Jeremiah 43:12 - Ohiatonhseratokénti

¹² Enkhehiatenonhkwénhthaʼwe ne Egypt ahoniohókonhs ne rahotiʼnonhsatokenhtiʼkowátʼtshons, tánon ne Babylonia ronnonhtí꞉io kakʼnikáien tó꞉ka kén enhatʼtsáhaʼte ne rahotiʼhiatónhnis khés ne ienháhaʼwe. Tánon kwáh thenshaʼthotháro ne tsi ionhwenhtsiáien ne Egypt, tsi ní꞉ioht ne rahnónhne rahnikónhrahre ne tó꞉sa ahiontsinonhwáhrahne ne rahotserónhniat, tánon kwáh skénnenh tsi éhʼrenh énsrehte né nónhwe.

Jeremiah 43:12 ပူးပေါင်းရင်းမြစ်များ

2 Samuel 5:21

Ne Philistines wahontewénhthete ne raotiʼiá꞉tons ne thóh nón꞉we, tánon ne Táwit waonkweʼtashón꞉ahs hahatiʼháseron.

Esther 6:9

Thó꞉ne ó꞉nen ne kwáh é꞉neken thótte ne rahsennowá꞉nen sonkwè꞉ta kí꞉ken rón꞉kwe ahoiaʼtahserón꞉ni kí꞉ken ne ronontí꞉io raohkwénia tánon enhohshá꞉rine tsi enhohsatenhátie ne Mordecai tsi nón꞉we tkanataʼkweʼní꞉io. Kí꞉ken rahsennowá꞉nen enhohthrorihátie tsi í꞉ne: ‘Sewatkáhtho ronontí꞉io tsi ní꞉ioht tsi tehshakorihwaʼserakwén꞉nis nónhka rahská꞉nekʼs tahorènhsaron!’”

Job Tánon ne Raoronhiakensera 40:10

“Neh tesatwának ne kaiatanerakwáhtshera tánon ne iorá꞉se; kakwenienstatsherá꞉kon tsi ní꞉iot tsi sattseronhní꞉hak!

Psalms 104:2

ne tesatʼwahwenhétʼthon ne kaswatʼthétsera tsi ní꞉ioht natʼtserónhnia akénhake. Waʼtestakwáhrihte ne tsi karonhiátes tsi ní꞉ioht natóhsehra,

Psalms 132:16

Nahotsihenstaʼtsishókons ne enhotihiathonthakwénhaʼke ne kaienawaséhtshera, tánon ne rotirihwatóken kwáh thenhotihénreʼte natʼtsenhnonhniátshera.

Psalms 132:18

Né ronwásons ne khehiatonhtákwen natehénsera, ók ne rahónha, ne rahononhwaró꞉reh kwáh thenhiostarát꞉teke.”

Exodus 12:12

“Nètho enhiokaratserátheʼke kwáh iatenkatonhontsohétsthe ne Egypt, khenonhwarhiakonhátie ne tohʼnatierénton roʼnahnakeráton ne roʼtiskenràkete, tetsarónhkwen ne ónhkwe ó꞉ni ne katʼtshénen, tánon kherewahtonátie ratikwékon ne Egyptró꞉nons raotiʼníios. Í꞉i ne Watiá꞉ner.

Isaiah 19:1

Nateriwanoʼtátshera ne aorihwàke Egypt. Satkátho, ne Roiá꞉ner ne rohonwí꞉sere ne tehiotsaʼtáka tánon wáhraʼwe ne Egypt nón꞉we; nahohiatonhniʼsónhas ne Egypt kwáh thenhiowí꞉shonkwe ne rahohénton, tánon ne raonerhiaʼnéshon ne Egyptró꞉nons kwáh enhotiʼwistanáwenhse ronhnonháke.

Isaiah 21:9

Satkátho, kén tahón꞉ne, tahotishátenʼtse, kosáhtens tahotishá꞉tenʼtse tsioianátʼtions!” Eʼthó꞉ne ó꞉nen waharihó꞉wanate, “Tsoiathènʼen, tsoiathènʼen ne Babylon; tánon akwékon ne kahiatonhnisónhas ne aoniʼiohókons ohontsàke kakérons tehiotʼtókwen.”

