Jeremiah 42:1 - Ohiatonhseratokénti

¹ Ethóhʼne rathikwékon ne rathisennhowahnenhs ne ronhterí꞉ios, rahiathare ne Johanan ne roʼníha ne ne Kareah ó꞉ni ne Azariah ne roʼníha ne ne Hoshaiah, tánon kwáh tsi niatehionkwétahke skátke tsi tahónnhe

Jeremiah 42:1 ပူးပေါင်းရင်းမြစ်များ

2 Kings 25:23

Nó꞉nen ne Judahró꞉non ratisennowánens tánon ne ronterí꞉ios tsi nihá꞉ti ne iáh tehonaʼnentsakwahríhshion wahatirihwáronhke kí꞉ken, Gedaliah wahonwatsiáʼtarahse né Mizpah nón꞉we. Kí꞉ken ratisennówanenskwe thó raiá꞉tare ne Ishmael né꞉ne roienkénʼen ne Nethaniah, ne Johanan né꞉ne roienkénʼen ne Kareah, ne Seraiah né꞉ne roienkénʼen ne Tanhumeth né꞉ne tsi kanatowanénhke ne Netophah raná꞉kerekwe, tánon ne Jezaniah né꞉ne tsi kanatowanénke ne Maacah nón꞉we nihanákerekwe.

Isaiah 29:13

Né Roiá꞉ner wahénron: Tsioríhwa kí꞉ken onhkwehókons ákta tahatiʼháwiʼte ne tsi ratisakáronʼte tánon tehionkerenhsarónhnions ne ratirí꞉tsakes, tsi ná꞉he ne raonerhianéshons ahí꞉non ít꞉ken nakonhàke, tánon tsi iontsénhnaiens né꞉ne ónhkwe akohtsiaʼwenhrátshera neh rotiweienhteʼtáhon néh thiwehiaráhsheron;

Isaiah 48:1

Sewahthón꞉tek kí꞉ken, ne tsiónkwe NʼIsraerʼronónke, né ronwanatónkwen ne kasénhna Israel, tánon ne rahónha thóh nón꞉we nitawénon tsi nontakawatsiratátie ne Judah; rahónha rorihwaniráton raosénhnakon ne Roiá꞉ner, tánon iaohná꞉ton ne Sakowenní꞉io NʼIsraerʼronónke, ók iáh noriwí꞉io khés ne tkariwaiéri akénhake.

Jeremiah 37:3

Ne Ronnonhtí꞉io Zedekiah iahoterihwahniéthen ne Jehucal ne rohníha ne ne Shelemiah tánon ó꞉ni ne rohkháres Zephaniah ne ne rohníha ne Maaseiah nahakerihwahnónhtonʼse niakaterénnahien rahonháke ne Roiá꞉ner onhkwahNí꞉io né rahotiʼrihwáhke nonhtionkwetaʼshón꞉a.

Jeremiah 40:13

Nónenhʼne, ne Johanan ó꞉ni ne shakothihéntenʼse ne ronterí꞉ios tsi nikáien ne iáh tehonahtsakwahríshion Gedaliah rahonháke niahónʼne ne ne Mizpah nónhwe

Jeremiah 40:8

Káti ne Ishmael ne roʼníha ne ne Nethaniah, ne Johanan ne ne roʼníha ne Kareah, ne Seraiah ne roʼníha ne ne Tanhumeth, tánon ne iehsehsahkohiohokónha ne ne Ephai ne ne Netophah nónhwe thanáhkere, ó꞉ni ne Jezaniah ne nènhne ne Maacah nónhwe thanáhkere wahontenróh꞉sen ne rahononhkwethaʼshón꞉a tsitʼthénteron ne Gedaliah niahónʼne ne ne Mizpah nónhwe.

Jeremiah 41:11

Ne Johanan tánon rathikwékon ne sahkothihéntenhse ne ronhterí꞉ios ne skátke rónnes wahathiriwáhronhke ne kariwáksen ne Ishmael tsi nishoteriwahthewáhthon.

Jeremiah 41:16

Ethóhʼne ne Johanan ó꞉ni ne shakothihéntenhse ne ronhterí꞉ios ne skátke rónhnes washakonahtiénawaste nonhkweshón꞉a tsi nikáien ne Ishmael teshakohiaténha ne Mizpah nónhwe nashakonónhton nónenh shahósehte ne Gedaliah—ronhterí꞉ios, konhnónhkwe, ratiksaokónha, ó꞉ni ne kanonhtiʼiotseráhkon rothihióte.

Jeremiah 42:20

Ne ne kwáh íken tsi tensehwahterienthawénhrieh. Waʼskwahriwahnónhthonʼse niakahterénnahien rahonháke ne Roiá꞉ner onhkwahNí꞉io ne sewahriwáhke, tánon wesehwahráhratsʼthe tsi kwáh oriwahkwékonh eh nenhsehwáhiere tsi nenhénhron.

