Jeremiah 39:8 - Ohiatonhseratokénti

⁸ Tsi nikaríwes, ne Babyloniaró꞉nons wahontenonhkwaʼtekthánion ne tsi rohnónhsohte ne ronnonhtí꞉io ó꞉ni tsi rohthinonhsóhtons nonhkweshón꞉ʼa tánon wahthonshontharihthánion ne tsi tekahnahthatátʼthonkwe ne Jerusalem.

Jeremiah 39:8 ပူးပေါင်းရင်းမြစ်များ

2 Kings 25:8

Né tsatákaton niwenhniserakéhaton ne wískʼkhaton siʼwenhnitakéhaton né tiotón꞉haton siʼioseráteʼkwe siʼhonontí꞉ioʼkwe ne Nebuchadnezzar né Babylonia nón꞉we, né Nebuzaradan, rahón꞉ha ne ronnontí꞉io rotenikonráhwiskwe tánon rahón꞉a ne rahsennówanenhne kènʼne tsi nòkwah ne ronterí꞉ioskwe kentsókwah, iahatinátaraʼne Jerusalem.

2 Chronicles 36:19

Wahatenonkwénhtaʼwe Nononsatokentiʼkó꞉wa tánon ne kanatowanénhke, akwé꞉kon ne kanontiʼiótshera tsi kanonshó꞉ton ó꞉ni nahokwahséhtshera, tánon waʼthasonhtarihthánion ne tsi tewaʼsonthothaʼkwe ne kanatowanénhke.

Nehemiah 1:3

Tánon wahonkénhase, “Tsi nihá꞉ti ne ieteshonathaténron tsi ronwatiiatinekénhen tánon thóh ratì꞉teron ne tsi kanakerahserá꞉ien ne ne kowá꞉nen tsi watkanikónraren tánon atehénsera. Ne tsi tewashón꞉thote nosténra ne tehiokwahtaséhton ne Jerusalem ne tsi tehiorí꞉hon tánon ne tsi iotenhenrentónhnion ioté꞉ken.”

Psalms 79:7

Asèken waʼhonwatinonwaʼrhiakónhnion ne shonkwetaʼshónhas waʼhatirihwéntʼtho ne sanakerásehra.

Isaiah 5:9

Ne Sakoiá꞉ner ne ronterí꞉ios ratironhiakerónons kwáh rorihwaniráton tsi niwakathontéhon: Oriwiʼiohónwe tsi wé꞉so kanonsake tsi enkarihwéntʼtonhke, kanonsowánens tánon kanonsí꞉ios, iáh ónka tahonsaieterónhtake.

Jeremiah 17:27

Ók ónenk tsi enhionkewénhnarahkwe tánon enhatikwéniensʼte ne tsatákhaton nónhta ne tsi iawenhthatokénti. Kwáh iáh tehiówenhk ne thènenh ahathikaréni ne iorhiénatsthe ne tahonnhóhetsthe tsi iotenhenrahkáronthe ne Jerusalem né nenhwenhniseráhteke, asèken tó꞉ka éhtho nenhatíhiere, kwáh enkahté꞉kaʼthe ne tsi iotenhenrénton ne Jerusalem. Enwahtenonhkwentsahatónhake tsi rotinonhsóhtons ne rontinonhtí꞉ios ne Jerusalem, tánon kwáh iáh ónhka thahiekwéni nahiónswahthe.”

Jeremiah 21:10

Iáh tewahkeriwahiéntahse ne tó꞉sa akenónhsthaʼte kíʼ kénʼen kanatowáhnenh, ók ne nakáthonte. Ók ne ne Babylonia rononhtí꞉io tentʼthónnion, tánon okenráhke enrónni tsi enhatenaténtahwe. Í꞉i, ne Watiá꞉ner, wakatáti.”

Jeremiah 32:29

tánon enhatitsiró꞉ten. Kwáh enhontenonhkwahtette, tienwahkwekónhaʼke ne tsi kanonhsóhtons tsi nónhwe nonhkweshón꞉a nihionkenahkonhníhon tsi wahkonwaʼtienkwahronniáten ne Baal ne karonkwenahkésons ó꞉ni tsi tahathinekáhwehron notsítsa tsi wahonwahtítatʼtse nohiáson niʼiohokónhas.

Jeremiah 34:2

Ne Roiá꞉ner, ne shakoʼNí꞉io ne Israel, wahakró꞉ri ne iáke tánon nahiʼiénhaʼse ne Ronnonhtí꞉io Zedekiah ne Judah nónhwe, “Í꞉i, ne Watiá꞉ner, enhítatʼtse kí꞉ken kanatowáhnen ne Ronnonhtí꞉io ne Babylonia, tánon enhatenahténthaʼwe.

Jeremiah 34:22

Í꞉i enkaténnhaʼne, tánon tentʼthónʼne ne kénʼen kanatowáhnenh. Ienkonhwahtiatónti, enkonhwahiéna, tánon enhontenonhkwéntahwe. Ne enkónhniaʼthe ne tsi kanathaiéntons ne Judah tsi ní꞉ioht ne iahonwenhtsatʼténhhake tsi nónhwe ne iáh ónhka teienáhkere. Í꞉ih, ne Watiá꞉ner, wakatáti.”

