Jeremiah 4:22 - Ohiatonhseratokénti

²² Ne Roiá꞉ner ráton, “Nakonhkwethashón꞉as kwáh thoʼnahthónnokʼthe; iáh tehiontientéri. Thóh nihonnonhnótens tsi ní꞉ioht ne tehonahtenonhwahroríhthonʼte ratiksahokónhas; iáh tehotíhien nahothinikonhrahiéntahʼne. Tsi nihathiwéienhte ne kariwahétken tsi nahóntiereh, ók thóh thinórons tsi nahóntiereh ne ioiánereh.”

Jeremiah 4:22 ပူးပေါင်းရင်းမြစ်များ

Genesis 39:16

Eʼthó꞉ne ontiénawahste ne raó꞉khare tsi niió꞉re ne róhnhaʼs sá꞉rawe,

2 Samuel 13:3

Ók ne Amnon rothorosénhtakwe Jonadab ronwáiatsʼkwe, ne ne roién꞉ha ne Táwit iatatekénʼa Shimeah; tánon ne Jonadab kwáh i꞉ken tsi ratenikonratʼtòkha rónkwe.

Psalms 36:3

Nó꞉nen enhontáti akwékon tehiotsákton í꞉ken tánon kanikonhráton; iáh ó꞉nen né teshotihiótens nahó꞉ten ne tkarihwaʼiéri tánon ioiánere.

Psalms 36:4

Karihwaʼhetkénsera ratenikonhrón꞉nis tsi nikaríhwes rohthoríhsen; tsi nihatséra kwáh iáh othènen tehiohiánere, tiotʼkonhónwe né ken niehaiéra ne karihwaʼhetkénsera.

Psalms 53:4

Iáh kén tehonatʼthokhatseráien, ratikwékon né꞉ne rotihióthens ne kariwahetkénhsera, tsi niháti ne sakotiiataratsiónkwas nakonkwetashón꞉ha tsi shí꞉ken ní꞉ioht naotinatárakon, tánon iáh tiehonhwanátons ne Rawenni꞉io?

Psalms 82:5

Iáh teonatʼthokhatseráien iáh ó꞉ni teotinikonhraiéntas, thóh nón꞉we nihonathaíhtake ne iáh tetkarihwaiéri; iáh teionerákwat ne tsitʼkenskwáhere ne tsi ionwenhtsáte tsi iahówats.

Proverbs 28:5

Nón꞉kwe ne ionkweʼtáksenʼs iáh tehatiienté꞉ri nahò꞉ten nen né꞉ʼe aterihwakwarihshiónhtshera, nok nón꞉kwe ronwahsèn꞉naiens ne Roiá꞉ner kwáh tokén꞉ʼen nen né꞉ʼe rotiʼnikonhraién꞉taʼs.

Isaiah 1:3

Né tehonákares tionhnónskwahron rátsinn roienhtérih né raotshénen, ne tewahón꞉tes roteriénhtare tsi nón꞉we nihatekwahtahástha tsi nón꞉we nihonóntens ne rahiatakwení꞉io; ók né Israel iáh né tehioteriéntare, nakonkwetaʼshón꞉ʼas iáh tehotiʼnikonhraiéntas.

Isaiah 27:11

Né nó꞉nenh ne kanhá꞉hatakwení꞉io iostatʼtenhén, tekaiá꞉khons; konhnón꞉kwe entkonhne ne enkontʼtsenhonhniate. Asèken né kí ken nonkweokons né iah tehotiien nahotinikonraientane; ne neʼtho í꞉ken tsi niká꞉ien ne sakohiatison iah tahontahó꞉tenonwák꞉then, né sakohiatonhnianion kwáh iah thá꞉sakawehnesthen natatithenhron.

Jeremiah 10:8

Ratiʼkwékon tohʼnathónnokʼte ó꞉ni tehonatenonhwaroʼróhthonʼte. Onhnahó꞉ten ahathiwehientétahʼne ne óiente kahiatónnis nonʼnahontáh꞉we?

Jeremiah 13:23

Ahiekwéni onhtèken ne onhkweshón꞉a tahietéhni tsi nihionsohkóten ne akonhéhont, tó꞉ka ó꞉ni ne tahkoskóhwa ne iohrahkwahrónnions ahonthónthe tsi iohrahkwahrónnions? Tó꞉ka ahiekwéni, í꞉seh ne nék khók sehwahiote ne kariwahétken ahónton nahisehwahweientéthaʼne né sehwahióten ne tkarihwahiéri.

