Jeremiah 42:21 - Ohiatonhseratokénti

²¹ Tánon kíʼ ónenh wahkwahró꞉ri, ók kíʼ kwáh oriwahkwékon iáh tesehwahtewenhnahráhkwah nètho Roiá꞉ner onhkwahNí꞉io tahakahtó꞉ri nahkwahró꞉ri.

Jeremiah 42:21 ပူးပေါင်းရင်းမြစ်များ

Psalms 81:12

Ká꞉ti waʼkhehiatsakwarísi né tsi nihotinontsistaníron, tánon thóh nihatí꞉ier kwáh tsi nithonskáneks.

Jeremiah 43:1

Iatkóhten kherorhiánionsʼkwe nonhkweshón꞉a kwáh oriwahkwékon tsi nihakró꞉ri ne Roiá꞉ner ronwahʼNí꞉io tsi nieʼhakahténieton nahkheró꞉ri.

Jeremiah 43:4

Káti rahtikwékon skátke ne Johanan ó꞉ni ne rahtisenhnowáhnens ne ronterí꞉ios ó꞉ni ne tsikʼónhka nonhkweshón꞉a nahonwahwénhnarahkwe ne Roiá꞉ner thóh ahothonwenhtsiáke ne Judah ahathiterónhthaʼke.

Jeremiah 43:7

Iáh tehonwahwenhnharáhkwen ne Roiá꞉ner tsi nihotróhri tánon káti Egypt niahónʼne kwáh tsi nióʼre ne tkanatowáhnen Tahpanhes.

Ezekiel 2:7

Kwáh ónenhk tsi enteséhion nakateriwahnhothátshera tó꞉ka kén enhontahonshá꞉tahte khés ne iáh. Ók iáh kíʼ tahontahonsháthaʼte. Asèken kwáh kíʼ ronhteriʼioserahnónhwe!

Ezekiel 3:17

“Rónhkwe iaiénha, wahénronh, Í꞉i enkonhiónʼnien nasatkaráhren ne Israerʼró꞉non raoʼtitiókwah raotiriwáhke. Ensheʼhiohésthaʼse nahsehronhkáhten tsi nenhtkónʼnion.

Ezekiel 33:31

Káti nahkonhkwetashón꞉ʼas wahkanenhrísehrenhne nahónronhke tsi nahó꞉ten enshíron, ók iáh eh tehatihiérah tsi nisehró꞉ris tsi nahatí꞉iere. Kanonhronhkwáhtsheras owenhnahókonhs rahtisàhkes karónhnion, ók kíʼ iehonthasonhtérah tsi nihonahskénahse.

Ezekiel 33:32

Né ronónha iáh sénha ó꞉ia teshiató꞉ten tsi ní꞉ioht ne rahtenikonhró꞉ris tehariwáhkwah ne kanoronhkwáhtshera karenhnasónhas tó꞉ka ó꞉ni sahterénhnhothe ne onohwahkówah ne karensóh꞉taronh. Ákwe ronahthahónsahthe ne sawenhnahsónhas tánon iáh kíʼ ne tiowénhna tehontewenhnahráhkwa.

Acts 20:20

Sewateriéntare tsi kwáh iáh thènen tethewakathotʼthákwen neh thènen ahisewaiénawaʼse tsi niwakateriwanóthe ó꞉ni kwaʼrihonniénni nonkwéne ó꞉ni ne tsi sewentheróntons.

Deuteronomy 29:19

Kwáh iorihwihióhak iáh ónhka ne kén꞉en í꞉iete nón꞉wa wenhniserá꞉te ne iakoʼthón꞉te kí꞉ken karihwanirà꞉tsheras kariwatà꞉tsheras tánon ki shé꞉kon ahathateʼnikonhraní꞉rate tsi akwé꞉kon tienhiohiánereʼke ne rahonhà꞉ke, iawerohátien tsi tiehotenonhtsistaní꞉raton raónha tahathatenóntonhse. Né꞉tho kwáh sewakwé꞉kon ensewahiatáton, thóh nahioianeréhake tó꞉ka ó꞉ni ahonhetkénthake.

Deuteronomy 30:15

“Ón꞉wa wenhniserá꞉te tkwá꞉wis nahisewathaterákwase kak niká꞉ien né꞉ne ioiánere khés ne kariwahétken, kak ki káien né꞉ne iónhne khés ne kenhéion.

Deuteronomy 30:19

Ó꞉nen tkwá:wis nahisewatateráhkwase kak niká꞉ien atónnhets khés ne kenhé꞉ion, tsi naʼtetiátere ne Rawenni꞉io rahohiaʼtaterí꞉tshera tánon ne rahorewahtátshera, tánon iakhenáhton ne tsi karonhià꞉te ó꞉ni ne tsi ionwenhtsáte nah kenirihwahní꞉rate tsi nenshahtatheráhkwase. Atónnhets shahtatheráhkwas.