Jeremiah 4:31 - Ohiatonhseratokénti

³¹ Onhkatʼthónteʼne tehionsénhtos, tsi ní꞉ioht ne iónkwe ioronhiáken tsi iowirahienthásehre, tehiakohenréhtha tsi ní꞉ioht neiónkwe thontiérenhte wahowirahiéntahne. Né꞉ne Jerusalem tewahsénhthosʼkwe tsi niwathonrhióthaʼkwe, hiatehiótiathe tánon wahthónnionskwe, “Wakatrehwáhthon! Tahónne nahionkenonhwahrhiákon!”

Jeremiah 4:31 ပူးပေါင်းရင်းမြစ်များ

Genesis 27:46

Eʼthó꞉ne ne Rebekah wahonwènhahse ne Isaac, “Wakenonhwaktaní꞉tha tanon tewakhwihsenhehiá꞉tha ne tkarihón꞉nis nétho Hitró꞉non tekenón꞉kwe. Tóka ne Jacob ne ahatateniákten skaiá꞉ta ne Hitró꞉non ión꞉kwe tsi nikeniiaʼtó꞉ten kíʼ ken, sénha kíʼ ioiánere akíheie.”

Job Tánon ne Raoronhiakensera 10:1

“Wakaterihonkotá꞉ni tsi nikónnhe; kwáh ki enkátkaʼwe tsi nakerihwakathénhtshera; kwáh enkatá꞉ti tsi nihiorihwaiéntat tsi nikónnhe.

Psalms 120:5

Tsi niwahkíten ní꞉i, tsi thiwakonhontsáte í꞉ken ne Meshech nón꞉we, ne tsi ónenk thóh nónhwe nenhkiterónhtake tsi niwatoserótons ne Kedar!

Isaiah 1:15

Nó꞉nen iathenshatsá꞉nate nasaterienhnáien, kwáh kí iáh takonhiatʼkátho; iáh othènnon takarihontáko tsi níkon ahsaterénhnaien, Kwáh kí iáh takatahónsathate; ne satsanáke titkanewenhsáhere.

Isaiah 13:8

tánon kwáh tenhonthatenikonráren. Tehonawehetstánion tánon enhatironhiáken kwáh ne enhotiʼiéna; kwáh èhʼtho ní꞉ioht tsi enhatironhiáken tsi ní꞉ioht ne tiontonhwí꞉sen tsi nihioronhiáken tsi iowiraientásere. Kwáh tenhontatkatósehron tsi nithonátonhne; ne ratiʼkonsákes kwáh tsi ní꞉ioht ne iotsírote.

Isaiah 21:3

Ne káti wahón꞉ni ne tionhʼhontáke ne ionánon ne iatetsokétoʼte ahiakoiatíshonʼkwe; kanon waʼhetʼkéntshera tewatwánen, kwáh tsi ní꞉ioht ne tsiotonwísen iowiraientásere; shó꞉tsi wakeronhiáken iáh tatkwé꞉ni nahonkatʼtónhteke, shó꞉tsi wakateronhienténhni iáh tatkwéni nakatkátho.

Isaiah 26:17

Kwáh tsi níoht ne tsiothonhwísen ne iowíraien, tsi natewatsiathatahséons tánon tehiohenrétha tsi naʼtehiowehestánions nó꞉nenh ákta í꞉wes niahiohiátiʼwe, èhtho ó꞉ni ní꞉i nihionkwahiátawenhskwe Í꞉se saríhwah, Ó Saiá꞉ner;

Isaiah 42:14

Asèken karíhwes shiʼwatienawákon nakáwenk ne skénnon í꞉ken, sakʼtiwakatatón꞉nikwe tánon wakatatienawákon; ó꞉nenh kí kwáh thenwakhénrehte tsi ní꞉ioht ne iónkwe iowiraientásere, enkatonrióthaʼke tánon thenwakenakwahráhonhke.

Isaiah 6:5

Tánon waʼkí꞉ron, “Enskatateriwásthen! Wakatsiathatónhon, asèken Í꞉i ne kónkwe ne iáh tehiotkwéniens ne kerihtsakes, tánon ne skát꞉ne iakwahnákere ne iáh tehiotʼkwéniens ne ratiritsákes; eʼthóhʼsàne ne kharàke ró꞉ken ne Ronnontí꞉io í꞉ken, né꞉ne Sakoiá꞉ner ne ronterí꞉ios ratironhiakeró꞉nons!”