Isaiah 46:1

Né Bel waʼtewatentʼtsióten, ne Nebo teiotʼtsákton, naotihiaʼtonhnishónhas né꞉ne kontírios tánon tionhnónskwarons; kí꞉ken tsi nahoténsons sawinóntie titʼkáhere né sherieniakétats ne tehiotiwisenhéion katʼtshénens.

Isaiah 46:2

Waʼthontsakéte, wathonʼnentʼtsiótaʼne skát꞉ne; iáh tahatikwéni nahatinónsthaʼte noriéna, ók ronhnonhatsíwa iahonwatiʼiaténhaʼwe iahonwatinó꞉ton.

Isaiah 49:18

Satarakétsko tesatʼkarateníhon tánon satkátho; ratikwé꞉kon ronanitsiokwahró꞉ron, shonháke tahón꞉ne. Tsi niʼioriwí꞉io tsi nikónnhe, rá꞉ton ne Roiá꞉ner, kwáh ratikwé꞉kon ensehiátste tsi ní꞉ioht natʼnió꞉ta, tánon ní꞉se enseráseste tsi ní꞉ioht ne ioniá꞉kon.

Isaiah 52:1

Í꞉i tie, I꞉i tie, né í꞉sast ne shashatsʼténsera, Ó Zion! Né saʼtserónhniat ne kwáh sakweʼní꞉ios, Ó Jerusalem, ne ionatatokénti í꞉ken; né iáh tehonwatiwarakwétaron tánon ne iáh teonatʼkwéniens iáh shé꞉kon tahonsaʼiesataweiáten.

Isaiah 59:17

Né wahatserón꞉niaʼte ne karihwaʼkwahrihshióntshera kwáh tsi ní꞉ioht ne iontetskweʼnorókʼtha, tánon né nanónwaroʼre ne kaiatakenáhtshera wahanonwaróroʼke; né wahatiátawí꞉te ne karewatátshera aotsherónh꞉niaʼt, tánon watatatwahʼwénheke thóh kanakwahtsherákon tsi waʼthatewehiáren.

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Isaiah 61:5

Né꞉ne thihatiʼnakeraseráte thenthatítaʼne tánon ronón꞉ha ensakotínonʼte ne satʼtsenenókons, thihononhontsátes kwáh thenhontonhontsárihte ne shonhontsáke tánon enhontʼtheʼtasehrónhni ne tsi sanenharaiéntʼton;

Jeremiah 10:11

Í꞉se ne tiónkwe ó꞉nenk tsi enhientʼtsiró꞉ri nètho onkweshón꞉a ne kahiatónnis iáh rohnónha tehothíson ne tsi ionwenhtsiáte ó꞉ni ne tsi karonhiáte ónenhk tsi enhonwanáthonte. Kwáh ónen iáh kahnèka tahonshahatiʼierónnike ne tsi ionwenhtsiáte.)

Jeremiah 10:15

Iáh othènen tehioríhonte kwáh tehiothonwenhtsióhon nakonhwatikénron; kwáh enkonhwanátonʼte nónen ne Roiá꞉ner éntre ne ken kennienʼshakóhiere.

