Jeremiah 40:11 - Ohiatonhseratokénti

¹¹ Tsi ki ní꞉ioht, rathikwékon ne Israerʼró꞉nons tsikʼnonhwésons nónhwe nihathináhkerehkwe ne ne Moab, Ammon, Edom, tánon ne aktésons tkanahkerahsehrahkérons, wahonatʼthónteʼne nètho ronnonhtí꞉io ne Babylonia nónhwe ótiakes shaʼkorihwáhwi ne Israerʼró꞉nons ne Judah nónhwe nahathiteróntahke tánon tsi Gedaliah wahokóhrasthe.

Jeremiah 40:11 ပူးပေါင်းရင်းမြစ်များ

Genesis 36:8

Katíʼ ne Esau tsi ionontahrónnion kanakerahserá꞉ien ne Seir nón꞉we nahatatíʼteron; né Esau ne ne Edom ó꞉ni ronwá꞉iats.

Isaiah 11:14

Ók kwáh kí iathenhonhnitiónkwahʼkwe ne ratiʼhnenhshá꞉kes ne Philistines ne tsiʼiatewatʼtsénthos nón꞉we, enthonthénroʼwe nasakotiʼnenskwenháton nonkweshón꞉has ne tsitʼkarakwínekens ratiʼnakeré꞉nion. Kwáh iaʼthenhonhnentsáthaʼte rononhàke ne Edom tánon ne Moab, tánon ne Ammonró꞉nons enhonwatiʼwénhnaraʼkwe.

Isaiah 16:4

Seríhon ne rotiʼnatenháwis ne Moab skát꞉ne sewanakérek; í꞉se sheʼiatanónstat tsi nòkwah ne sakotón꞉tha.” Nó꞉nen ne sakoronhiakéntha iáh okàneka tèsres, tánon natʼkaronhniátshera watʼkátane, tánon ne rotiʼnatenháwis ronatónhon ne tsi ionwenhtsá꞉te,

Jeremiah 24:9

Thóh nióre tsi enkheiénhaʼse ne kariwaiesáhtshera kwáh onhkwetaʼkwékon ne tsi ionwenhtsiáte kwáh enhiakoterónsehke. Nonhkweshón꞉a tenhonwahthiʼierónhaʼke, ohnonhwahroʼríhta enhonwenhnónhniaʼte, enhonwahtisterísthake, tánon ne raoʼthisénnas ne enhiontewenhnaksahthakwaʼniónsehke ne kwáh tsík nonhwésons iaʼtenkhehiaréniaʼte.

Jeremiah 41:10

Ethóhʼne ónenh wahshaʼkononhthónnion ne ronnonhtí꞉io shaʼkoiohokónhas tánon rathikwékon ne iatehonahthaténron ne Mizpah nónhwe, tsi nikáien ne rahsenhnowáhnen Nebuzaradan shakótheron nahonwahtennikonhráhren ne Gedaliah. Ishmael iashakohiaténhaʼwe nahshakonhóton tánon tahathasáhwenh iathathóhkente tsi tewahthonwénhtsaien ne Ammon niaʼháre.

Jeremiah 43:5

Ethóhʼne ne Johanan tánon ne ratisenhnowáhnens ne ronterí꞉ios kwáh tsi nihiákon iaʼteiakothaténron ne Judah Egypt niaʼhonhthatsiaténhaʼwe, ratiʼkwekonhátie kwáh ratikwékon tsi niháti ne tetʼthonénonh ne tsikʼnonhwéson nónhwe iatehonwanahrieniáʼtonʼkwe:

Jeremiah 43:6

ne roʼnónhkwe, konhnónhkwe, ratiksahokónha, tánon ne ronnonhtí꞉io sakohiohokónhas ne tionatʼthonwísenhs. Kwáh onkwethaʼkwékon iaʼsahkotihiaténhaʼwe tsi nikáien ne Nebuzaradan ne ne rasenhnowáhnen raterí꞉ios, Gedaliah thóh ratiʼiátare nahshaʼkotenhnikonhráhren, thóh iakenihiátare ne Baruch.

Ezekiel 25:12

Ne Ronhnontí꞉io Roiá꞉ner wahénron, “Nonhkweshón꞉ʼa ne Edom nónhwe kwáh í꞉ken tsi ioníronh tsi sahathikárhiake tsi nòkwah ne Judah, tánon nètho kanakwáhtshera takáhawe ne karíhwes kanhítshera hahonháke ne Edom.

Ezekiel 25:2

“Rónhkwe iaiénha,” wahénron, “Sehiateriwahnótʼthas ne tsi kanakerahseráien ne Ammon.