Jeremiah 10:19

Ne Jerusalemró꞉non wathonséntho, “Tsi nihionkwatkaréwaton! Tsi hionkwatkarewaton iáh tahonsahionkwatewirónnien. Tánon ionkwéron né kí꞉ken ahónton ne ahiakwatakátsthaʼte!

Jeremiah 13:21

Onhnahóten enshíron nónen nonhkwesónha tsi niséhron né꞉ne sahterohserahkénʼen kènʼne tánon ne waheshatiathakwení꞉iosthe? Thóh ní꞉ioht tsi ensehronhiáken tsi ní꞉ioht ne iónkwe iohwirahientáhsehre.

Jeremiah 14:18

Nónen kahentháke nienhénke, katkáhthos ne rohnónkwe rahotihierontahsóna tsi nihonwahtírhio ne tsi wahterí꞉io; nónen kanahthakónsons nienhénke, khèkens nonhkweshón꞉a athonkarhiákon rotirhiótha. Ne rothitó꞉kense; o꞉ni ne rotikháres rohtihiotáties ne rahotihioténsehra, ók iáh kíʼ tehothinikonhrahiéntas tsi nihontiérah.”

Jeremiah 15:18

Nonhtiéren tsi iehiontkhontáhkwen tsi wahkeronhiáken? Nonhtiéren tsi niwahkatkarewáhton tsi iáh testiewénhtas? Nonhtiéren tsi iáh tesehwahthewhirónnis? Né kén ísehre ne taskenikonhrhiáten tsi ní꞉ioht ne watʼnekíne wastátens tsi niwahkénnhes?”

Jeremiah 18:21

Ók nónhwa, Saiá꞉ner, ánion ne sakothiʼienokónha athonkarhiákon rotírhiot; ánion ateriʼiosehráhkon nónwe nihonníheʼie. Ánion ne iothiniátkons ionáhtons tsi iotiniákons ó꞉ni ne akotiʼienʼokónha; ánion ne ronnónhkwe kanrahtharinhétshera rohtírhiot tánon ne kén nithóhtihiónsa tsi wahterí꞉io nónhwe nihonníheʼieh.

Jeremiah 22:23

Thishaʼteráhkare tsi niʼieshaʼhiatahnónhsthaton tsi naʼtekónteres ne onenthakwéntes né thóhʼthíha ne Lebanon nónhwe; ók tsi niʼkenthenthetseroʼwáhnenh nónenh ne karonhiakénsehra tenshaʼkwáhte, ne karonhiakénsehra thóh nenhiotónhake tsi ní꞉ioht ne iónhkwe iowirahientáhsehre!

Jeremiah 30:6

Sehwáthkaf tánon sehwahnonhthonniónko! Ahakwéni kén ne rónkwe nahshakonáhkeratsʼthe nowihráha? Onhkáti niʼiohtiéren tsi khèkens ne ronnónhkwe ne rontshanáhke ratiʼnekwentháke rothiʼienahwáhkon tsi ní꞉ioht ne iónkwe iohwiraienʼthásehre? Onhnihiotsiéren tsi kwáh niaʼtehionkwétahke tsi tehiakotsʼkenné꞉nonhte?

Jeremiah 45:2

nètho Roiá꞉ner, ne sakoʼNí꞉io ne Israerʼró꞉nons, ráhwenh, “Baruch,

Jeremiah 48:41

Nahonahtowáhnenhs ó꞉ni ne tekenhstenrotáhkwen ne tekanahtaʼnákʼtons enhathiʼiéna. Ne thóh enwenhniseráhteke ne Moab ahonkwetaʼshón꞉a ne ronterí꞉ios thóh nenhotiʼterónhsehke tsi ní꞉ioht ne iónkwe ioronhiáken tsi iowirahientáhsehre.

Jeremiah 49:22

Ne tehontátʼtions ienkonhwatiatónti ne Bozrah tsi ní꞉ioht ne ákweks tehiotasenhthonhátie tsi naʼtehiotehontsakaráhwenh. Ne eh enwenhniseráhteke ne Edom ahonkwetaʼshón꞉a ne ronterí꞉ios kwáh eh nenhotiʼterónhsehke tsi ní꞉ioht ne iónhkwe ioronhiáken tsi iowirahientásehre.”

Jeremiah 49:24

Nonhkweshón꞉a ne Damascus nónhwe rothitsihióʼa tánon kateronhtsherákon tsi wahontèko. Roʼthironhiáken tánon ronhnonhnákʼsen tsi ní꞉ioht ne iónhkwe iowirahienthá꞉sehre.

