Jeremiah 41:15 - Ohiatonhseratokénti

¹⁵ Ók ne Ishmael tánon ne satèkon niháti rahonkwethashón꞉a shaʼhonwahniákenhse ne Johanan tánon thóh nónhwe niahathiniákenʼne ne tsi tiohontsiáien ne Ammon.

Jeremiah 41:15 ပူးပေါင်းရင်းမြစ်များ

1 Kings 20:20

tánon satihiatátʼtsons wahonwatiʼnonhwarhiákon tsi nikáien ne rónhkwe ronaterí꞉io. Né Syriaró꞉nons wahontèko, tánon Nisraerʼró꞉nons kwáh í꞉ken tsi wahonwanatharihá꞉then tsi wahonwatísehre, ók né Benhadad tsi wahatèko koshá꞉thens nènhneʼe wahosáthen, né ronhthenhró꞉tse ne rotisháthens ronterí꞉ios.

2 Kings 25:25

Ók kíʼ ne tsatakhá꞉ton siʼwenhnitakéhaton né꞉ne siʼioseráteʼkwe, ne Ishmael né roienkénʼen ne Nethaniah tánon ne rosotkénʼen ne Elishama, né꞉ne kanontiʼiotserákon rawatsirathátie, Mizpah nón꞉we niaháre oiéri nihá꞉ti wahontenrósen, iahonwatsatónhti ne Gedaliah, tánon wahonwanonwariákon. Kwáh ó꞉ni washakononwariakónhnion ne Judahró꞉nons ó꞉ni ne Babyloniaró꞉nons ne ronatenrosenhtátieʼne.

Job Tánon ne Raoronhiakensera 21:30

Ne ronhnonkweʼtahétkens ronwatinónstats ne tsi tewenhniséronte ne atkaronhniátshera; entonwatiiaʼténhawe nentewenhniserá꞉te ne kanakwáhtshera.

Proverbs 28:17

Nónhka rohnhí꞉kon tókaʼ shakohséhton, tho niiohsnó꞉re tsi raʼshonhionhnia tsi nón꞉we nenhonwaiaʼtà꞉ta. Tóhsa sateʼnién꞉ten tahtstáhste.

Jeremiah 41:14

tánon wahthontkarahténi tánon iathonwahnahráhthaʼte.

Jeremiah 41:2

ne Ishmael tánon ne oiéri niháti ne rathikwékon tahonsharohtsiaʼte tánon wahonwahnonwahrhiákon ne Gedaliah.

Acts 28:4

Ne thóh rathinákere wakonwáken nóniare iohiaténton ne Kór ratsianáke wathontaténhase, “Kí꞉ken rónkwe kwáh ónhte thó꞉ka tsi sohʼteriwatewáthon, nók Natesénna iáh tahoríʼon narónnheke, iawerohátsien tsi shoniakén꞉en ne kaniatarakekówane.”

1 Samuel 30:17

Ne Táwit iasakotsiatónti kwáh satontahioswát꞉thene noronkéne kwáh tsaókarawe ne thóh siwenhniserátekwe. Iáh ne sahiá꞉ta teshoniakénʼen, nék khók ne kaié꞉ri tehonhnenhniáwe niháti kén nitotiʼiónsa, ne ronónha iotiʼniakwáhere ne wahotisáten tánon wahontèko.