Jeremiah 42:2 - Ohiatonhseratokénti

² tánon wahonkwénhase, “Asatʼthontátʼtseke thóh nahtier tsi nenhkwahriwahnónhtonhse! Iashaʼterénnhaien nonhkwahrihwáhke rahonháke ne Roiá꞉ner onhkwaNí꞉io. Iakwahkwékon tsi thakwahterennhaiénhas tsi nihiátion ne iaʼtehionkwahthaténron. Ionhkwentiokowahnénhʼne; ók nónhwa ónenh kénk nitsiátion iaʼtetsionkwahthaténron, tsi kíʼ nisatʼkatkáthos.

Jeremiah 42:2 ပူးပေါင်းရင်းမြစ်များ

1 Kings 13:6

Ronhnonhtí꞉io Jeroboam wahawénhase ne rotó꞉kense, “Asatʼthontátʼtseke takwahterenhnaiénhas rahonháke ne Roiá꞉ner Saní꞉io, tánon tserihwanónhtons nahonsaháakétsienʼte ne kenenhtsáke!” Né rotó꞉kense rahonháke ne Roiá꞉ner iahaterénhnaien, tánon kíʼ ne ronhnonhtí꞉io ranenhtsáke sahaiewénhtaʼne.

Psalms 119:170

Satahónsatat nahkaterénnahient, tánon tatsiatanónstat tsi nitewèhtha ne sawénhna.

Exodus 8:28

Ne Ronhnonhtí꞉io wahénron, “Enkwahríhon niaʼhísehʼwe ne kahentaʼkeʼkowá꞉ne tó꞉ka iáh ahí꞉non nióre tsiaʼhisehwe, nahtsiʼsehwatsiaʼtatʼtsaʼáhten ne katʼtshénen ne Roiá꞉ner, sehwaʼNí꞉io. Taʼkwaterienhnaiénhas.”

Exodus 9:28

Iasaterénhnaien rahonhàke ne Roiá꞉ner! Kwáh iationkwaiérise kí꞉ken iowè꞉ren ó꞉ni tsi iowisónhtion! Wakaráhratsthe nahonsakonhiátʼkaʼwe; iáh thaʼtehioʼtonhontsóhon ne kénʼen ahonsahshitherónhthake.”

Isaiah 1:15

Nó꞉nen iathenshatsá꞉nate nasaterienhnáien, kwáh kí iáh takonhiatʼkátho; iáh othènnon takarihontáko tsi níkon ahsaterénhnaien, Kwáh kí iáh takatahónsathate; ne satsanáke titkanewenhsáhere.

Isaiah 1:9

Tó꞉ka né Roiá꞉ner roshaststenserowanenkówa iáh thahothontátonke toká꞉ra nihionkwétake iathahonathaténhron, ne Jerusalem kwáh tokénʼen tsi akonwatóntonʼke, tsi kíʼ ní꞉ioht ne Sodom tánon ne Gomorrah tsi niʼiotihiatawénhon.

Isaiah 37:4

Tó꞉ka nón꞉wa ne Roiá꞉ner saní꞉io wahothónteʼne ne raowenhnashónhas ne Rabshakeh, tsi né꞉ne ronnontí꞉io ne Assyria rohiatakweʼní꞉io í꞉ken ieothó꞉rion ne thaʼoiéron ne ronnhehónwe Ní꞉io, tánon kwáh aharihwáiaʼke nowenhnashónhas nètho Roiá꞉ner Saní꞉io rotontéhon; èhʼtho ká꞉ti kwáh sewaharátat ne sewaterénhnaient ne akorihwáke tsi niʼiákon iateiakothaténhron.”

Isaiah 42:20

Wé꞉so iorihwàke ratkáthos, ók iáh kí tehatenikonráh꞉ra; né rahóntake iotenontónhkwen, ók iáh kí tahothónhtene.

Jeremiah 15:11

Saiá꞉ner, akwékon ne rahonatkenrensehronniátshera thóh nahiáwenhne tó꞉ka iáh kahiotenserí꞉io tsi tekonhiótenhse, tó꞉ka iáh tekonhianiténthaʼse ne hiónkswenhs rahothiriwáhke nónhnen shaʼthonihnikonhráhren tánon wahatiʼnikonhrahronhiáken. (

Jeremiah 2:27

Kwáh sewahkwékonh tsi enietʼtsihiatéhate—tsi nítion ne sehwáhton nètho karónta né tsi sehwahníha í꞉ken tánon nètho onénhia né ietsinisténha í꞉ken. Thóh kíʼ nenhiáwenhʼne tioríwa tsi tahkwahtʼtwasteniénhni tsi ní꞉ioht ne íh nòkwah nahontésehwe. Ók nónenh thènenh tesehwahnikónhrahre, enskwahriwahnónhtonse nahónthake nakwasniénonh.

