Jeremiah 42:5 - Ohiatonhseratokénti

⁵ Ethóhʼne wahonkwénhase, “Aiáwens ne Roiá꞉ner kwáh tóhske tánon oriwiʼiohónwe tsi asonkwahriwahníratʼtshe tó꞉ka iáh thaʼhiakwahtewénhnahrahkwe nowenhnahkwékon nètho Roiá꞉ner onhkwahʼNí꞉io tsi nénhtʼnion nonhkwahrihwáhke.

Jeremiah 42:5 ပူးပေါင်းရင်းမြစ်များ

Genesis 31:50

Tóka enhsheiateweiennaksá꞉ten ne kheioʼokón꞉ʼa nitiotiión꞉sa, khehs nahsenahkwénhawe ne thikontí꞉te tsi ní꞉ioht ne kheioʼokón꞉ʼa, iawerohátien tsi iáh thaonkaterién꞉tarake, shehiá꞉rak nétho tsi Rawenni꞉io tehsonkeniká꞉nere tsi naʼtetiátere ní꞉se tánon ní꞉ʼi.”

Exodus 20:19

Wahonwénhase ne Mahís, “Tó꞉ka enskwathárahse, enhiakwataʼhónsahthate; ók hionkwáterons tó꞉ka ne Rawenni꞉io ashonkwaʼthárahse, enhiakwénheie.”

Exodus 20:7

“Tó꞉sa énsatsthe naksénhna ne kariwahétken ahoriwàke, asèken Í꞉i, ne Watiá꞉ner Sewaní꞉io, kwáh enkheréwaʼthe nónhka enhiesenhnaiésaʼthe naksénna.

Jeremiah 42:20

Ne ne kwáh íken tsi tensehwahterienthawénhrieh. Waʼskwahriwahnónhthonʼse niakahterénnahien rahonháke ne Roiá꞉ner onhkwahNí꞉io ne sewahriwáhke, tánon wesehwahráhratsʼthe tsi kwáh oriwahkwékonh eh nenhsehwáhiere tsi nenhénhron.

Jeremiah 43:2

Ethòne Azariah ne roʼníha ne ne Hoshaiah tánon ne Johanan ne ne roʼníha ne Kareah tánon ne ronáhtsiake ne rontatʼkowáhnens ronnónhkwe wahonkwénhaʼse, “Shaʼnhowenhtánions. Ne Roiá꞉ner onhkwahNí꞉io iáh tetʼthiató꞉rion naskwahró꞉ri ne tó꞉sa Egypt nónhwe iahonshaʼhiakwahthatí꞉teron.

Jeremiah 43:4

Káti rahtikwékon skátke ne Johanan ó꞉ni ne rahtisenhnowáhnens ne ronterí꞉ios ó꞉ni ne tsikʼónhka nonhkweshón꞉a nahonwahwénhnarahkwe ne Roiá꞉ner thóh ahothonwenhtsiáke ne Judah ahathiterónhthaʼke.

Jeremiah 5:2

Iáh werohátien tsi sehwáhthon Roiá꞉ner tsi sehwahsénnahiens, iáh thitisehwehthákwen tsi nahó꞉ten sehwáhton.

Micah 1:2

Sewatóntet, í꞉se ne tiónkwes, sewakwé꞉kon; satenhnikòn꞉raren, O onwénhtsa, tánon akwé꞉kon né nón꞉we niká꞉ien; tánon tsi sewarí꞉hon ne Roiá꞉ner Ní꞉io rahrihwaní꞉rat tsi entsisewatkónten. Natiá꞉ner thóh nitré꞉tha ne raononsatokentikowáhne.

Malachi 2:14

Seriʼwanóntons, “Nontié꞉ren tsi iáh ó꞉nen teshaié꞉nas?” Ne tiorí꞉wa ne Roiá꞉ner tsi rorihwahnirá꞉ton tsi naʼtetsátere ní꞉se tánon ne satateniáktén꞉ni né sitisaión꞉ha, ne nahonhá꞉ke iáh tesarihwatokén꞉ne, eʼthó sá꞉ne tsi áonha ne titsatenróhon tánon ne tesení꞉teron í꞉ken aterihwahtseronniahtsherá꞉kon í꞉ken.

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Romans 1:9

Rawenni꞉io seh rakeriwanirátis tsi nahóten káthons tsi oriwíhiose—rahónha ne Rawenni꞉io tsi nikáien rihiótense neh kwáh akeriasakwékon tsi ní꞉ioht tsi kateriwanhótha ne karihwí꞉ios tsi nòkwati neh Roiénha. Rawenni꞉io rotheriéntare tsi kweʼiáre.

Revelation 1:5

tánon thóh nénhtewe raonhà꞉ke ne Ié꞉sos Kerístos, ne ne roriwahtó꞉ken rariwaní꞉rats, ne ne thotierénhton sawenhnakerá꞉ton tsi nokwáh ne kenheiátne, tánon raónha teshakoniarotá꞉ron ne rotinontí꞉ios ne tsi ionwenhtsá꞉te. Raónha ne shonkwahnorónhkwa tánon sheshonkwahiatotarí꞉shions tsi nokwáh ne onkwahriwaneraháktseras thóh nitsawé꞉non raonekwénhsake,

Revelation 3:14

“Tánon raonhá꞉ke ne raronhiakeró꞉non ne tsi ionterenhnaientáhkwa thóh nón꞉we Laodicea shiá꞉ton: Ne nowenhnaó꞉kons ne é꞉tho naiá꞉wenhne, né꞉ne ioriwató꞉ken ó꞉ni norihwiioʼón꞉we kariwahní꞉rats, tsi nitsotasawáhnion tsi nahoʼténhsons ne Ní꞉io rosaʼhánion:

Judges 11:10

Wathatirihwasehráko, “Roiá꞉ner nonhkwahrihwanirátʼtsera í꞉ken. Kwáh oriwiʼiohónhwe tsi thóh nenhiakwáhiere tsi nenhshí꞉ron.”

1 Samuel 12:5

Wasakawénhase, “Ne Roiá꞉ner raʼriwaní꞉rats tsi tsisewák꞉konte, tánon ne roʼiatarákwen ne raʼriwaní꞉rats nón꞉wa wenhniseráte, nʼèthoh ní꞉se tsi iáh othènen tesewakʼtsénrion ne kaʼtsaná꞉ke.” Tánon wahonhní꞉ron, “Raónha kiʼ rariwaní꞉rats.”

1 Samuel 20:42

Eʼthóhʼne ne Jonathan wahawénhase ne Táwit, “Wáhs skénnonk tionshá꞉se, tsítsénhak tethenitsáron ionkeniriwahniráton thóh raosén꞉nakon ne Roiá꞉ner, tiaʼtónhnions, ‘Ne Roiá꞉ner thóh enréh꞉seke tsi natetiá꞉tere, tánon tsi natenhón꞉tere tsi wakkwahtsiratátie tánon ní꞉se tsi waswahtsiratátie, ne ne tsi nénhwe enkén꞉hake.’” Tonsahátahne tánon éh꞉ren sárehte; tánon ne Jonathan kanatowanénhke nionshá꞉re.