Jeremiah 41:5 - Ohiatonhseratokénti

⁵ sahtekonhniháti wahónnhewe Shechem nonhthahónne, tánon ne Shiloh, ó꞉ni ne Samaria. Akwékonh ronatatʼkhonsthonrhiákon, rohthirahtiónkwen ne rahonatʼtsherónhniat, tánon ronatatʼrenáhnion. Onátsa tánon wehnekeráhkon wahatihawíʼne ne iakónhion Nononhsatokentiʼkówa.

Jeremiah 41:5 ပူးပေါင်းရင်းမြစ်များ

Genesis 33:18

Ne Jacob kwáh skenʼnenk tsiaharawe ne tsik kanátaien ne Shechem né ahotonhonsiake ne Canaan, né tsi nathontareh ne Paddan-aram; tánon kanatákta nón꞉we nahathatosehróten.

Genesis 34:2

Ne Hamor ne roièn꞉ʼa ne Shechem ne ne Hivró꞉non, ráonha roterihón꞉tahkwe neh nón꞉we niiohontsá꞉ien, wahshakó꞉ken, iahshakoiaʼténhawe tánon thontahshakonónhtonʼse skátne wahiá꞉rate.

Genesis 37:12

Énskat wenniserá꞉tehkwe nó꞉nen ne Só꞉se rontateʼkoʼokón꞉ʼahs kahentà꞉ke iekonwatiʼnikón꞉rarahkweʼ ne ronwaʼníha raotshenenʼó꞉konʼs teiotinaʼkarontón꞉ʼa tánon ne kaiaʼtákeras ákta ne Shechem,

2 Samuel 10:4

Káti ne Hanun washakoienénhaton ne Táwit raonkwetashón꞉ahs ratiriwakarénies, washakohkonstonrhiakón satiʼkonsakaratísons khók nokwatíson ne satiʼiatátʼtions, taroharakwahniónko ne raonatʼtserónhniat ratiʼhíiake khók niʼióre, tánon shasakotèkwate.

1 Kings 12:1

Né Rehoboam Shechem niahá꞉re, thóh nónhwe ratikwékon ne othoreʼkeʼró꞉nons nòkwahti Israerʼró꞉nonke nihonatsatharó꞉ronhne nahonwanontí꞉iosthe.

1 Kings 12:25

Né Ronhnonhtí꞉io Jeroboam ne Israerʼró꞉nonke wathanathánake ne tsi kanáthaien ne Shechem né꞉ne tsi ionhnonhtharónhnions kanakeraseráien ne Ephraim tánon thóh nónhwe nikarihwésha iehanákereʼkwe. Ethòne ónenh sahathénhti tánon iahathenhenhrónhni ne tsi tkanátaien Penuel.

1 Kings 16:24

tánon kíʼ ethòne wahá꞉ninon né ionhniáhere ne Samaria nónhwe né꞉ne iá-iak niwenhniawehetserásen nikaʼkwenísʼthakes kawistarákens wahokhárhiakʼse ne rónhkwe Shemer ronhwáiasts. Né Omri wahathenhénraien ne tsi iononhtháheʼre, thóh nónhwe nahanathónhni, tánon né wahanáthonhkwe Samaria, né thonhsahosenhnákwen ne Shemer, né thoʼwenhkénʼen ne ionhniáheʼre.

1 Kings 16:29

Násenh-niwásenh shaʼtékon sihioserakhehátse shiʼhononhtí꞉ioʼkwe ne Asa ne Judah nónhwe, ne Ahab né꞉ne roʼníha ne Omri né sahononhtí꞉iohne Nisraerʼró꞉nonke, tánon rahónha rakórahkwe né Samaria né꞉ne tewásenh-tékeni nihioseráke nikaríhwesʼkwe.

2 Kings 25:9

Wahatenonkwatetʼte ne Ononsatokentikó꞉wa, ne tsi kanontiʼiotseráien, tánon ne tsi rotinonshótons ne thó natonkwetaʼtónhnions ne Jerusalem,

1 Chronicles 19:4

Né Hanun waʼshakoiéna ne Táwit rahonkwetaʼshón꞉as ratiʼrihwaʼkarénies, washakokhonsthonhriákon, taroharakwenhá꞉ton ne rahonatʼtsherónhniat tsi niió꞉re ne ratiʼnoskwahrá꞉khés, tánon shasakotékwahte.

Psalms 102:14

Né sanhatsherahókons konhwaʼnorónkwah, iawerohátien tsi konwathónhton konhwénʼthenre iawerohátien tsi iorihwaʼiesáhon.