Jeremiah 2:8

Ne rohkháres iáh othènenh tehoriwahnónhton, ‘Kahnónhwe níhres ne Roiá꞉ner?’ Ne kwáh Í꞉ih akonhkwéta ne rohkháres iáh tehatientéri; Ne ratiʼkoráhsons iáh tehionkewenhnahráhkwen; ne rohtitokénhse Baal rahosénnhakon tsi wahontháti tánon wahkonhwahsénnahien ne iáh othènenh tekariwástha kahiatónni.

Jeremiah 4:21

Tohʼnikaríwes tentʼkánerahke ne watherihioserowáhnen tánon wakatʼthónte tehiothónhare ne iehonrahwátstha?

Jeremiah 5:21

Sehwatennikonhráhren, í꞉se ne tesehwatenonhwaroríhtonʼte ó꞉ni thisehwathónnokʼte tiónkwe, ne sehwáhken, ók iáh tesehwahkwénies nahisehwatʼkátho tánon tesehwahonthakáronte, ók iáh tesehwahkwénies nahisehwatʼthónteʼne.

Jeremiah 5:4

Eʼthóhʼne wahkanonhthónnionwe, “Kí꞉ken nek khók ne tehonthonnakárhias tánon ne iáh tehonahtheriénthare. Ononhwahroríhta íken; iáh tehonahtheriénthare tsi niharihwanónhtons ne Ní꞉io, tsi natehothonwenhtioni ne Roiá꞉ner tsi nahóntiereh.

Jeremiah 9:2

Kaskáneks nahonkenaktaiénthake tsi nónhwe naketerónthake ne kahenthakeʼkówa tsi nónhwe nahónton ne akhehiatékwahse nakonhkwetahshón꞉ha. Kwáh rathikwékon tsi iáh tehothiriwahthóhken, ne ne kentiókwah ne sahkonahtennínons.

Jeremiah 9:3

Kwáh tsiókonhte tsi ronahthateweiennenhtáhon nahonnhówenhte; kanikonhráhton tsi ní꞉ioht ne kariwahkwarishión꞉tshera né wahsáhrihʼne tsi ionwenhtsiáte. Ne Roiá꞉ner ráton, “Nakonhkwetashón꞉a kwáh tiehothithakwahrishiáton kén niehathihiéra ne kariwahétken tánon iáh tehionkeriwahniráthi tsi Í꞉i ne rahotiʼNí꞉io.”

Jeremiah 9:5

Kwáh rathikwékonh sahkonatʼthaharahkwátha ne rontenroshon꞉a, tánon iáh ne skahiáta tewatʼró꞉ris noriwí꞉io; ronahthaʼterennahténni ne ronnahsáhke nahonnhówenhthe tánon iáh tehontsiakwahríshions ne raothiriwahneraháktshera. Tiehothithakwahrishiáton ne iáh tetkariwahiéri, tánon ekʼniehéions hioʼnonhtherahtséthaʼne ne kanikonhráhton. Ne Roiá꞉ner ráton nètho rahonkwetahshón꞉a wahonwahkénron.

Ezekiel 16:30

Kén kíʼ nahó꞉ten ne Ronhnontí꞉io Roiá꞉ner ratónhnions: “Akwékonh kí꞉ken étho nishaiéren tsi ní꞉ioht ne iáh tehiotehensehráien ioriwahiathatónhon.

Hosea 4:1

Sewathóntet ne raowennaó꞉kons ne Roiá꞉ner, O tiónkwe Nisraeró꞉nonke; asèken ne Roiá꞉ner sakoriwaros ne ratinakere tsi ionwentsaien. Ne thóh nón꞉we iáh teká꞉ien ne tewetákwen iáh ò꞉ni naioriwatokenhake, iáh oni ne raʼtokhatsera ne Ní꞉io.

Hosea 4:6

Nakonkweʼtashón꞉as wahonwanátonte ne tsi iáh tsiatekaié꞉ri tsi nihonaterienʼtá꞉rakwe; ne aorì꞉wa ne tsi wesewakénron ne attokhátsera, wakonkénron kí ò꞉ni ní꞉se tsi iáh attsihénstatsi thasá꞉ton. Tiorì꞉wa tsi saʼnikonrénhen ne raoianerénhseras ne Rawenni꞉io, kwáh kí ó꞉ni ní꞉i enkheiatanikónhren ne seioʼokónha.

