Jeremiah 40:8 - Ohiatonhseratokénti

⁸ Káti ne Ishmael ne roʼníha ne ne Nethaniah, ne Johanan ne ne roʼníha ne Kareah, ne Seraiah ne roʼníha ne ne Tanhumeth, tánon ne iehsehsahkohiohokónha ne ne Ephai ne ne Netophah nónhwe thanáhkere, ó꞉ni ne Jezaniah ne nènhne ne Maacah nónhwe thanáhkere wahontenróh꞉sen ne rahononhkwethaʼshón꞉a tsitʼthénteron ne Gedaliah niahónʼne ne ne Mizpah nónhwe.

Jeremiah 40:8 ပူးပေါင်းရင်းမြစ်များ

2 Samuel 10:6

Nó꞉nen ne Ammonró꞉nons sahónt꞉toke tsi ronwaná꞉kwase ne Táwit, ne Ammonró꞉nons ronaterihón꞉tons iaʼsakoténiete tánon ne ahonwathí꞉nhane Aramró꞉nons ne Beth-rehob nón꞉we tánon ne Aramró꞉nons ne Zobah, tewáhsen tehonhnenhniawehetseráhsen nihá꞉ti ne thaʼkésons tsi ní꞉iot tsi ronterí꞉ios, aioiánerenhne ó꞉ni ne ronnontí꞉io ne Maacah nahahiatará꞉ke, énska ne tehonhnenhniawehetseráhsen nihá꞉ti, tánon ne ronnónkwe ne Tob nón꞉we, tekeniʼiawénre natehonhnenniawehetseráhsen nihá꞉ti.

2 Samuel 10:8

Ne Ammonró꞉nons tahatiʼiákenʼne wahontateweienʼnénhtane naonterí꞉io thóh wathatítane tsi ieiontawaiatáhkwa tsi iotenhenrakáronte; ók ne Aramró꞉nons ne Zobahró꞉nons ó꞉ni ne Rehobró꞉nons, tánon ne ronhnónkwe ne Tobró꞉nons ó꞉ni ne Maacahró꞉nons, rononhatsíwakok thikènʼne ne kahentatʼtóntses.

2 Samuel 23:34

Ne Eliphelet ne roiénha ne Maacah; Eliam ne roiénha ne Ahithophel ne ne Giloró꞉non;

2 Kings 25:23

Nó꞉nen ne Judahró꞉non ratisennowánens tánon ne ronterí꞉ios tsi nihá꞉ti ne iáh tehonaʼnentsakwahríhshion wahatirihwáronhke kí꞉ken, Gedaliah wahonwatsiáʼtarahse né Mizpah nón꞉we. Kí꞉ken ratisennówanenskwe thó raiá꞉tare ne Ishmael né꞉ne roienkénʼen ne Nethaniah, ne Johanan né꞉ne roienkénʼen ne Kareah, ne Seraiah né꞉ne roienkénʼen ne Tanhumeth né꞉ne tsi kanatowanénhke ne Netophah raná꞉kerekwe, tánon ne Jezaniah né꞉ne tsi kanatowanénke ne Maacah nón꞉we nihanákerekwe.

2 Kings 25:25

Ók kíʼ ne tsatakhá꞉ton siʼwenhnitakéhaton né꞉ne siʼioseráteʼkwe, ne Ishmael né roienkénʼen ne Nethaniah tánon ne rosotkénʼen ne Elishama, né꞉ne kanontiʼiotserákon rawatsirathátie, Mizpah nón꞉we niaháre oiéri nihá꞉ti wahontenrósen, iahonwatsatónhti ne Gedaliah, tánon wahonwanonwariákon. Kwáh ó꞉ni washakononwariakónhnion ne Judahró꞉nons ó꞉ni ne Babyloniaró꞉nons ne ronatenrosenhtátieʼne.

1 Chronicles 2:48

Né Caleb shé꞉kon ó꞉ia ronhatseraiéntaʼkwe, Maacah konwáiatsʼkwe, tékeni wahotinekenteronhtseraiéntaʼne, né꞉ne Sheber tánon ne Tirhanah.

