Jeremiah 4:29 - Ohiatonhseratokénti

²⁹ Tsi tahkaronkwástharen ne ronterí꞉ios ne koshátens róntstha tánon ne ronhanénhaʼwe kwáh onhkwetahkwékon enhiontèkho. Ótsiake karáhkon nienʼietátʼkhe; ótsiake ostenrahké iehierátʼten. Kwáh tsi niaʼtekanáhthake tsi onahtóskonh enwáhton, tánon kwáh iáh ónhka nonhwénhton shé꞉kon éhtho tahonsahienáhkerahke.

Jeremiah 4:29 ပူးပေါင်းရင်းမြစ်များ

2 Chronicles 33:11

Sók kíʼ ne Roiá꞉ner waʼsakoríhon ne ratisenhnowánens ne Assyriaró꞉nons ronhterí꞉ios niashakotinenhrénhten ne Judah. Wahonwaiéna ne Manasseh, tánon waʼthonwaʼnionshó꞉heste tsi wahatiʼkakwenhtanihiónhten, tánon waʼhonwaronhkwahsánerenhke, tánon Babylon niahonwaiaténhaʼwe.

Isaiah 30:17

Énska tewenhniawehetsheráhsen nihionkwétake enhiontèko né꞉ne saiáta khók asakoterónhkwen, nahatíʼteronhkwe ne wísk niháti kwáh kíʼ ensewatèko, tsi nió꞉re í꞉sek khók iatetshiʼsathaténron kwáh tsi ní꞉ioht ne wateniataroharákwah ne kaniakarakénhiaʼte ne onotoharakénhiaʼte, kwáh tsi ní꞉ioht ne kaswenhkaró꞉hare tsi ionhniáheʼre.

Isaiah 6:12

tsi nió꞉re ne Roiá꞉ner iensakoténiete onhkwetakwékon ne kwáh ahí꞉non nió꞉re, tánon tsi niwatenatowánen iáh ónhka tetsenákere ne kwáh satehiohontsíhen nón꞉we.

Jeremiah 16:16

Ne Roiá꞉ner ráton, “Iakhehiateniéthaʼne kwáh ronatiokowáhnen ne ronrhiokawínes nahonthahónʼne tánon ashakotiʼiéna kíʼ onhkweshón꞉a. Ethónʼne kwáh ronatiokowáhnenh rontó꞉rats ienkhehiaténieʼte nahonwahnató꞉rahte kwáh tsi niaʼtehionónhtake ó꞉ni ne tsi hionniarónnion ó꞉ni tsi ionsonwéhnions ne ostenráhkes.

Jeremiah 4:7

Tsi ní꞉ioht ne kénreks tsi nonhtahiaweʼnonhátie tsi nónhwe niwahthasehthákwa, ne shakorihwahthóntha nonhkweshón꞉ʼa wahahiákenʼne. Táhreh nahathónthe ne Judah. Ne kanahthowáhnenhs ne Judah kwáh íken tsi enkarihwénhthonke, tánon iáh ónhka étho nónhwe tahonsahienáhkerehke.

Jeremiah 52:7

Ethóhʼne watsioriwénhtehne ne tsi wahtenhénroʼthe ne tekanahthanátʼthon ne kanahtoʼwáhnenh, tánon rathikwékon ne ronhterí꞉ios wahontenikonhrónhni nahonshahontèko ne kanahtowahnénhʼne. Ók kíʼ ne Babyloniaró꞉non tehotinahthánenh ne kanatowá꞉nen. Ratikwé꞉kon ne ronterí꞉ios sahatiniá꞉kenhne tsi niwashontéskwe. Thóh iahontóhetste tsi rothetáien ne rononhtí꞉io. Thóh wahontóhetste tsi natekháken ne tewashontákes, tánon sahotéko tsi nieiawé꞉non ne Jordan Ahonráhkwakon.

Jeremiah 6:23

Wahthonʼnékwe ne rahonahénnas ó꞉ni ne asahrekówas; rathiniakátsthe tánon iáh tehonherhiása. Thóh ní꞉ioht tsi rahthiwenhnóten tsi ní꞉ioht ne kaniatharahkhekówa nónenh tehiowerahtháse, tsi rothíseh. Ronahthateweiennenhtháhon nahonterí꞉io ne Jerusalem.”

Amos 9:1

Wahí꞉ken ne Roiá꞉ner ákta í꞉rathe ne tsi ientsienharáhkwake, tánon wahèn꞉ron: Sewaientanion ne tsi karasestánion ne eʼnékens tsi kanawaható꞉tons nononsatokentikówane tsió꞉re ne tsitkenskwáhere enwatoriáneron, tánon thóh iatewát꞉toko ratinonhtsiné꞉sons nonkweshón꞉as; tánon tsi nihá꞉ti ne iathenhonátatere kwáh kí enkenonwarià꞉kon asareʼkó꞉wa enkátsʼte; iáh ne saiá꞉ta tahatéko, iáh ne saiá꞉ta tahaniá꞉kenhne.

Luke 23:30

Ethone onen ienhiahironnion tsi ionontenion: Kaseȣatenontienent; oni tsi ionniaronnion: Takȣaiataset.

1 Samuel 13:6

Nó꞉nen ne NʼIsraerʼró꞉nons shasakotíken tsi ronanikonrokʼtáon (asèken ne ronterí꞉ios kwáh í꞉ken tsi ioní꞉ron tsi nahonterí꞉io), nonkwé꞉okon wahontashetánion tsi iostenrakarónhtons ó꞉ni tsi ioshonwéhnions tánon nostenrákes kassonhionniá꞉nions ó꞉ni ohontsokónsons tánon tsi nón꞉we nihatiʼnekará꞉kwa.