Jeremiah 43:2 - Ohiatonhseratokénti

² Ethòne Azariah ne roʼníha ne ne Hoshaiah tánon ne Johanan ne ne roʼníha ne Kareah tánon ne ronáhtsiake ne rontatʼkowáhnens ronnónhkwe wahonkwénhaʼse, “Shaʼnhowenhtánions. Ne Roiá꞉ner onhkwahNí꞉io iáh tetʼthiató꞉rion naskwahró꞉ri ne tó꞉sa Egypt nónhwe iahonshaʼhiakwahthatí꞉teron.

Jeremiah 43:2 ပူးပေါင်းရင်းမြစ်များ

Genesis 19:14

Eʼthó꞉ne ne Lot iahaiá꞉kenʼne nahshakohró꞉ri ne shakawehnhonseʼó꞉konʼs watónhsere tsi né enhotíniake ne raoiaʼtaseʼtsheraʼshón꞉ʼa, “Tesewá꞉taʼn, sewaiá꞉kenʼn né kenh nón꞉we niwatená꞉taien; aseʼkénh ó꞉nen thó꞉ha ne Roiá꞉ner aháhtonʼte ne kanatowá꞉nen.” Ók né shakahwehnhonseʼó꞉konʼs wahón꞉nehre nenʼnéʼeh thihshakoié꞉ron ónhteʼwáhi.

2 Chronicles 36:13

Né Zedekiah waʼhonenhrót꞉thaʼse ne Ronnontí꞉io Nebuchadnezzar, né꞉ne thóh nontónhni tsi rorihwaniráhton Rawenni꞉io raosénhnakon tsi enhorihwatokénhake. Kwáh kíʼ wahatenonhtsistanírahte tsi iáh tehothontáton ne ahonsahotatrewáton tánon Roiá꞉ner nòkwahti niahonsahawénonke, né Sakoní꞉io Nisraeʼró꞉nons.

Psalms 119:21

Wasehiatewenhnaiéntonhwe ne ronhthatónhni; sehrewátha tsi nihiákon ne iáh tehiontewenhnarákwah ne sahtsiawenhrátsera.

Psalms 12:3

Aiáwenhs ne Roiá꞉ner ahá꞉iake akwékon tsi nihontenaiestha né ratisáke tsi naʼtehonenhnashatsikhétare, né nawenhnáson ne iónhnis kowánen karenhsarónhtsera,

Psalms 123:4

Nonkwahtónnhets sénha wé꞉so tsi nihionanónhon ne kaierónhsera tsi nihionkhiʼiénhni ne rotikwahtsénion, ne ronthatenikonhriʼiosthákwah ne ronhtatónhni.

Exodus 5:2

“Ónhka nènhʼne ne Roiá꞉ner?” ne Ronhnonhtí꞉io wahariʼwahnónhton. “Ónhʼnonhtié꞉ren tsi né nahiʼhiatahónshataʼte tánon nakatʼthóntate akhehiáʼtkawe ne lsraeró꞉nons? Iáh tehiʼientéri ne Roiá꞉ner; tánon iáh kíʼ takhehiátʼkaʼwe nʼIsraerʼró꞉nons.”

Exodus 9:17

Kí shé꞉kon sahtenikonhrakʼshá꞉ton ó꞉ni iáh tesatʼthóntats nasehiát꞉kaʼwe nakonkwetashón꞉ʼa.

Proverbs 16:5

Roiá꞉ner ráhswens nónhka iakotkenhronniá꞉tskon; iáh nonwén꞉ton thahatiʼniá꞉kenʼne tsi ahshakohré꞉wahte.

Proverbs 30:9

Tókaʼ só꞉tsi wé꞉so aontáhskon nón꞉wa, enkí꞉ron iáh thaʼteskoniatonhwentsó꞉ni. Nok tókaʼ wakí꞉ten, tókaʼ nón꞉wa enkenénhsko tánon enhiiatéhaʼte Akení꞉io.

Proverbs 8:13

Nó꞉nen entskwénienhsteʼ ne Roiá꞉ner, énhtswen kiʼ ne karihwáksen; íhkswens naʼkatkáhtho tsi nihatiweiennò꞉ten nónhka iontatón꞉ni, ó꞉ni ne karihwanéren tánon ne owennaʼshón꞉ʼa ne kaʼnikonhrhá꞉ton.