Jeremiah 25:19

Kénʼen ratiʼsenrahrónnions ratiʼkwékon nakorénsons ne ne ahatiʼnekírahthe ne kátshe: ne ronnonhtí꞉io ne Egypt, ne ronwaʼteriwatsʼterísthaseh ó꞉ni ne ronwahtiʼhéntenseh; kwáh kanenhrahkwékon ne Egyptró꞉nons tánon onhkwehtaʼkwékon ne tehiakahontsátes ne Egypt nónhwe; kwáh kanenhrahkwékon ne rotiʼnonhtí꞉ios ne tsi ionhwénhtsaien ne Uz; kwáh kanenhrahkwékon ne rotiʼnonhtí꞉ios ne Philistine nónhwe ne kanatowáhnenhs né Ashkelon, Gaza, Ekron, tánon nahóten ne iehiothaténrons ne Ashdod nónhwe; kwáh kanenhrahkwékon ne Edom nónhwe, Moab, ó꞉ni ne Ammon; kwáh kanenhrahkwékon ne rontinonhtí꞉ios ne Tyre ó꞉ni ne Sidon; kwáh kanenhrahkwékon ne rontiʼnonhtí꞉ios ne Mediterranean tsi ionhontsáien; ne kanatowáhnenhs ne Dedan, Tema, ó꞉ni ne Buz; kwáh kanenhrahkwékon tsi niháti ne kénk níhions tsi rontaʼtenónhkarons; kwáh kanenhrahkwékon ne rontiʼnonhtí꞉ios ne Arabia nónhwe kwáh kanenhrahkwékon ne rontiʼnonhtí꞉ios ne karáhkons kentsiokwahkérons; kwáh kanenhrahkwékon ne rontiʼnonhtí꞉ios ne Zimri, Elam, tánon ne Media; kwáh kanenhrahkwékon ne rontiʼnonhtí꞉ios nothoreʼkhésons, ahinónhsons nióre tánon ákta akénhake, kwáh kenktienkáhaʼwe. Kwáh kanenhrahkwékon ne tsi kakónhshonte ne tsi ionwenhtsiáte ónenk tsi enhienekírahthe. Nonáhken enhónhnonhniaʼte, ne ne ronnonhtí꞉io ne Babylonia ne enhanekírahthe.

Jeremiah 43:13

Kwáh enhariwáhthonʼthe ne kanenhʼhianórons ne kanenhʼhiótons ne Heliopolis ne ne Egypt nónhwe tánon enshakotenonhkwénhtaʼwe ne rahotinonhsatoʼkéntis ne Egypt rahohiatónhnis.”

Jeremiah 46:25

Ne Roiá꞉ner Roshastsʼtenserowáhnen, ne sakoʼNí꞉io ne Israerʼró꞉nons, ráton, “Kwáh entréwahthe ne Amon, ne ne Thebes ahoʼní꞉io, tienwahkwekónhake ne Egypt tánon nahoʼní꞉ios ó꞉ni nahonnonhtiʼiótsheras. Ienhihiaténhaʼwe ne Ronhnonhtí꞉io ne Egypt nónhwe tánon tsi nihiákon ne rahonháke nónhwe nihieniahésen,

Jeremiah 48:7

“Moab, ne sehniahésenhne ne shaʼshastsʼténshera ó꞉ni ne shaʼkwahséhtshera, ók kíʼ nónhwa ienhieshaʼhiaténhaʼwe nahieshaʼnhóton; Ne shaʼní꞉io Chemosh, skátke ne rahonkwetaʼshón꞉a ne rotikháres ó꞉ni tsi niháti ne ronwahiótenʼse, kwáh enhonwahnaʼnakeráhkwahte tsi nónhwe nahínonh nióre tsohontsiaʼiénhton.

Jeremiah 49:27

Entsiró꞉ten ne tsi tewahsónhthoʼte ne tekanahtanátʼton ne Damascus tánon enkatenonhkwáhtektaʼnion ne Ronhnontí꞉io Benhadad tsi ronnónhshoʼte. Í꞉i, ne Watiá꞉ner Keshastsʼtenserowáhnen, wakatáti.”

Jeremiah 50:2

Kén kíʼ nahó꞉ten ne Roiá꞉ner ráton: “Ohontsakwéhkon ietʼtsiró꞉ri, tánon tó꞉sa thènenh tahtiónhnek! Sewéhnest sewahniatarahkétsko ne nonhkwetaʼkwékon ahiakotókenhse nètho Babylon tsi enkonhwahsénhni! Nahohiathonnisónhas kwáh tehiotʼtókwenh! Nahoní꞉ios ne Bel ó꞉ni ne Marduk kwáh toʼkénʼen tsi enhonwahnatéhaʼte.

Jeremiah 51:44

Tánon kwáh entréwahte ne Bel né꞉ne Babylon aoní꞉io, tánon ensetʼtháko ne kahshá꞉kon tsi nahó꞉ten iehioʼnhekwáhnon. Nonhkweshón꞉a iáh ónenh shé꞉kon thatahontáien nahonshaʼkonhwahsénhnaien. Ne tsi wahtenhenró꞉thaʼkwe ne Babylon karehniénton.

