Jeremiah 4:9 - Ohiatonhseratokénti

⁹ Ne Roiá꞉ner wahénron, “Ne éthoh nónhwe nenhwenhniseráhtehke rothinonhtí꞉ios ó꞉ni ne rathirihwahkweʼní꞉ios enhonnikonhrókten; rothikáhres entʼthontónnehke tánon ne rothitó꞉kenhse kwáh enhothineráhko.”

Jeremiah 4:9 ပူးပေါင်းရင်းမြစ်များ

2 Kings 25:4

né tsi watenhenró꞉te né tekanathanákton tsathonʼnótkaʼwe. Iáh othènen tetsiorá꞉kwen ne Babyloniaró꞉nons tsi tehotinathánenʼne, ratikwé꞉kon ne ronterí꞉io tsi niwaʼshón꞉tes shonatékwen. Eh ronathohétston ne kanontiʼiótsera ahohéthakon, iathonʼnót꞉kaʼwe ne tiotenhenrakáronʼte né tekákʼken ne tewaʼthenhénrakes, tánon thó nòkwah niahontekwáhsen tsi nieʼiawénon ne Jordan Ahonráhkwahkon.

Psalms 102:4

Thóh ní꞉ioht tsi katʼtókas tsi ní꞉ioht ne iohontát꞉then tánon ónhkat iakoratatséʼson; tánon kwáh iáh teskhekwanónhwats.

Isaiah 19:16

Né thóh enwenniseráteʼke ne Egyptró꞉nons kwáh thóh nenhatiʼhiatothénhaʼke tsi ní꞉ioht ne tsonatʼthonhwísen, tánon enhotiʼhiathí꞉sonhkwe tsi nenhotiʼterónhsehke ohénton ne raoʼtsána ne Sakoiá꞉ner ne ronterí꞉ios ratiʼronhiakeró꞉nons tentʼthátaʼne niaʼsakotsatónhti.

Isaiah 19:3

ne tsi ronónnhe ne Egyptró꞉non kwáh enkahiakénhen, tánon kwáh thenkheʼhianitonhniáten tsi niohʼnatenikonhrón꞉ni; kwáh ne ensakonaʼtenikonrát꞉kenhse ne kahiatonhnisónhas tánon ne raoʼtinikónras ne ronenhéions tánon ne raonatónnhets ne tehhontaterennáonh tsi niʼhonnontónhnions;

Isaiah 28:19

Kwáh tsi niʼioriwàhke enwatohetsthá꞉nion, kwáh kíʼ iensaiaténhaʼwe; áseʼken kwáh niaʼteioronkhetseràkes tsi enwatohétstahke, neh nenhtiékheʼne tánon tsi niwashón꞉tes; kwáh kíʼ entkakaʼrenrákwahte ne kateronkwáhtshera ne naiakonikonraién꞉taʼne nateriwanhotáhtshera.

Jeremiah 2:26

Ne Roiá꞉ner ráton, “Kwáh tsi ní꞉ioht ne rahnénhskwas tsi nenhonwahtéhate nónenh enhonwahiéna, káti kwáh sehwahkwékon ne Israeronónhke tsi enietʼtsihiatéhate— ne sehwahnonhtiʼiótsheras ó꞉ni ne ronahterihóntons, ne tionkwetahshón꞉a ne rothikháres ó꞉ni ne rothitó꞉kense.

Jeremiah 25:34

Tesehwahsénttho, i꞉se ne ientʼtsihéntenʼse, i꞉se ne ietʼtsinikónhrahre naʼkonkwetahshón꞉a, iorahkareníhak tsi tesehwahséntho! Sewatʼtsiónnion ó꞉ni okenráhke sehwahtesehréson. Ónenh iakáheʼwe nahietʼtsinonhwahrhiákon, tánon thóh ní꞉ioht tsi enhiettsihiátsoʼwe tsi ní꞉ioht ne teiotinakarontónʼa ráhtsinn.

Jeremiah 37:19

Onhʼnihothihiaʼthawénhon ne shonkwetaʼshon꞉a rohthitokénse tsi nihieshaʼróri nètho Ronnonhtí꞉io ne Babyloniaró꞉non tsi iáh tahontaʼhiatsiatónti iáh ó꞉ni ne kahnahkeráhsehra?

Jeremiah 48:41

Nahonahtowáhnenhs ó꞉ni ne tekenhstenrotáhkwen ne tekanahtaʼnákʼtons enhathiʼiéna. Ne thóh enwenhniseráhteke ne Moab ahonkwetaʼshón꞉a ne ronterí꞉ios thóh nenhotiʼterónhsehke tsi ní꞉ioht ne iónkwe ioronhiáken tsi iowirahientáhsehre.

Jeremiah 5:31

tsi rontáhtis ne rotitó꞉kense nék khók nohnhówenhs; ne rothikháres enhatísehre tsi nenhthontáti ne rothitó꞉kense, tánon nahkonhkwetaʼshón꞉a iáh thahóten tehathirihwáhiaks. Ók káti nenhatí꞉iere nónenh ienhónnewe tsi iehiótokte?”

Jeremiah 52:7

Ethóhʼne watsioriwénhtehne ne tsi wahtenhénroʼthe ne tekanahthanátʼthon ne kanahtoʼwáhnenh, tánon rathikwékon ne ronhterí꞉ios wahontenikonhrónhni nahonshahontèko ne kanahtowahnénhʼne. Ók kíʼ ne Babyloniaró꞉non tehotinahthánenh ne kanatowá꞉nen. Ratikwé꞉kon ne ronterí꞉ios sahatiniá꞉kenhne tsi niwashontéskwe. Thóh iahontóhetste tsi rothetáien ne rononhtí꞉io. Thóh wahontóhetste tsi natekháken ne tewashontákes, tánon sahotéko tsi nieiawé꞉non ne Jordan Ahonráhkwakon.

Acts 13:41

‘Sewatahónsatat, í꞉se ne tesewariwarítha! Kwáh sewaneráko tánon sewahiatáton! Asèken tsi nikatiéra nónwa wenniseráte neh nahóten ne iáh tahontesewéthaʼkwe, sékons ó꞉ni nónen nónkak aietʼtsinikonraientáten!’”