Né enhkarihónhni tsi atenikonhratʼthokhátsera wasehrihwanónhton né nahonthakarihwaiérike tsi asatʼkórasthe, tsi ní꞉ioht nashonnhésonhke khés ne kakwahtsésheras khés nahonhníheʼie ne tesehwatátʼtions,

1 Kings 3:9

Káti táskon ne atenikonhratʼthokhátsera ne tewakathonhontsóni nakhehiatʼkórasʼthe ne shonkwetaʼshónhas né꞉ne kaiáneren tánon nahonkateriéntaraʼke tsi naʼtetʼtsatʼthíhen ne ioiánereh tánon ne karihwáksenh. Tó꞉ka iáh, ónh ní꞉ioht tsi akʼkwéni nakhehiatkórasʼthe kíʼ eh nihonatsókwah shonkwetaʼshónhas?”

2 Kings 5:26

Ók né Elisha wahénron, “Iáh kén nék khók nakenikónhra tsi thóh iéweskwe nó꞉nen ne rónhkwe shonthahathitáko ne rahoseréthakon notsónhkwa ne tahitsatátken? Iáh kíʼ tsehióhe naieiéna nowísta tánon natʼtserónhniat, iakeniewátha karonhthaiéntʼtons ó꞉ni ne onénhare kakwiraiéntʼthons, teiotinakaronhtónʼa ó꞉ni tsonónskwahrons, khés ne kanhátseras!

Psalms 131:1

Ó Saiá꞉ner wakatiakwahríhshion tsi nikatatónh꞉niʼkwe tánon tesewakatʼkaraténion tsi nikatatʼkowanáthaʼkwe. Iáh thaʼtekatatenikónhrarah ne iorihowánens khés norihwasónhas ne sóh꞉tsi waterihwenhtóre naʼkerihwáke.

Isaiah 66:16

Asèken né nó꞉tsire énraste né Roiá꞉ner tsi ensakorihwénhtakwe, tánon né꞉ne raosarekó꞉wa, ensakótsthen nonkwetaʼkwékon; tánon tsi niʼiákon né sakotónhton né Roiá꞉ner enhonatiokowanénhke.

Jeremiah 21:9

Ónhka ne tsi kanatowáhnenh nónh nenhʼietehrónthake kwáh ateriʼiosehráhke tsi enhiontaʼtenonhwahrhiákon khés ne athonkarhiákon khés ne kahnrahtarinhétshera. Ók ónhka ne ienhiehiákenʼne tánon ahiontsiakwahríshi tsi nòkwah ne Babylonia, tsi nikáien ne ónen iekonhwahtsathóntion ne kanatowáhnen, kwáh iáh tahionthaʼtenonhwahrhiákon; ók iekénhak enhieniákenʼthe tsi iakónhnhe.

Jeremiah 25:15

Ne Roiá꞉ner, shakoʼNí꞉io ne Israerʼró꞉nons, wahakénhaʼse, “Kén íken ne kátshe ne kanáhnon ne akenahkwáhtshera. Onhkwétahke niahásaf tsi nikáien ne ronónhake iekonhiateniéton, tánon sehhiónnien ne ne ahathinekírahthe.

Jeremiah 25:16

Nónen ne ne enhathinekírahthe, kwáh tenhotiʼhiaténthonʼwe ó꞉ni kwáh enhotiʼnikonhríhnekenhwe tioríhwa naʼteriʼiósehra tsi waʼkhehiateniehténnireh.”

Jeremiah 25:31

tánon ne kawènnote kwáh iaʼtenkawennaʼnihárahne ne tsi iehionthonhontsiotʼtahníhon. Asèken ne Roiá꞉ner róien nahshaʼkoriwáhroh nonhkweshón꞉a. Kwáh onhkwetaʼkwékon tsi tenshkohiató꞉rehte tánon ne ronnonhkweʼtahétkens enshaʼkononhwahrhiákon. Ne Roiá꞉ner rothatíhon.’”

Jeremiah 38:2

ne Roiá꞉ner naháwenhke, “Ónhka ne tsi kanatowáhnen enhieterónthake aterihiósehra tó꞉ka ó꞉ni athonkarhiákon tó꞉ka ó꞉ni kannrhatharinéhtshera enhiakohrhóh꞉the. Ók nónhka ne ienhiehiákenʼne nahonwaʼnhatiaʼkwahríshiaʼse ne Babyloniaró꞉nons kwáh iáh thaʼhionthatenonhwahrhiákon; nek khók kíʼ iekhénha enhathiniákenʼthe tsi rohnónhnhe.”

Jeremiah 39:18

Í꞉i enkhonhnikonráhrahke, tánon iáh thahieshaʼnonhwahrhiákhon. Ne tsi sónnhe ensehniákenhthe tioríwa tsi í꞉i thakeniahésenhne. Í꞉i, ne Watiá꞉ner, wakahtháti.”

Zephaniah 3:8

“Ne káti aorí꞉wa, takwahteráhrat” ráton ne Roiá꞉ner, “asè꞉ken ne thóh enwenhniserá꞉teke kwáh thentekʼtane tsi ní꞉ioht ne ronwathonkwetawenhtháton; asè꞉ken tsi natewatiatoréton ne nakheiataró꞉roke nonkweshón꞉as, nakeró꞉roke tsi nionakeráhsera ne ronnontí꞉io ne nahontakawé꞉ron nakenakwáhtshera rohnonhà꞉ke; akwé꞉kon tsi niiotarí꞉hen nakenakwáhtshera kwáh ohontsakwé꞉kon otsiráhke enwát꞉tsa ne tsi niwakatekéffen.

Romans 12:16

Satehiothónhak tsi naʼthahisewathatsatakéna tóhsa sewanaiéhak, nók ahkwékon satahisewahiotenseroténhake; Tóhsa satatenonthónnions nasatʼthókhaʼke.

Hebrews 13:5

Tóhsa sewahwistanorónkwak, nók sewaktsennonníhak tsi nahoténson sewáhien. Asèken ráwen ne Ní꞉io, “Iáh nonwénton tiakonhiatewénhtethe; iáh nonwénhton tiakonhiáʼkaweh.”