Jeremiah 21:2

“Asatthontátʼtsheke takwathátias rahonháke ne Roiá꞉ner, tsioríhwa ne rononhtí꞉io Nebuchadnezzar ne Babylonia tánon ne rahonkwetaʼshón꞉a ronterí꞉ios tsi tehotinahtanatʼthonhátse ne kanatowáhnen. Tó꞉ka nónhwa ne Roiá꞉ner ne enhohióten ne iorihwaneráhkwat nonhkwahriwáhke tánon enhahónnien ne Nebuchadnezzar nahonshaʼhakhéte.”

Jeremiah 36:7

Tó꞉ka kíʼ nónhwa shé꞉kon tensontkarahténi tsi nihatiʼweiennáksens tánon ahonʼwahriwahnónhtonse ne Roiá꞉ner ahonshaʼsakonikónhrenhse nohénton sóhtsi ahiokaraháthaʼne. Asèken ne Roiá꞉ner ne tehiotenonhianíthon rahonhakwáhtshera tsi ohénton tonwahnaronkahténni.”

Jeremiah 37:20

Tánon káti nónhwah, Sahnonhtí꞉io, khonhianiténthaʼse naʼskahthahónsahthaʼte tánon thóh náhtiere tsi niʼkerihwahnónhtons. Asatʼthontátsheʼke tó꞉sa hionshaʼskhaʼténiet nahonsaʼhionkheʼnhóton ne tsi thohnónhsohthe ne Jonathan. Tó꞉ka thóh nénhshiehre, kwáh oriwihiohónwe tsi enthóh nónhwe nenhkíheʼie.”

Jeremiah 37:3

Ne Ronnonhtí꞉io Zedekiah iahoterihwahniéthen ne Jehucal ne rohníha ne ne Shelemiah tánon ó꞉ni ne rohkháres Zephaniah ne ne rohníha ne Maaseiah nahakerihwahnónhtonʼse niakaterénnahien rahonháke ne Roiá꞉ner onhkwahNí꞉io né rahotiʼrihwáhke nonhtionkwetaʼshón꞉a.

Jeremiah 38:14

Nó꞉ia ionhsahkáhewe Ronnonhtí꞉io Zedekiah wahaténnhaʼne niahiontiaténhaʼwe ne asénhaton nihionnonhkáronthe nononhsahtokentiʼkówahne, tánon wahénron, “Knahótenk enhkonhʼriwahnónhthonʼse, tánon tewahkathonwenhtsióni ne kwáh oriwahkwéhkon noriwihiohónwe asekró꞉ri.”

Jeremiah 40:15

Ethóhʼne ne Johanan rononhatsíwah tsi wahawénhase, “Ánion iéhke tánon rihnonhwahriákon ne Ishmael, tánon iáh ónhka thahiakothó꞉kenhse ónhka étho nahéhiere. Onhʼniʼiohtsiéren tsi ahothesenhnaiéntahne nahianonhwahrhiákon? Né enhkarihónhni rathikwékon ne Sitaeró꞉nons tsi niháti ne tehieshaʼtsiatáhthon ne tahonwahnahréhniaʼte, tánon ne entkáhawe ne kariwahnhorónhtshera nonhkwethakwékon tsi nihiákon ne Judah nónhwe iatehonahthaténron.”

Jeremiah 42:20

Ne ne kwáh íken tsi tensehwahterienthawénhrieh. Waʼskwahriwahnónhthonʼse niakahterénnahien rahonháke ne Roiá꞉ner onhkwahNí꞉io ne sewahriwáhke, tánon wesehwahráhratsʼthe tsi kwáh oriwahkwékonh eh nenhsehwáhiere tsi nenhénhron.

Lamentations 1:1

Iatetioʼiatíston ne Jerusalem, tewenniserátekwe kwáh titkanenráhrakwe! Tewenniserátekwe tsi niʼionwéntsia tekonwarensáronskwe, ó꞉nen nónwa thoníʼioht tsi síken ní꞉ioht ne ioteréʼons; Né kwáh tkasennowanénʼne tsi níkon ne kanahtowá꞉nens ó꞉nen kanáskwa iotónʼon.

Ezekiel 12:16

Enkheríhon tohʼkàra niháti iatenhonahthá꞉tenre ne tsi waterí꞉io, nathonkarhiákon, tánon ne kannhrahtarinhétsheras, ne káti nonhkweshón꞉ʼas ne tsi rathináhkere kwáh enhóntʼthoke tsi nihiotehénsehra tsi nihonahtseráhnion tánon enhatiriwahnírahte tsi Í꞉i ne Watiá꞉ner.”