Ezekiel 25:6

“Kén kíʼ nahó꞉ten ne Ronhnontí꞉io Roiá꞉ner rathónhnions: Wathisehwahsárohke tánon iaʼtisehwahnitiónhkwahkwe tsi nesewatʼtsenhnónhni. Skenrónhni tsi ionwénhtsaien ne Israerʼró꞉nonhke.

Ezekiel 25:8

Ne Ronhnontí꞉io Roiá꞉ner wahénron, “Tioríhwah ne Moab tsi iáwenh ne Judah thóh nikahiató꞉ten tsi ní꞉ioht nakorénhson rononhontsakeró꞉nonhs,

Ezekiel 34:6

Káti nahkhitsenenhókonhs tsiatehionahréhnions ne tsi hionhniarónhnions ó꞉ni tsi iononhténions. Kwáh tsatehionahréhnion tsi kakónhsonhte ne tsi ionhwenhtsáte, tánon iáh ónhka teskonhwahtihiatishá꞉konh tó꞉ka ó꞉ni nahionteniénten nahonsakonhwahtihiatatʼtsénhri.

Ezekiel 35:15

kwáh tsi ní꞉ioht tsi wahshá꞉thonnharen sahkariwahiesa ne Israel, né꞉ne kwáh Í꞉i akawenhk. Tsi iononhtáhere ne Seir, hén, ohontsakwékon ne Edom, kwáh enkaiésʼsa. Ethòne onhkwetaʼkwékon enhiakoteriéntarahne tsi Í꞉i ne Watiá꞉ner.”

Ezekiel 35:5

“Í꞉se ne kwáh ioriwahtó꞉kenhne tsi tetsatátʼtsionskwe ne Israel tánon wasatʼthóntate nahonkwetashón꞉ʼa nahonwatinonhwahrhiákon nó꞉nen ronatkaronhníhon, iakáhewe nonahkénhkha karewahthá꞉tshera nahoriwahnerahákʼtsheras.

Ezekiel 5:12

Énska násen-haton nihionkwétahke ne tionkwetashón꞉a athonkarhiákon tánon kannratharinhétshera enhotírhiote ne tsi kanatowanénhke. Énska ne ásen-haton niháti ne꞉ne tesehwatátʼtions enhonwanawénhtʼto átste nòkwah ne tsi tekanathanákton ne kanatowáhnen. Tánon tenkhehiatʼtó꞉kwahte ne tsi ioweráhre ne énska ne ásen-háton niháti tánon akasharehkówa énkatste enkhehiatékwahte.

Ezekiel 5:3

Thóh karahníkonh shatiénawast nonónhkwis tánon tsi tetkakwáhtʼthon ne shatiátawi ne wahkóses nónhwe nasheróhrok.

Numbers 22:1

NʼIsraerʼró꞉nons wahonthahítha tánon thóh nónhwe iahonthatosehrotónhnion tsi tionhontsáien ne Moab né꞉ne tsitʼkarakwínekens nokwáhti ne Jordan tánon né tehiotináta ne Jericho.

Numbers 25:1

Nó꞉nen ne Israerʼró꞉nons Acacia nónhwe iehonatathosehró꞉tonkwe, né ronhnónhkwe tahontáhshawenh ne skát꞉ke ahonrákʼtseke ne Moabró꞉nons konhnónhkwe né nónhwe.

Numbers 25:2

Kí꞉ken konhnónhkwes wahonwatihonkárons ne tehiontenonhweratóntha kaʼkhwáhere, tsi nónhwe ne raotiní꞉io ne Moab nikonhwasénhnaiens. NʼIsraerʼró꞉nons waʼthonskáhon tánon wakonhwasénhnaien ne ní꞉io

1 Samuel 11:1

Kákʼnon ne sewenníta onaʼkènke, Nahash ne ne Ammonró꞉non iahá꞉re tánon iathaʼhonwarónhni tsi kanátaien ne Jabesh-gilead; tánon ratiʼkwé꞉kon ne ronhnón꞉kwe ne Jabesh wahonwénhase ne Nahash, “Shón꞉ni ateriwaseronniátshera tsi naʼtetewátere, tánon kwáh í꞉se enkwaiótenʼse.”

1 Samuel 12:12

Ók nó꞉nen satsisewá꞉ken ne Ronnontí꞉io Nahash ne ne Ammonró꞉non tsi atsisewahtʼkón꞉ten, waskwenhá꞉se, ‘Iáh, ók ronnontí꞉io enteshonkwaniarotaró꞉ke,’ awerohátien tsi Roiá꞉ner sewaní꞉io raón꞉ha sewanontí꞉io í꞉ken.