Psalms 78:60

Kwáh kíʼ waʼhatewénhthete tsi nón꞉we nihenterónhtakwe ne Shiloh nón꞉we, né꞉ne tsi rononshó꞉te tsi nón꞉we sát꞉ne nitewanákerekwe,

Isaiah 15:2

Dibon ononsatokentiʼkówaʼne né niehawénon, né èhʼneken tiót꞉te nón꞉we iatahaséntʼtho; ne raoʼrihwáke ne Nebo tánon ne Medeba Moab waʼtiohénrete tsi nahonikonrátsen. Kwáh tsi niaʼtehiakonontsístake tsi iáh othènen tetsakononhkwíseró꞉te, kwáh tsi niaʼtekakonstónrahʼke tsi ronhwatiʼkonsthonrhiá꞉kon;

Jeremiah 16:6

Ne iakohkwahtsénion ó꞉ni ne iakóten kén nónhwe nihiohontsáte enhonníheʼie, ók kwáh iáh ónhka tahonwathihiatáta iáh ó꞉ni ónhka tahonwanattsiónnionʼse. Kwáh iáh ónhka tsi nítion tahisehwatátrehne iáh ó꞉ni onahhónsta tahitiónni ne sehwanonhtsíne nahisehwénesʼte tsi sehwanikonhráksens.

Jeremiah 41:4

Noiaʼsahiórenhne, nohénton nónhka ahieriwáhronhke ne Gedaliah tsi ronhwahséhton,

Jeremiah 47:5

Kanikonhraʼtsenhtsheroʼwáhnen rothiráhon nonhkweshón꞉a ne Gaza nónhwe, ók nonhkweshón꞉a ne Ashkelon nónhwe sák né thihonahthaʼtónhni. Thóh nikaríwes ne rohnáhtsiakes ne Philistia nónhwe enhotinikonhraksénhsehke?

Jeremiah 48:37

Kwáh ratiʼkwékon rohnahtaʼtenónhkaron ó꞉ni rohnatʼkonsthonrhiákon tsi rohnatʼtsiónnion. Wahontatreʼniánion ne rontsanáhkes tánon káiare wahontserónhniaʼte.

Jeremiah 7:12

Shiloh niaháse, né꞉ne tiotierenthákwen wahkeráhkwen tsi nónhwe nahiontsennaienthákwake, tánon satkátho tsi niwahtiéren ne tioríhwa tsi nihotiriwáhneren nahkonkwetahshón꞉a Israerʼró꞉nons

Jeremiah 7:14

Onhkati, nahtiérahse ne Shiloh kwáh kíʼ éhtho nenhtiérahse nakenonhsatokénti, tsi ne nisehniahésen. Kén kíʼ nónhwe niwahtenáhthaien tetkhehiáwi ne shasótʼtshera tánon ní꞉se, kwáh ne sáka tsi ehʼnénhtiere tsi nitiérahse ne Shiloh.

Joel 2:13

sewathaterhiasharaʼtiónko tánon iáh ne sewatserónhnia. Thóh nionshá꞉sawe rahonhá꞉ke né Roiá꞉ner, sewah Ní꞉io, asè꞉ken thorihwaié꞉ri tánon rotanithenráts꞉kon, rohiatakenhé꞉ion nahonà꞉kwen, tánon titʼkahé꞉re ne iorihwató꞉ken kanoronkwáhtshera, tánon satateriwástani tsi thatsisewaténieten ne kaʼnikonraronhiakénhsera.

Deuteronomy 14:1

“Í꞉se ne tsónhkwe ne Roiá꞉ner sewaNí꞉io rahonkweʼtashón꞉as. Káti nó꞉nen enieʼtsihiatsiónhnionhse ne iakawehié꞉hion, tó꞉sa sewatatreniá꞉nion tó꞉sa ó꞉ni sewathatenónhkaron, tsi nihatihié꞉ra notiàkes.

Joshua 18:1

Nó꞉nen sahatiiéna nonhontsaʼshón꞉as, kwáh kenʼnenhrakwé꞉kon ne Israerʼró꞉nonhke wahonhnitiohkwaró꞉roke ne Shiloh nón꞉we tánon wahonthatoserothón꞉nion tsi nón꞉we ní꞉res ne Roiá꞉ner.

Joshua 24:32

Ne rahó꞉ieronhtha ne Sose, né nonhkweshón꞉ʼa tethó꞉tiha ne Egypt nónhwe, Shechem né nónhwe nihonwahiathaten, né꞉ne ken nihiohonsa ne Jacob ró꞉ninon ne Hamor roiénha, né roní꞉kenʼen ne Shechem, né꞉ne énska tewenhniáwe nikawisthake kawistharaken rokarhiakon. Ki ken ohontsa né꞉ne Sose rahowatsires rotiienahon.

Judges 18:31

Ne Micah rahohiatónhni thóh nónhwe nikaiénthakwe kwáh tsi nikaríhwes thóh nónhwe niwatohsehróthaʼkwe tsi nónhwe ne Rawenni꞉io nihonwasenhnaienthákwahkwe thóh nónwe nikaiéntakwe né꞉ne Shiloh nónhwe.

Judges 9:1

Ne Gideon roiénha Abimelech tsitʼkanátaien ne Shechem niaháre, tsi nónhwe ne ronisténha akowátsires thatinákere, tánon washakoró꞉ri

1 Samuel 1:7

Káti thóh niʼiotonhátieʼne thó꞉ka niʼioseráke niahá꞉he; kwáh tsi niiotʼkáte thóh nienhén꞉ien raononsaʼtokentíke ne Roiá꞉ner, ne Peninnah tsió꞉konte enhiakonakónhni. Ne kiʼ aorí꞉wa ne Hannah thenhionsént꞉tho tánon iáh thataionská꞉on.