Hosea 8:10

Eʼthó꞉sane tsi ne shakotinahon ne tesakotines, kwáh kí ó꞉nen enkheiaʼtaró꞉roke. Kwáh kí iostó꞉re enhatinikonraronhiáken ne rontinontí꞉ios tánon ne sakotihenthénse enhsakonatonhnot꞉takwen.

Leviticus 26:22

Kwáh ienkhehiaténieʼte ne konhtiseró꞉hens konhtírios ne tionhákes, tánon enhiakotinonhwariákon ne ietsihiohokónhas, enhiakotirihwathónten ne sewatʼtshenenhókons, tánon kénk nenhtsiʼtiónhake ne tsi sewahaténions iáh ónhka thóh thaʼhiontʼthahíta.

Amos 7:2

Nahkesherentákon wahkhéken ne tsistá꞉rare kwáh akwé꞉kon wahatihóntahke ne tsi ionhontsá꞉te, tánon ethò꞉ne wahkí꞉ron, “O Saiá꞉ner, shashenikónrens konhianithéntase! Onhní꞉ioht tsi hahatiniá꞉kenhne ne Israerʼró꞉nons? Tsi nió꞉re tsi kenhnihónnas!”

Matthew 24:22

Neh oni ne iah taontahaȣenniserokeri neh niȣenniserotens iah onka tahioniakenhon; neh tanon ne iontatiatarakȣen akoriȣake, enȣenniserokeri noh niȣenniserotens.

Acts 8:24

Simon wasakawénhaʼse ne Tiér tánon ne Sawátis, “Aitsiatʼthontátʼtseke astiaterenʼnaiénhase rahonháke ne Roiá꞉ner, nehne tóhsa thènen nahontiátawen tsi nahoténsons weseníron.”

Deuteronomy 28:62

Ethosà꞉ne et nensewenhtiohkowá꞉nenke tsi ní꞉ioht ne tsi iotsistohkwarón꞉nions ne tsi karonhiá꞉te, kenk ki ní꞉tson iatenhtsiwathare, ne tsi iáh thetsisewawenhnaráhkwen ne Roiá꞉ner sewaNí꞉io.

Deuteronomy 28:63

Kwáh ki tsi ní꞉ioht ne Roiá꞉ner tsi wahawerientí꞉io tsi natsisewakwatsésten tánon tsi watsisewenhtiohkowá꞉nahthe, káti kwáh et nenhawereientí꞉io natsisewathón꞉te tánon nahontaháhawe ne karihwaieshátsheras ne tionháke. Etren enieʼtsihiatenhá꞉wite ne tsi ionhontsá꞉ien ne ó꞉nen thó꞉wa iahisewatiaʼtakwehní꞉ioste.

Deuteronomy 4:27

Ne Roiá꞉ner kwáh ki tenhtsisewaréniate tsi nihatinakerénions ne tihononhontsà꞉tes, thóh nónhwe toʼkárat kók nítson iaʼtensewatá꞉tere.

Ne꞉ne Sák Rohiaton 5:16

Ne káti, tesewatatróri tsi nisewariwáneren tsi natesewáterhe ó꞉ni sewataterenʼnaiénhas tsi natesewáterhe, né꞉ne ahonsehsewakʼkwatáko. Ne rahoterénʼnaient ne tronkwetaiéri kwáh íken tsi kasátsʼte.

1 Samuel 12:19

Onkwetakwé꞉kon wahonwénhaʼse ne Samuel, “Iasaterénnaien rahonhá꞉ke ne Roiá꞉ner Saní꞉io ne ne sanhatseraókons raotirihwáke, ne káti ne tó꞉sa ahitewénheʼie; asèken iehionkwaiéston nonkwarihwaneraháktsheras ne iorihwatsáni tsi ionkwarihwanónton nahionkwanontiʼiotseraién꞉tane niatetewaiá꞉ti.”

1 Samuel 12:23

Sénha isiʼnónwe nakeriwá꞉ke í꞉ken, ahí꞉non nikénhak nakeriwá꞉ke nètho ne kwáh akeriwanerá꞉ke tsi nókwah ne Roiá꞉ner tsi akatʼkáwe tsi koniaterennaién꞉ni; tánon kwáh enkonrihón꞉nien thohʼnónhwe ne ioiá꞉nere tánon ne tkariwaié꞉ri.

1 Samuel 7:8

tánon wahonwénhaʼse ne Samuel, “Tó꞉sa téstann tsi iesaterénnaien rahonhá꞉ke ne Roiá꞉ner ne nón꞉kwa Ní꞉io í꞉ken, tánon saterénnaien nètho rahón꞉ha nontiérenk enshonkwanónsthaʼte tsi nó꞉kwa ne Philistine rontsaná꞉kes.”