Isaiah 7:9

Naʼonón꞉tsi ne Ephraim né꞉ne Samaria, tánon nohénton iehónhnete ne Samaria né꞉ne raonekenteronhtsherashónhas Remaliah. Tó꞉ka iáh tahisarihwaníronhke tsi niʼtisetákwen, kwáh kí iáh tástahke.

Isaiah 9:8

Né Roiá꞉ner iaʼhatehwenhnaténieʼte nahonwatkónten ne Jacob, tánon ne wahotírane NʼIsraerʼró꞉nons;

Jeremiah 13:15

nʼIsraerʼró꞉nons, ne Roiá꞉ner rothatíhon! Sehwahnítent tánon ehʼtsisehwahthahónshatat.

Jeremiah 18:18

Ethóhʼne nonhkweshón꞉a wahéron, “Ánion khiʼtewáhier tsi nòkwah ne Jeremiah! Tiókonhte né rotikháres enhiontsionkweʼthaiéntahke naʼionkhirihónnien, ne rontenikonhratʼtóhkhas enhionkhiʼhiatennikónhron, tánon ne rotitokénhse enhonterihwanóten ne Rawenni꞉io raoterihwanotátshera. Ánion etʼtsitewahrihwáhro tánon tekátann tsi ionkwahtahónshaʼte tsi nahoténsons ratónnions.”

Jeremiah 40:8

Káti ne Ishmael ne roʼníha ne ne Nethaniah, ne Johanan ne ne roʼníha ne Kareah, ne Seraiah ne roʼníha ne ne Tanhumeth, tánon ne iehsehsahkohiohokónha ne ne Ephai ne ne Netophah nónhwe thanáhkere, ó꞉ni ne Jezaniah ne nènhne ne Maacah nónhwe thanáhkere wahontenróh꞉sen ne rahononhkwethaʼshón꞉a tsitʼthénteron ne Gedaliah niahónʼne ne ne Mizpah nónhwe.

Jeremiah 41:16

Ethóhʼne ne Johanan ó꞉ni ne shakothihéntenhse ne ronhterí꞉ios ne skátke rónhnes washakonahtiénawaste nonhkweshón꞉a tsi nikáien ne Ishmael teshakohiaténha ne Mizpah nónhwe nashakonónhton nónenh shahósehte ne Gedaliah—ronhterí꞉ios, konhnónhkwe, ratiksaokónha, ó꞉ni ne kanonhtiʼiotseráhkon rothihióte.

Jeremiah 42:1

Ethóhʼne rathikwékon ne rathisennhowahnenhs ne ronhterí꞉ios, rahiathare ne Johanan ne roʼníha ne ne Kareah ó꞉ni ne Azariah ne roʼníha ne ne Hoshaiah, tánon kwáh tsi niatehionkwétahke skátke tsi tahónnhe

Jeremiah 42:20

Ne ne kwáh íken tsi tensehwahterienthawénhrieh. Waʼskwahriwahnónhthonʼse niakahterénnahien rahonháke ne Roiá꞉ner onhkwahNí꞉io ne sewahriwáhke, tánon wesehwahráhratsʼthe tsi kwáh oriwahkwékonh eh nenhsehwáhiere tsi nenhénhron.

Jeremiah 42:5

Ethóhʼne wahonkwénhase, “Aiáwens ne Roiá꞉ner kwáh tóhske tánon oriwiʼiohónwe tsi asonkwahriwahníratʼtshe tó꞉ka iáh thaʼhiakwahtewénhnahrahkwe nowenhnahkwékon nètho Roiá꞉ner onhkwahʼNí꞉io tsi nénhtʼnion nonhkwahrihwáhke.

Jeremiah 43:1

Iatkóhten kherorhiánionsʼkwe nonhkweshón꞉a kwáh oriwahkwékon tsi nihakró꞉ri ne Roiá꞉ner ronwahʼNí꞉io tsi nieʼhakahténieton nahkheró꞉ri.

Jeremiah 44:16

“Kwáh iáh thaʼhiakwahtahónsathaʼte tsi nahó꞉ten thakwahró꞉ri ne rahosénhnahkon ne Roiá꞉ner.

Ne꞉ne Sák Rohiaton 4:6

Nók nataniténron tsi nitatkáwas ne Rawenni꞉io sénha neh kasátsʼte. Tsi niwáton noʼiatonseratokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”