Jeremiah 42:8

sók iahínonhke ne Johanan ne skátke ahiatiaton, rathikwékon ne shaʼkothihéntenhse ne ronhterí꞉ios ne skátke rónhneskwe, tánon ne ronahtsiakéshon.

Jeremiah 43:2

Ethòne Azariah ne roʼníha ne ne Hoshaiah tánon ne Johanan ne ne roʼníha ne Kareah tánon ne ronáhtsiake ne rontatʼkowáhnens ronnónhkwe wahonkwénhaʼse, “Shaʼnhowenhtánions. Ne Roiá꞉ner onhkwahNí꞉io iáh tetʼthiató꞉rion naskwahró꞉ri ne tó꞉sa Egypt nónhwe iahonshaʼhiakwahthatí꞉teron.

Jeremiah 44:12

Ók tsi nòkwah nonhkweshón꞉a ne Judah nónhwe ne iaʼtehonahthaténron tánon ne iaʼtehothiriwahiénthaʼse ne Egypt nónhwe iahonsahonnhákerahthe, kwáh ientʼkónthaʼkwe ne rahtiʼkwékon ahonwahnáhthonʼte. Kwáh rahtiʼkwékon, ahatisenhnowáhnen khóni ne kenkʼnahathisénhnasʼke, kwáh Egypt nónhwe nenhonhníheʼie, kák nikáhien ateriʼiósehra khés ne athonkarhiákon enhotírhoʼte. Kwáh enhiotʼtherontónhaʼke tsi nenhontʼkathotsheroténhaʼke; nonhkweshón꞉a kwáh tenhonwahthiʼierónhsehke ó꞉ni rahotisénhna enhónsthake tsi nenhontewenhnakʼsáhthaʼke.

Jeremiah 6:13

“Onhkwetahkwékon, ahiesenhnowánenhke tó꞉ka ó꞉ni kentʼnaiesénhnaske, ronteniéntʼtha kanikonhráhthon tsi ní꞉ioht tsi ahontʼwisthónni; iekaníhareh ne rotitó꞉kense ó꞉ni ne rothikháres sahkotinikonhraténnis nonhkweshón꞉ʼa.

Jeremiah 8:10

Káti kwáh ahonkwetahsehsónhas tentetʼkhéhion ne rahotihentahsónhas tánon ne rothiniákons né nonhnè sá꞉ka. Kwáh onhkwetahkwékon, ahiakonkwetowahnénhke tánon kénk nahiesénnaske, hionteniéntha kanikonhráhton tsi ní꞉ioht tsi ahiontʼwistónni. Akwékon ne rothitó꞉kenhse ó꞉ni ne rothikháres sahkothinikonhrahténnis nonhkweshón꞉a.

Ezekiel 11:1

Ne Rawenni꞉io raoshaststénsera onhtiatakaráhthate tánon tsitkarahkwínekens nòkwah niahontiaténhawe ne꞉ne tsi iotenhenrahkáronhte ne Ononhsatokentiʼkówa. Éhtho ákta tsi iotenhenrahkáronhte tewáhsen wísk niháti ronónhkwe wakhèken, thóh rahiátare ne Jaazaniah né roníha ne꞉ne Azzur tánon ne Pelatiah ne꞉ne roníha ne Benaiah, tenitsáronh ne sakotihéntenhse nonkweshón꞉a.

Ezekiel 33:31

Káti nahkonhkwetashón꞉ʼas wahkanenhrísehrenhne nahónronhke tsi nahó꞉ten enshíron, ók iáh eh tehatihiérah tsi nisehró꞉ris tsi nahatí꞉iere. Kanonhronhkwáhtsheras owenhnahókonhs rahtisàhkes karónhnion, ók kíʼ iehonthasonhtérah tsi nihonahskénahse.

Ezekiel 8:11

Tsáta niwáhsen niháti ne ohénton iehonnéton ne Israerʼró꞉nonhke thóh rónhneskwe, thóh rahiatáhre ne Jaazaniah ne roníha ne꞉ne Shaphan. Ne shatihiatátʼtions ne ratíhawe ne kaienkwahráhkon ionhtekathákwah, tánon ioienkwahrakethothonhátse ne kaienkwahrákon.

Matthew 15:8

Tsi raȣen: Ratisehneʼkʼok ionksennaiens neok iaken ne iaken tsi ionkkonniensta; kenhkaien ne raoneri ih non neneh teiakȣatere.

Acts 8:10

tánon kwáh tsi niateʼionkwétake ne thóh kanátakon, onhʼnahiakonkwetoténhake, kwáh ákta tsi ronwanikonráhrakwe. Wahonʼníron, “Kí꞉ken rónkwe nehne Iotokénti konwanatónkwa ‘Kasastenserowánen.’”