1 Chronicles 2:54

Né Salma, né ronatát꞉tshenron ne Bethlehem, né꞉ne ronhwasok kenʼen nonkweʼshón꞉as ne Netophathró꞉nons, né Atroth Beth Joab, ó꞉ni ne Zorʼró꞉nons, né꞉ne shotitára í꞉ken né tekentárake ne Manahathró꞉nons. (

Ezra 2:2

Ne shakothihéntenhse né꞉ne Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, tánon ne Baanah. Ne kí꞉ken ne kentaraʼshón꞉as Nisraerró꞉nonhke, skát꞉ke tsi nihá꞉ti ne skenhtharatʼtsons ne thethoné꞉non ne ronanahkerá꞉kwenhne:

Nehemiah 7:26

Ne ronhnón꞉kwe ne Bethlehem tánon ne Netophah: 188 nihá꞉ti

Jeremiah 37:15

Kwáh íken tsi hionkenáhkwahse tánon wahonténnhane nahionkenonhwenhsehráhrhio tánon nahionkhenhóton tsi rohnónhshoʼthe ne Jonathan, né shaʼkohiatónhni ne tsi tehiehiathohrehtákwah, né tsi rohnónhshoʼthe hionthaʼtenhotónkwah rohnonhniáthon.

Jeremiah 37:20

Tánon káti nónhwah, Sahnonhtí꞉io, khonhianiténthaʼse naʼskahthahónsahthaʼte tánon thóh náhtiere tsi niʼkerihwahnónhtons. Asatʼthontátsheʼke tó꞉sa hionshaʼskhaʼténiet nahonsaʼhionkheʼnhóton ne tsi thohnónhsohthe ne Jonathan. Tó꞉ka thóh nénhshiehre, kwáh oriwihiohónwe tsi enthóh nónhwe nenhkíheʼie.”

Jeremiah 38:26

Thasehró꞉ri tsi tahkanitenhteséhaʼkwe ne tó꞉sa iahonshaʼkonhiatóri ne hiahonsahiesahnhóton né thóh nónhwe hiashí꞉heʼie.”

Jeremiah 40:11

Tsi ki ní꞉ioht, rathikwékon ne Israerʼró꞉nons tsikʼnonhwésons nónhwe nihathináhkerehkwe ne ne Moab, Ammon, Edom, tánon ne aktésons tkanahkerahsehrahkérons, wahonatʼthónteʼne nètho ronnonhtí꞉io ne Babylonia nónhwe ótiakes shaʼkorihwáhwi ne Israerʼró꞉nons ne Judah nónhwe nahathiteróntahke tánon tsi Gedaliah wahokóhrasthe.

Jeremiah 40:13

Nónenhʼne, ne Johanan ó꞉ni ne shakothihéntenʼse ne ronterí꞉ios tsi nikáien ne iáh tehonahtsakwahríshion Gedaliah rahonháke niahónʼne ne ne Mizpah nónhwe

Jeremiah 40:14

tánon wahonwénhaʼse, “Iáh kén teshaʼteriéntahre nètho ronnonhtí꞉io Baalis ne ne Ammon nónwe Ishmael thohtóhrion nahiásehte?” Ók ne Gedaliah iáh tethawehthákwen.

Jeremiah 40:15

Ethóhʼne ne Johanan rononhatsíwah tsi wahawénhase, “Ánion iéhke tánon rihnonhwahriákon ne Ishmael, tánon iáh ónhka thahiakothó꞉kenhse ónhka étho nahéhiere. Onhʼniʼiohtsiéren tsi ahothesenhnaiéntahne nahianonhwahrhiákon? Né enhkarihónhni rathikwékon ne Sitaeró꞉nons tsi niháti ne tehieshaʼtsiatáhthon ne tahonwahnahréhniaʼte, tánon ne entkáhawe ne kariwahnhorónhtshera nonhkwethakwékon tsi nihiákon ne Judah nónhwe iatehonahthaténron.”

