Jeremiah 42:20 - Ohiatonhseratokénti

²⁰ Ne ne kwáh íken tsi tensehwahterienthawénhrieh. Waʼskwahriwahnónhthonʼse niakahterénnahien rahonháke ne Roiá꞉ner onhkwahNí꞉io ne sewahriwáhke, tánon wesehwahráhratsʼthe tsi kwáh oriwahkwékonh eh nenhsehwáhiere tsi nenhénhron.

Jeremiah 42:20 ပူးပေါင်းရင်းမြစ်များ

Psalms 18:44

Saskeniá꞉kente tsi nòkwah ne ronteriʼioseranónwe onkweókons; waskatiénawaste í꞉i ohénton iatesét꞉taste tsi nòkwah ne ronhnonhontsakerónons; ne nonkwé꞉okons ne iáh tekheientérine wahontsió꞉tenhse.

Psalms 65:3

Eʼthohʼsáne nonkweriaʼnéshon titkáhere ne rarihwáʼneren, Í꞉se tsiʼsahrá꞉kewe nonhkwaʼrihwanerahák꞉tsheras.

Jeremiah 17:10

Í꞉i, ne Watiá꞉ner, kenikonhrísaks tánon khehiaterhiaʼsátkenʼse nonhkweshón꞉a. Shaʼthihiatátʼtsions tsi ní꞉ioht tsi tekheriwásnieʼseh né entewahnónhton tsi ní꞉ioht tsi ronónhnhe, ne entewahnónhton tsi nihontiérah.”

Jeremiah 3:10

Tánon káti kíʼ norihwahkwékon, Judah, Israel ne iáh tehiorihwahthóken tiathatekénʼa, nék nakénhake í꞉ih nòkwah nahthontha꞉keʼne; iáh tehiorihwahtó꞉ken. Í꞉i, ne Watiá꞉ner, wahkatháti.”

Jeremiah 37:3

Ne Ronnonhtí꞉io Zedekiah iahoterihwahniéthen ne Jehucal ne rohníha ne ne Shelemiah tánon ó꞉ni ne rohkháres Zephaniah ne ne rohníha ne Maaseiah nahakerihwahnónhtonʼse niakaterénnahien rahonháke ne Roiá꞉ner onhkwahNí꞉io né rahotiʼrihwáhke nonhtionkwetaʼshón꞉a.

Jeremiah 38:14

Nó꞉ia ionhsahkáhewe Ronnonhtí꞉io Zedekiah wahaténnhaʼne niahiontiaténhaʼwe ne asénhaton nihionnonhkáronthe nononhsahtokentiʼkówahne, tánon wahénron, “Knahótenk enhkonhʼriwahnónhthonʼse, tánon tewahkathonwenhtsióni ne kwáh oriwahkwéhkon noriwihiohónwe asekró꞉ri.”

Jeremiah 42:2

tánon wahonkwénhase, “Asatʼthontátʼtseke thóh nahtier tsi nenhkwahriwahnónhtonhse! Iashaʼterénnhaien nonhkwahrihwáhke rahonháke ne Roiá꞉ner onhkwaNí꞉io. Iakwahkwékon tsi thakwahterennhaiénhas tsi nihiátion ne iaʼtehionkwahthaténron. Ionhkwentiokowahnénhʼne; ók nónhwa ónenh kénk nitsiátion iaʼtetsionkwahthaténron, tsi kíʼ nisatʼkatkáthos.

Jeremiah 42:5

Ethóhʼne wahonkwénhase, “Aiáwens ne Roiá꞉ner kwáh tóhske tánon oriwiʼiohónwe tsi asonkwahriwahníratʼtshe tó꞉ka iáh thaʼhiakwahtewénhnahrahkwe nowenhnahkwékon nètho Roiá꞉ner onhkwahʼNí꞉io tsi nénhtʼnion nonhkwahrihwáhke.

Jeremiah 43:2

Ethòne Azariah ne roʼníha ne ne Hoshaiah tánon ne Johanan ne ne roʼníha ne Kareah tánon ne ronáhtsiake ne rontatʼkowáhnens ronnónhkwe wahonkwénhaʼse, “Shaʼnhowenhtánions. Ne Roiá꞉ner onhkwahNí꞉io iáh tetʼthiató꞉rion naskwahró꞉ri ne tó꞉sa Egypt nónhwe iahonshaʼhiakwahthatí꞉teron.

Ezekiel 33:31

Káti nahkonhkwetashón꞉ʼas wahkanenhrísehrenhne nahónronhke tsi nahó꞉ten enshíron, ók iáh eh tehatihiérah tsi nisehró꞉ris tsi nahatí꞉iere. Kanonhronhkwáhtsheras owenhnahókonhs rahtisàhkes karónhnion, ók kíʼ iehonthasonhtérah tsi nihonahskénahse.

Numbers 16:38

Thó꞉ne wahotokenhtíne né nó꞉nen shiaʼhatíren ne Roiá꞉ner rahówenk ietsienharakwáhke. Káti iasehwáhaf kí꞉kens waʼtsironhtákwas ónhtaks né꞉ne tsi nikáiens né ronhwatinonhwariakónhnion ne rahotiʼrihwaneraháktseras iorihonhníhon, kènk nikatensonhhak tsi sehwatwasónhniat, tánon ne tsiónhniat nahonterohróks꞉te ne ietsienharákwah. Né enhiakotokatenhníheke nonhkweshón꞉ʼas NÍsraerʼró꞉nonhke.”

Numbers 17:3

tánon ethòne Aaron tshénhnaren natenhnitsheráke né Levites rahonaténhnits. Sewatenhnitsheráʼtshons ne shaʼkotihenténhse rahotiʼtiókwas.

Matthew 22:35

Saiatat tsinihati Sakorihonnienni ne Kaianerensera, neh ȣahoriȣanontonse ȣahenron tsi ȣathonikonraseren.

Galatians 6:7

Tóhsa sewatatenikonráh꞉ten; iáh ónhka tehonwanonwarorithónnis ne Rawenni꞉io. Kwáh neh ensheʼsientʼtwáko tsi nahoténsons saiéntʼton.

Ne꞉ne Sák Rohiaton 1:22

Tóhsa sathatenikonhráten thokàken nék khók tsi aihsatahonsathátonke ne rahowénnas; khék, tsiótenst.