Jeremiah 40:10 - Ohiatonhseratokénti

¹⁰ Nahkonhatsíwah Mizpah nónhwe nenhkiterónhthaʼke tánon enkonhiathatsiaséhake nónenh ne Babyloniaró꞉nons kénh nenhʼthónʼne. Ók enwáhthonʼkiʼ nasehróh꞉rohke ne kahiksónha ó꞉ni ne iaʼkenhiewáhtha kénhie, ó꞉ni notsítsa, tánon kanathakónhson tsiʼterónhtak tsi nónhwah nónhwe nishíteron.”

Jeremiah 40:10 ပူးပေါင်းရင်းမြစ်များ

2 Samuel 16:1

Nó꞉nenh ne Táwit ostón꞉ʼa shiʼhononhtathíʼen noʼnhotoharakéniate, Ziba ne raonhátsera í꞉ken ne Mephibosheth wakʼiatátken, tohkàra nihá꞉ti tehonhóntes, ne roʼtirieniaketátsene tékeni tewenhniáwe nikanatará꞉kes kanátaro, énska tewenhniáwe níkon kanhokwahkwenón꞉ni onénhare káhik, énska tewenhniáwe níkons kanhokwahkwenónhni nakenhnakékha káhiks, tánon énska kanéhok káiare thitʼkáhere otsítsa onéka.

1 Kings 10:8

Tsi nióre tsi ionateraswí꞉io ne tesewénhterons! Ó꞉ni tsi nihonateraswí꞉io ne sanhatserahókons, né꞉ne tiotkonhónwe sahénton rónhnes tánon ronateraswí꞉hio nahonatʼthónteʼne ne satʼthokhátseras tsi nisathónhnions!

Proverbs 22:29

Takenaʼtón꞉hahs nónhka raioʼtenhserí꞉io, tánon enkonnaʼtón꞉hahse ónhka sénha ionkweʼtí꞉io tánon tehotèn꞉tshon skátne ahonné꞉sheke ne rotinontí꞉ios.

Proverbs 27:25

Enhsenekerí꞉iaʼke thó꞉ne enhshathóntiaʼke tsi tionontatsnénhton tsi nikarí꞉wes ne ó꞉ia tsonatehiaróntie ne awennékeri.

Isaiah 16:9

Eʼthó káti watʼkhaséntʼtho tsi naʼtekonwaséntʼthose ne Jazer ne aorihwàke ne watenenharíseres ne Sibmah; wakonhkoharoshónhni né nakʼkháseri wakátste, Ó Heshbon tánon Elealeh; ne tsi natehotihenrétha ne sahiksónhas ne sahiákwen tánon ne sanátsias tsi nishientwákwas iotottáhon.

Jeremiah 35:19

Káti Í꞉i, ne Watiá꞉ner Keshastsʼtenserowáhnen, ne khe Ní꞉io ne Israerʼró꞉nons, wahkaráhratsʼthe nètho Jonadab né roʼníha ne Rechab kwáh tiókonthe tsi roskenrahkéʼthe enhowirahiénthake nahatiotenséheʼke.”

Jeremiah 39:10

Ók ne kwáh thóhʼtíten ne ne kwáh iahothénenh tehotiʼhienthatseráhien ne Judah nónhwe iáh né tseshakohiathénha, tánon ne thashakáwenh ne kanenharahientʼthóhsehron ó꞉ni ne kahenthashón꞉a.

Jeremiah 40:12

Sók kíʼ ahéren wahónʼneʼte tsi kanonhsóhtons ne kanonhthiʼiotsherákons tsi thóh nónhwe niaʼtehonwahniarehniáton, tánon tsi Judah nónhwe hionshaʼhónʼne. Gedaliah wahonwahiató꞉renʼne ne ne Mizpah nónhwe, tánon thóh nónhwe iawehtowáhnenhs wahathinekaróhrohke notsítsa ó꞉ni ne kahiksónha.

Jeremiah 40:6

Gedaliah tsi thóh nonhshó꞉te nónhwe iakáhtien ne ne Mizpah nónhwe tánon shaʼkhehiarískhoʼte nonhkweshón꞉a tsi nikáien ne iaʼtehonahthaténron né ionhwénhtsiaien.

Jeremiah 43:5

Ethóhʼne ne Johanan tánon ne ratisenhnowáhnens ne ronterí꞉ios kwáh tsi nihiákon iaʼteiakothaténron ne Judah Egypt niaʼhonhthatsiaténhaʼwe, ratiʼkwekonhátie kwáh ratikwékon tsi niháti ne tetʼthonénonh ne tsikʼnonhwéson nónhwe iatehonwanahrieniáʼtonʼkwe:

Jeremiah 48:32

Tiónkwe ne Sibmah nónhwe iókwas ne sewahetaʼshon꞉a nonénhare, sénha i꞉se wéso tsi tenkwahséntʼthoʼse tsi ní꞉ioht tsi tekhehiaséntʼthoʼse ne Jazer. Tsi tehionahré꞉nion nahonenhrahsónhas ne sewahnenharahsón꞉a iaʼtehiohiaiákon ne Iawenhéion Kaniatarahkheʼkówa tánon ièhio tsi nióre ne Jazer. Ók kíʼ nónhwa nakennhaʼkhéka sewahiasónhas ó꞉ni ne sewanenharahsónhas karihwahtónton.

Micah 7:1

Tsi nonkithenstéthen! Asè꞉ken thóh nontiatá꞉wen tsi ní꞉ioht ne ónhkak, nó꞉nen iotkenhnohétston ne kahikshón꞉as akwé꞉kon wahiákwen, nó꞉nen nonénhare akwé꞉kon tkaró꞉ron, iáh teshatitsénries nahiorhiokwentónhnionke nahón꞉neke; ne tsi kónhne ne tiotierénhton ahiohiá꞉rihke ne tionionwarontonhakó꞉wa ne ne kahianónwaks.

Luke 21:36

Seȣatieȣaten kati, tiotkon onȣe taseȣaterennaientak, niaeseȣaȣe aeseȣarihontake ne taeseȣatohestste tsinonhiaȣenseronne, nok skennen tatsiseȣaken nonkȣe Roienha.

Deuteronomy 1:38

Ók tieshatsténseron tsi tehahiaʼtorétha ne iaienahwà꞉se, Joshua né꞉ne roiénha ne Nun. Ne enshakohéntenhse Israerʼró꞉nons tsi enhatiʼié꞉na nonhóntsa.’

Deuteronomy 16:13

“Ne nó꞉nen akwé꞉kon sawahékshion ne sanátsas tánon akwé꞉kon sanekinekénhen ne sanenharaʼsónhas, sateʼnikonhró꞉ri ne tehontenonhweraʼthónkwa tsi waskwakarénre né꞉ne tsá꞉ta nónhta nikarì꞉wes.