Jeremiah 41:2 - Ohiatonhseratokénti

² ne Ishmael tánon ne oiéri niháti ne rathikwékon tahonsharohtsiaʼte tánon wahonwahnonwahrhiákon ne Gedaliah.

Jeremiah 41:2 ပူးပေါင်းရင်းမြစ်များ

2 Samuel 3:27

Nó꞉nen ne Abner shionsáre ne Hebron, ne Joab wahotsathatískwahte tsi nieiawénon ne iotenhenrakáronte ne tahnithára rahonwá꞉khok, tánon thóh nón꞉we nahó꞉hase ranekwéntahke. Káti warénheʼie tsi nahanékwah neh káti iatonhsáneke ne raonekwénhsa ne Asahel, ne ne Joab iathatekenhkénʼen.

2 Kings 25:25

Ók kíʼ ne tsatakhá꞉ton siʼwenhnitakéhaton né꞉ne siʼioseráteʼkwe, ne Ishmael né roienkénʼen ne Nethaniah tánon ne rosotkénʼen ne Elishama, né꞉ne kanontiʼiotserákon rawatsirathátie, Mizpah nón꞉we niaháre oiéri nihá꞉ti wahontenrósen, iahonwatsatónhti ne Gedaliah, tánon wahonwanonwariákon. Kwáh ó꞉ni washakononwariakónhnion ne Judahró꞉nons ó꞉ni ne Babyloniaró꞉nons ne ronatenrosenhtátieʼne.

Psalms 109:5

Ioiánere tsi nikhehiatiéraʼse, ók né tiontkariakthénhnis ne karihwaʼhétken, khenorón꞉kwah, ók iónkshons.

Psalms 41:9

Iekaníhare ne kwáh waʼkateroserí꞉ios ne kheniahé꞉sen, né꞉ne skát꞉ne tehiakwáhtontskwe, waʼhonkatkónten.

Jeremiah 40:14

tánon wahonwénhaʼse, “Iáh kén teshaʼteriéntahre nètho ronnonhtí꞉io Baalis ne ne Ammon nónwe Ishmael thohtóhrion nahiásehte?” Ók ne Gedaliah iáh tethawehthákwen.

Jeremiah 40:16

Ók ne Gedaliah wahthariwahseráhko, “Tó꞉sa thóh náhtsier! Tsi nahó꞉ten sáhthon tsi nòkwah ne Ishmael iáh thó꞉kenske tèhken!”

Jeremiah 40:5

Nónenh iáh thaʼtewahkeriwahseráhkwen, Nebuzaradan wahénron, “Wáhs Gedaliah nonhniáhase, ne roʼníha ne ne Ahikam tánon ne roteréha ne Shaphan, tsi nikáien ne ronhnonhtí꞉io ne Babylonia nónhwe nihokohrásthon ne tsi nikanahthaiéntons ne Judah nónhwe. Enwáhton ne skátke sehniteróntak ó꞉ni skátke sehwahnáhkerek nonhkweshón꞉a, tó꞉ka ó꞉ni thóh nónhwe niaháse tsi nónhwe ísehre niáhse.” Ethóhʼne wahakwíston ó꞉ni wahakahteʼnhátsheron nahkahténnhaʼte, tánon wahakátkahwe tsi akatʼthahítha.

Jeremiah 40:7

Kwáh kén niháti ne Judahró꞉nons rathiʼsennhowáhnenhs ó꞉ni ne ronterí꞉ios iáh tehonahtsiakwahríshion. Wahathiriwáhronhke ne Babylonia ronnonhtí꞉io tsi Gedaliah rohkoráston né nónhwe niwahthonwénhtsiaien tánon rahónʼa wahorihónten nahshakotennikonhráhren rathikwékon tsi niháti ne iáh Babylonia nónhwe tsehonwahthihiaténha—ne ne kwáh thóhʼtíten né nónhwe nihionhontsáien.

Jeremiah 40:8

Káti ne Ishmael ne roʼníha ne ne Nethaniah, ne Johanan ne ne roʼníha ne Kareah, ne Seraiah ne roʼníha ne ne Tanhumeth, tánon ne iehsehsahkohiohokónha ne ne Ephai ne ne Netophah nónhwe thanáhkere, ó꞉ni ne Jezaniah ne nènhne ne Maacah nónhwe thanáhkere wahontenróh꞉sen ne rahononhkwethaʼshón꞉a tsitʼthénteron ne Gedaliah niahónʼne ne ne Mizpah nónhwe.

Jeremiah 41:3

Ne Ishmael kwáh ó꞉ni rathikwékon ne Israerʼró꞉nons wahshakononhwahrhiakónnion tsi niháti rathikwekónhne ne Gedaliah ne ne Mizpah nónhwe ó꞉ni ne Babyloniaró꞉nons ronterí꞉ios ne thahiothohkéntahʼne thóh rónhnesʼkwe.

John 13:18

Iah ki tanon tiiekȣakȣekta, aseken kheienteri ki nonka kheiatarakȣen; Nok ki tanon iatekakonte tsi enkahnane tsinikaiaton, tsi ȣaton; nehne teiakiatonsts ȣahakatkarhateni.