Ezekiel 29:11

Iáh ónhka ne ónhkwe iáh ó꞉ni ne katʼtshénenhs thóh takonhtohétsthake. Né꞉ne kaiéri niwáhsen niʼioseráhke iáh thaʼhóten thóh nónhwe tahonsahkanáhkerehke.

Ezekiel 29:19

Káti óhnenh kén nahó꞉ten ne Í꞉i, ne Wakenonhtí꞉io Watiá꞉ner, kathónhnions: ne Egypt iohontsáien Ronhnontí꞉io Nebuchadnezzar rihiawíreh. Kwáh nenhné꞉e enhanénhsko tánon kanenhskwahtseráhkon tsi ienháhawe akwékon ne Egypt ahokwahtshétsera né enhrónhniathe nahshakokariákʼten ne rahonkwetashón꞉ʼas ronterí꞉ios.

Ezekiel 30:13

Ne Ronhnontí꞉io Roiá꞉ner ráton, “Kwáh enhkheriwáhthonthe ne kahiatonhnisónhas ó꞉ni ne rothinówenhs niʼiohokónhas ne Memphis nónhwe. Kwáh iáh ónhka thaʼhonshahiontkorahsehrónhni ne Egypt, tánon kwáh ratikwékon nonhkweshón꞉ʼa tsi enkheterónhkwen.

Daniel 11:8

Egypt iensháhawe ne káiaʼtonnihshón꞉ʼa né ne raotiní꞉io ronatatonniaʼtén꞉ni tánon tsi nahoténshon ne ohwistanó꞉ron tánon kahwistarà꞉ken ionniá꞉ton ne róntstha tsi konwahsénnaiens ne raotiní꞉io. Né ne tóhka niiohserá꞉ke iotohétston skén꞉nen thí꞉kenʼne.

Zephaniah 2:11

Ne Roiá꞉ner kwáh tenhiotenonhianí꞉tonke tsi nensakokʼkónhten; kwáh ensakahonkárhiakte ratikwé꞉kon ne nihioʼokón꞉as ne tsi ionhwenhtsá꞉te; tánon nonkweshón꞉as kwáh tenhionhtsákete ne raohénton, tsehiatátions tsi nón꞉we niienákere, ratikwé꞉kon nonkweshón꞉as ne kawenokwakʼtóntie ienakerénion.

Romans 13:12

Kwáh tsi shíken ní꞉ioht nashontʼténʼne íwere tahioswátʼtheʼne, tánon nennísera skanóronks áhonwe. Ánion ietewárek tsi nihioʼiontenseróhtens nashontenʼnékha. Ánion thetéwak ne ionteriʼiosthákwas naihtewateriʼiósthaʼkwe nentiékheʼne.

Ephesians 4:24

Tánon ónenk tsi kwáh á꞉se ensesáton, neh tsi thoʼní꞉ioht tsi tkáson kwáh Rawenni꞉io teskaieróntare ó꞉ni ahónha wenéstha ne kwáh oriwíhio íken natónnhets ne tsi tkariwaiéri ó꞉ni iothokénti.

Ephesians 6:11

Akwékon ihsasnoriwasónha tsi nithiáwis ne Rawenni꞉io, nekáti naskweni nasatakátsthate nahontasathátene tsi nihatenikonraiéntons ne ranesonrónon.

Colossians 3:12

I꞉se ne Rawenni꞉io rahonkweʼtashón꞉a; wahʼhianó꞉ronkwe tánon waʼhiaiatará꞉ko ne rahonhatsí꞉wa rahonkwè꞉ta ahsáton. Kwáh káti, ó꞉nenk tsi ne ensewahiatóronke ne weriasí꞉io, ahontesewariwahié꞉rike, ataniténron, tóhsa sewahní꞉ronk, tánon sewahnikonkástet.

Colossians 3:14

Tánon norihwakwé꞉kon kí꞉kens iasewáiest kanoronkwáhtshera, ne kanerénston norihwakwé꞉kon tsi nitkariwaié꞉ri tsi teionatatsenawákon.