Jeremiah 41:1 - Ohiatonhseratokénti

¹ Netsatáhkhaton shiʼwenhnítahre ne ne sahósehra, Ishmael, ne roʼníha ne ne Nethaniah tánon ne rosótha ne ne Elishama, ne ne ronhtinonhtí꞉ios nónhwe nihawahtsirahthátie tánon ne ne ronnonhtí꞉io rahonkwétha ne rasenhnowáhnenh, Mizpah nónhwe niáhare oiéri niháti iashakohiaténhawe nahonwatʼkénsehra ne Rakorah Gedaliah. Tsi nikahríwes rathikwékon skátʼke tehonaskáhʼon,

Jeremiah 41:1 ပူးပေါင်းရင်းမြစ်များ

2 Samuel 3:27

Nó꞉nen ne Abner shionsáre ne Hebron, ne Joab wahotsathatískwahte tsi nieiawénon ne iotenhenrakáronte ne tahnithára rahonwá꞉khok, tánon thóh nón꞉we nahó꞉hase ranekwéntahke. Káti warénheʼie tsi nahanékwah neh káti iatonhsáneke ne raonekwénhsa ne Asahel, ne ne Joab iathatekenhkénʼen.

2 Kings 11:1

Kwáh tsi niʼiostóre ne Ronnontí꞉io Ahaziah ronisténha Athaliah waʼkarihwáronhke né roʼiénha tsi ronwaséhton, onhtènhnane kwáh ratikwé꞉kon ne rontinontí꞉ios rahotiwátsires tsi ahonwatinonwariakónhnion.

2 Kings 25:22

Ne Ronnontí꞉iokwe Nebuchadnezzar ne Babyloniaró꞉nonke Gedaliah wahokórasthe, né꞉ne roienkénʼen ne Ahikam tánon ne rosotkénʼen ne Shaphan, ne rakórahkwe ne Judah nón꞉we, tánon rahónʼa wahorihónten nasakotenhnikonhráhren tsi nihá꞉ti ne iáh Babyloniaró꞉nonke tsehonwatiʼiaténha.

2 Kings 25:25

Ók kíʼ ne tsatakhá꞉ton siʼwenhnitakéhaton né꞉ne siʼioseráteʼkwe, ne Ishmael né roienkénʼen ne Nethaniah tánon ne rosotkénʼen ne Elishama, né꞉ne kanontiʼiotserákon rawatsirathátie, Mizpah nón꞉we niaháre oiéri nihá꞉ti wahontenrósen, iahonwatsatónhti ne Gedaliah, tánon wahonwanonwariákon. Kwáh ó꞉ni washakononwariakónhnion ne Judahró꞉nons ó꞉ni ne Babyloniaró꞉nons ne ronatenrosenhtátieʼne.

2 Chronicles 22:10

Kwáh tsi niʼiostóre ne Ronnontí꞉io Ahaziah ronisténha Ahthaliah wakarihwáronhke ne roiénha tsi ronhwaséhton, wahakónhaʼne kwáh ratikwé꞉kon ne kanontiʼiótshera kakwátsire ahonwatinonhwariákon.

Psalms 109:5

Ioiánere tsi nikhehiatiéraʼse, ók né tiontkariakthénhnis ne karihwaʼhétken, khenorón꞉kwah, ók iónkshons.

Psalms 41:9

Iekaníhare ne kwáh waʼkateroserí꞉ios ne kheniahé꞉sen, né꞉ne skát꞉ne tehiakwáhtontskwe, waʼhonkatkónten.

Proverbs 13:10

Ne wanonhthonnionhtsheráksen nek tkáhas taionʼnikonhrhá꞉ren. Ne sénha wattokhahtsherí꞉io nahseriʼwanón꞉ton naiesaʼnikón꞉ron.

Proverbs 27:4

Kanaʼkhwénhsera iakokarón꞉nis tánon enkahwatsirahríhsi iáh kiʼ ne thaʼtáhseren ne ateʼkehfáhtsera.

Jeremiah 36:12

Ethóhʼne ronnonhtí꞉io tsi thohnonhshó꞉te niaháre, tsi thaʼhiatónkwah ne shaʼkohiatónni, ratikwékon ne ronahterihóntons ronatʼkenníson. Elishama, né shaʼkohiatónni ne teiehiatorehtákwah, Delaiah ne roʼníha ne ne Shemaiah, Elnathan ne roʼníha ne ne Achbor, Gemariah ne roʼníha ne ne Shaphan, Zedekiah ne roʼníha ne ne Hananiah, tánon ne ronáhtiaʼkes ne ronahterihónton thóh kíʼ nònhne rónnesʼkwe.