Jeremiah 50:43

Ne Ronhnonhtí꞉io ne Babylon nónhwe wahaiéna noríhwa tsi nòkwah ne tehontátʼtions, tánon wahotsihióhaʼne tsi nahóteronhne. Kahteronhkwáhtshera tánon karonhiakénsehra wahotsakénsehrahkwe, tsi ní꞉ioht ne nónenh ne iónhkwe iowirahientáhsehre.

Jeremiah 6:2

Tsi nikanahtí꞉io ne Zion, ók kíʼ enkariwahthónton.

Lamentations 1:17

“Hiatewakátiate, nók iáh ónka thahiontsniénon. Ne Roiá꞉ner iasakónonke ne iónkswens kwáh tsík nonwéson nontahón꞉ne; Thóh non tahióntʼtate tsi ní꞉ioht ne kwáh tehiótion.

Lamentations 1:20

“Satkátho, O Saiá꞉ner, tsi niwakeronhiáken, tsi niʼiokarárens nakwathónnhes! Tewakeriasaríʼon tsi niwakenikonráksens nakeriwaneraháktseras. Sakonasétas ne tsi tekanatokenhátons; iahióhe nòn꞉ne kanonskónsons thóh ronnihéions.

Lamentations 2:21

Nithontihiónsas óni ne rothitsténhas kwáh satèhiot tsi tekaiatotáron rhonenhéion ne kanatakésons, Nithotihiónsas ó꞉ni ne konʼnónkwe, neh tehontátswens ahsarekówa ronásthon tsi ronwanaséthon. Wasehiawéntho kwáh iáh kanèka nataniténron ne wenniserátekwe tsi nisanakwénhenʼne.

Hosea 13:13

Ne tehowehesthánion ne sarenhnakerá꞉te sahohiató꞉renhne, ók iáh kí tehatenikonraʼthókha ranekénteron; asè꞉ken ne tkarihwaié꞉ri tsi nikahá꞉wi iáh tehathatenéstha ne tsi kasakáronte ne watewiraráhkwa.

Micah 4:10

Kwáh saronhiakénhak tánon shonhséhnak, O akoién꞉ha Zion, kwáh tsi ní꞉ioht ne iónkwe ioronhiá꞉ke tsi iowiraientásere asè꞉ken ó꞉nenh kwáh ienshiákenʼne ne kanatowanénhke kahentà꞉ke nienhénse; ní꞉se kwáh tsi nió꞉re Babylon nienhéseh. Thóh nón꞉we ne Roiá꞉ner nenhshiaiatáko thensehsakoshotarísi ne ieshá꞉sons.

Micah 4:9

Nón꞉wa onhnontié꞉ren tsi nisawénhte tsi teshasénhtos? Iáh ken ne ronnontí꞉io tehèn꞉teron ne shonhà꞉ke? Ne iateʼnikonrá꞉wis wahaiatháton ken, káti watisawehestá꞉nion ne wesaié꞉na tsi ní꞉ioht ne iónkwe iowiraientásehre?

Micah 7:1

Tsi nonkithenstéthen! Asè꞉ken thóh nontiatá꞉wen tsi ní꞉ioht ne ónhkak, nó꞉nen iotkenhnohétston ne kahikshón꞉as akwé꞉kon wahiákwen, nó꞉nen nonénhare akwé꞉kon tkaró꞉ron, iáh teshatitsénries nahiorhiokwentónhnionke nahón꞉neke; ne tsi kónhne ne tiotierénhton ahiohiá꞉rihke ne tionionwarontonhakó꞉wa ne ne kahianónwaks.

Matthew 21:5

Ietsirori ne Sion-ronon Seȣenron: Onen tare ne Ianontiio ȣatonsere Kenseri tahose.

1 Corinthians 9:16

Iáh tewahtianerenseráien ne takatatherénsaron tsoríwa tsi kateriwahnótʼtha ne kariwí꞉ios. Asèhken, hionkenáhon né nátiereh. Tánon tsi nikariwáksen nahkeriwáhke ne iáh tahkateriwahnóten ne kariwí꞉ios!

1 Thessalonians 5:3

Nónen nónkwe enhiaiéron, “Oriwahkwékon sakʼtíken ó꞉ni skénʼnonk tíken,” káti tontaiawénstsi kariwaiesátshera enhotiʼiénte! Kwáh thóh ní꞉ioht tsi énwahwe tsi ní꞉ioht nónen tehiowehétstha ne iónkwe nónen iowirahientásere, tánon iáh tahonsaieniáken꞉ne nonkwesónha.