Jeremiah 40:6

Gedaliah tsi thóh nonhshó꞉te nónhwe iakáhtien ne ne Mizpah nónhwe tánon shaʼkhehiarískhoʼte nonhkweshón꞉a tsi nikáien ne iaʼtehonahthaténron né ionhwénhtsiaien.

Jeremiah 41:1

Netsatáhkhaton shiʼwenhnítahre ne ne sahósehra, Ishmael, ne roʼníha ne ne Nethaniah tánon ne rosótha ne ne Elishama, ne ne ronhtinonhtí꞉ios nónhwe nihawahtsirahthátie tánon ne ne ronnonhtí꞉io rahonkwétha ne rasenhnowáhnenh, Mizpah nónhwe niáhare oiéri niháti iashakohiaténhawe nahonwatʼkénsehra ne Rakorah Gedaliah. Tsi nikahríwes rathikwékon skátʼke tehonaskáhʼon,

Jeremiah 41:11

Ne Johanan tánon rathikwékon ne sahkothihéntenhse ne ronhterí꞉ios ne skátke rónnes wahathiriwáhronhke ne kariwáksen ne Ishmael tsi nishoteriwahthewáhthon.

Jeremiah 41:2

ne Ishmael tánon ne oiéri niháti ne rathikwékon tahonsharohtsiaʼte tánon wahonwahnonwahrhiákon ne Gedaliah.

Jeremiah 42:1

Ethóhʼne rathikwékon ne rathisennhowahnenhs ne ronhterí꞉ios, rahiathare ne Johanan ne roʼníha ne ne Kareah ó꞉ni ne Azariah ne roʼníha ne ne Hoshaiah, tánon kwáh tsi niatehionkwétahke skátke tsi tahónnhe

Jeremiah 42:8

sók iahínonhke ne Johanan ne skátke ahiatiaton, rathikwékon ne shaʼkothihéntenhse ne ronhterí꞉ios ne skátke rónhneskwe, tánon ne ronahtsiakéshon.

Jeremiah 43:2

Ethòne Azariah ne roʼníha ne ne Hoshaiah tánon ne Johanan ne ne roʼníha ne Kareah tánon ne ronáhtsiake ne rontatʼkowáhnens ronnónhkwe wahonkwénhaʼse, “Shaʼnhowenhtánions. Ne Roiá꞉ner onhkwahNí꞉io iáh tetʼthiató꞉rion naskwahró꞉ri ne tó꞉sa Egypt nónhwe iahonshaʼhiakwahthatí꞉teron.

Jeremiah 43:5

Ethóhʼne ne Johanan tánon ne ratisenhnowáhnens ne ronterí꞉ios kwáh tsi nihiákon iaʼteiakothaténron ne Judah Egypt niaʼhonhthatsiaténhaʼwe, ratiʼkwekonhátie kwáh ratikwékon tsi niháti ne tetʼthonénonh ne tsikʼnonhwéson nónhwe iatehonwanahrieniáʼtonʼkwe:

Deuteronomy 3:14

Ne Jair, né꞉ne Manasseh nahoʼtaró꞉ten, kwáh ohontsakwé꞉kon wahatié꞉nawatste ne Argob, né꞉ne, Bashan nónhwe, kwáh tsi nió꞉re tsit karistatátie ne Geshur ó꞉ni ne Maacah. Ne tsi nihosenhnò꞉ten né wahanà꞉tonkwe ne tsi kanataién꞉tons, tánon shé꞉kon ne konwatisenhnaienté꞉ris tsi kanataién꞉tons ne Jair.)

Joshua 12:5

Ne rahonhnontiiótshera thóh í꞉kare ne tsi Ionónhte Hermon, Salecah, ó꞉ni ne Bashan kwáh tsi nió꞉re ne tsitkaristhatátie ne Geshur, tánon ne Maacah, kwáh ó꞉ni asénhnon ne Gilead, tsi nió꞉re ne tsi thóh nakerahserá꞉ien ne ronhnonhtí꞉io Sihon né꞉ne Heshbon nón꞉we.