Jeremiah 36:20

Ne ronahterihóntons tsi thaʼhiatónkwah ne shaʼkohiatónnis ne theiehiatorehtákwah ne ne Elishama nónhwe iahonthakweʼniáien ne kahorohthakweʼnónhni kahiatónsehra, tánon tsi thénteron ne Ronnonhtí꞉io niahónne, thóh nónhwe kwáh oriwahkwékon tsi wahonwahró꞉ri ne Ronnonhtí꞉io.

Jeremiah 39:14

thahiontsiatínekenhwe nahotenhénrahkon ne tsi kanonhtiʼiotsheráien. Tánon Gedaliah né shaʼhonwahrihónten nahonshaʼhakatenhnikonhráhren, ne roʼníha ne ne Ahikam ó꞉ni ne rosótʼtha ne ne Shaphan, rahónha oriwí꞉io enrónhni tsi kwáh skénnenhk tsi iénskewe. Tánon káti thóh nónhwe nahkahtserónhniaʼte skátke nonhkweshón꞉a.

Jeremiah 40:13

Nónenhʼne, ne Johanan ó꞉ni ne shakothihéntenʼse ne ronterí꞉ios tsi nikáien ne iáh tehonahtsakwahríshion Gedaliah rahonháke niahónʼne ne ne Mizpah nónhwe

Jeremiah 40:5

Nónenh iáh thaʼtewahkeriwahseráhkwen, Nebuzaradan wahénron, “Wáhs Gedaliah nonhniáhase, ne roʼníha ne ne Ahikam tánon ne roteréha ne Shaphan, tsi nikáien ne ronhnonhtí꞉io ne Babylonia nónhwe nihokohrásthon ne tsi nikanahthaiéntons ne Judah nónhwe. Enwáhton ne skátke sehniteróntak ó꞉ni skátke sehwahnáhkerek nonhkweshón꞉a, tó꞉ka ó꞉ni thóh nónhwe niaháse tsi nónhwe ísehre niáhse.” Ethóhʼne wahakwíston ó꞉ni wahakahteʼnhátsheron nahkahténnhaʼte, tánon wahakátkahwe tsi akatʼthahítha.

Jeremiah 40:6

Gedaliah tsi thóh nonhshó꞉te nónhwe iakáhtien ne ne Mizpah nónhwe tánon shaʼkhehiarískhoʼte nonhkweshón꞉a tsi nikáien ne iaʼtehonahthaténron né ionhwénhtsiaien.

Jeremiah 40:7

Kwáh kén niháti ne Judahró꞉nons rathiʼsennhowáhnenhs ó꞉ni ne ronterí꞉ios iáh tehonahtsiakwahríshion. Wahathiriwáhronhke ne Babylonia ronnonhtí꞉io tsi Gedaliah rohkoráston né nónhwe niwahthonwénhtsiaien tánon rahónʼa wahorihónten nahshakotennikonhráhren rathikwékon tsi niháti ne iáh Babylonia nónhwe tsehonwahthihiaténha—ne ne kwáh thóhʼtíten né nónhwe nihionhontsáien.

Jeremiah 40:8

Káti ne Ishmael ne roʼníha ne ne Nethaniah, ne Johanan ne ne roʼníha ne Kareah, ne Seraiah ne roʼníha ne ne Tanhumeth, tánon ne iehsehsahkohiohokónha ne ne Ephai ne ne Netophah nónhwe thanáhkere, ó꞉ni ne Jezaniah ne nènhne ne Maacah nónhwe thanáhkere wahontenróh꞉sen ne rahononhkwethaʼshón꞉a tsitʼthénteron ne Gedaliah niahónʼne ne ne Mizpah nónhwe.

Ezekiel 17:13

Shahiáta ne Ronhnontí꞉io rahowáhtsire iahohiaténhawe, wahiatianerenhsehrónhni, tánon wahahónhnien nahariwahnírahte nahoriwahtokénhake. Wahshakononhthónʼnion ne ronhnonhkwetowáhnenhs

John 13:18

Iah ki tanon tiiekȣakȣekta, aseken kheienteri ki nonka kheiatarakȣen; Nok ki tanon iatekakonte tsi enkahnane tsinikaiaton, tsi ȣaton; nehne teiakiatonsts ȣahakatkarhateni.