Hosea 5:4

Tsi nihatiweienó꞉tens iáh tehotihianerenhserá꞉ien niahonsahónhne raohénton ne raotiní꞉io. Asè꞉ken naonikónhra ne kanakwaieshátshera rononhà꞉ke ká꞉ien, tánon iáh tehonwaienté꞉ri ne Roiá꞉ner.

Amos 3:10

Iáh tehonaterién꞉tare oh ní꞉ioht tsi ahotiriwatokénhake, rá꞉ton ne Roiá꞉ner, tsi niiá꞉kon ne ne iakoteweienʼtónties ne kaianerenhseráksens tánon kanenhskwáhtsera ne raotinonhskónhsons.

Micah 2:1

Kwáh í꞉ken tsi ionikonráksat tsi nihiá꞉kon ionteʼnikonrón꞉nis ne kariwahneraháktshera tánon ne kariwahetkénhsera ne rotiiò꞉tens ne rahotináktakes! Nó꞉nen ienhiórenhne, thóh nenhatí꞉iere, tiorì꞉wa tsi ronónha ratishatstenhserénhawe.

Micah 7:3

Ne ronhtsánakes ne iorenhnàhon ne wahétken tsi nahóntiere; ne ronaterihón꞉tons tánon ne ratirihwénhthas ratirihwanón꞉tons ne khahó꞉tenk ahonwatikáriakse, tánon ne thonatsénhnates ronónha rontá꞉tis nahotkaronhniátshera ne raonatónhnhets; káti tehatisehrí꞉ies ne kaiáneren.

Luke 16:8

Nok ne Rostsokoȣa, ȣathorensaron ne raonnhatsera iah tehoriȣatoken, neh tsi nihaȣeiente tsi nahaiere, aseken nonȣentsiakekha akoienhokonha senha iontatenikonrare tsinikariȣes iakonnhetie, tsiniiot ne kasȣathetsera akoienhokonha.

John 16:3

Neh ȣaonni eh nenhietsiierase ne tsi iah teionkhiienterhaon ne Rakeniha, iah oni nii.

Romans 1:22

Ronthon rontʼthókas, nók kíʼ thoʼnathónʼnhokʼte;

Romans 1:28

Nonkwesónha tsi ratiriwásons nahonʼnonthónnionwe ne kwáh thokénʼen ahonwanikonraiéntaʼne ne Rawenni꞉io. Tóh nòkwa iesakotʼkáwen tsi nòkwa neh rathinikonrahétkens, neh tsi éhʼtho nihathiʼiéra tsi nahoténsons neh iáh tatehiotonwentióhon neh nahathiʼiéreh.

Romans 16:19

Akwékon iakoriwarónken tsi nisewariwatóken tsi nòkwa ne oriwatokénti, neh kíʼ karihónnis tsi niwakatʼtsennónni níse sewariwáke, tewakatonwentió꞉ni naihsewanikonrowanénhake tsi nòkwati ne ioʼiánere, nók tóhsa tesewawénrie ne wahétken.

Romans 3:11

iáh ónhka teiakonikonraiéntas, ónhka ó꞉ni ronwasénʼnaiens ne Rawenni꞉io.

1 Corinthians 14:20

Tóhsa iekʼshahnéha tsi ní꞉ioht tsi sewahnonthonniónhek, tewatenroʼshónʼa; tesewahtetʼshathóntat tsi nióre ne kariwáhneren tsi ahonnontonniónheke, ónk sewahthonkwetisonhónhak tsi ní꞉ioht tsi sewahnonthónnions.

Deuteronomy 32:28

“Mahís wahèn꞉ron nʼIsraerʼronónke ne nonkweshón꞉a ne iáh tsiatehonhnonthón꞉nions; kwáh iáh thahó꞉ten ne thé꞉nen ahonteʼnikonhraʼthó꞉khake.

Deuteronomy 32:6

Thóh ken ki ní꞉ioht tsi natsisewatié꞉raʼse ne Roiá꞉ner, tisewathonhnókthe, iáh tesewatotkhatsherá꞉ien? Raónha tsisewaní꞉ha í꞉ken, tsi sewahiatí꞉son, raónha tsi sewenhtiokonhnién꞉ni.