Jeremiah 37:10

Shé꞉kon ó꞉ni ne aietʼtsisénhni ne kahnenhrahkwéhkon ne Babyloniaró꞉nons ronterí꞉ios, ók káti nek khók iathahonshaʼhonahthaténronhke ne rohtiʼkarewáhthon, rahonahthosehráhkonh rahtiʼhiationhnítie, kwáh káti shé꞉konh tenhshaʼtítahne tánon okenhráhke enhonhnónhni tsi nenhonthenahténthaʼwe kí꞉ken kanahtowáhnenh.”

Jeremiah 38:18

Ók tó꞉ka iáh thashaʼtiakwahríshi, ethóhʼne kíʼ kí꞉ken kanatowánen Babyloniaró꞉non entʼthonhwénhnon, rohnónha enhonthenenhténhthaʼwe, tánon iáh thasehiatéʼkwahse.”

Jeremiah 5:10

Ienkhehiaténieʼte ne tehontátʼtions nahatíhiake nahkonhkwetahsón꞉a rothinenharahientʼthósehron, ók iáh kíʼ tiahathikónhtahkwe nakonwahnáhthonte. Enkheró꞉ri nahathinahtoskarónko, tsioríwa thíken onahtehsonʼa tsi iáh i꞉ih tewahkáwenk.

Jeremiah 7:20

Ne káti, Í꞉i, ne Wakenonhtí꞉io Watiá꞉ner, kwáh entʼkáweron nahkenahkwatsherowahnhátshera ne kénʼen Ononhsatokentiʼkówaʼne. Kwáh enthekhehiawerónhase nonhkweshón꞉a tánon kwáh sahtenhiothónhake ne konhtiʼtshénenhs, iekaníhare ó꞉ni ne tsi iorontó꞉tons tánon ne kaienthóhtsheras. Nakenahkwátshera thóh nenhióthon tsi ní꞉ioht nótsire iáh ónhka tahkakwéni nahónswahthe.

Lamentations 1:10

Ne tehontátʼtions akwékon wakonwanénsko nahotiokowatiéras. Waʼakoken iáh hontaweiáhte nononsatokentikowáhne tsi nón꞉we ne Roiá꞉ner roriwáston ne iáh tehatisitaehró꞉nons iahontáweiate.

Lamentations 2:2

Kwáh iáh kanèka ne kenténron tsi ní꞉ioht tsi wahariwentʼthóseron tsi kanataiénton ne Roiá꞉ner thòhnon ne Judah. Waharishiónko ne wahenrótaʼkwe neh kanikonráhrakwe nohóntsia. Wahsakothéhate tsi kanakeraserakéron tánon ne rathikorásons.

Lamentations 2:7

Ne Roiá꞉ner wahakénron neh rahówenk ientsenharákwa ó꞉ni ahéren wárehte ne Rahononsatoʼkentíke; Wahsakoríhon ne tehontátswens nahathirísi noshontasónhas. Wahthotihénrete natesenniétsera tsi nónwe nihiakwaterénnaienskwe ne sihionkwatʼtsennónni.

Ezekiel 16:41

Kwáh enhontenonhkwénthawe ne tsi sanónhsohthe tánon kwáh ionahtiokowáhnen ne konhnónhkwe enkhontkátho ne sharehwahtátshera. Tenhkóntasthe tsi sariwahiathathónhon tánon tenkhóntasthe tsi nisehʼhiawíhons ne saskarehókonhs.

Ezekiel 23:47

Ietʼtsiríhon ne kentsiokwáksen nakonwatinenhióhiake tánon asarekówah rontʼtháwa tsi ienkonhwanatsiathónti, sakotinonhwarhiakónhnion ne akothihiohokónha, tánon rontenonhkwénhtaf tsi rothinonhsóh꞉ton.

Ezekiel 33:21

Ne wískhaton shiwenhnisehrahkéhaton né꞉ne oieríhaton shiwenhnítare né꞉ne tékeni-iawénhre shiʼiosehrahkéhaton sihionkhinakerahkwáhton, ónhkak Jerusalem thontahieniákenhʼne wáhonhwe wahonkró꞉ri ne kanatowáhnen takaiátenhne.

Amos 2:5

Katíʼ kwáh ó꞉tsire ienkatenniéhten ne Judah, tánon ne enwatshaʼáhte ne tsi watenʼenhró꞉tons ne tekanatahnáktonʼs ne Jerusalem.

Micah 3:12

É꞉tho káti í꞉se sarì꞉wa ne Zion kwáh tsi ní꞉ioht ne kahentà꞉ke tsi enhathitarakarát꞉tho; né Jerusalem né꞉ne ienhwá꞉ton enhiontohiótane ononhwénhsera, tánon Nononsatokentikó꞉wane karakonʼkó꞉wa enwá꞉ton.