Jeremiah 39:4 - Ohiatonhseratokénti

⁴ Nónenh ne Ronhnontí꞉io Zedekiah ó꞉ni rahtiʼkwékon ne ronhterí꞉ios rahonkwetaʼshón꞉a wahontkátho tsi nihiawénhserons, wahonteniénten ne ahontèhko ne kanatowahnènhne tsi niwahsóntes. Ne ne kanonhtiʼiósera ahohéthakonh nónhwe nahonthóhetste, iathonnhótkaʼwe ne tsi iohtenhenrahkáhronthe ne tékeni tewahsonhthasónhtere, tánon thóh nónhwe nahathiniákenhne tsi nieʼiahwéhnonh ne Jordan ahonráhkwahkon.

Jeremiah 39:4 ပူးပေါင်းရင်းမြစ်များ

2 Chronicles 32:5

Né ronnontí꞉io Hezekiah sén꞉ha isiʼnónhwe tsi nonhsahatateshastsʼténhseron tsi nihohénroʼte tsi sahakwahtaʼkwenháton ne tsi tekenstenhró꞉tes watenhénhraiens, thóh ostenhrá꞉kes wahatenikatonhniánions; tánon aktónhtie tsi watenhénhraien shé꞉kon ó꞉ia sahatenhenrónhni: tánon iahawénhthate, tánon sahakwahthakwahniónhko tsi watenhénraiens ne tsi ionhontsáien né kananóntʼtons ne tsitʼkarahkwínekens nòkwahti ne atenatakáhionhke ne Jerusalem. Tánon iawetatʼtsáni né kaiénhkweris ó꞉ni ne tehioniatasthákwah waronhniánion.

Isaiah 22:11

Wasónhni ne watnekaráhkwa tsi natetsatahshontátere ne tewahsónhtake ne nahonèka nonawerakáion. Ók iáh tsetsiatkáthon tsi nikáien néh nihoiéren, khéhs natskweniénstonke tsi rahónha rontenikonrónhni ne waʼhónhnis tkènhne.

Isaiah 22:3

Né iasakoráh꞉shons ratiʼkwé꞉kon skát꞉ne tsi ronahtékwen; tsi wahonwatiʼiéna iáh tehonátsʼton nahénna. Sewakwékon ne wahitsihiatatʼtsénhri wahetsiʼiéna, iawerohátien thóh nió꞉re ahí꞉nonh nió꞉re iahonahtékwen.

Isaiah 29:2

Kwáh kíʼ ó꞉ni tenhiʼhianikonrhiák꞉then ne Ariel, tánon thóh kí nónwe enhiakahonseniánion tánon enhiakonikonraksénhsheron, tánon ne Jerusalem nakonhá꞉ke kwáh thóh nenhiohiátawen tsi ní꞉ioht ne Ariel.

Jeremiah 32:4

tánon ne ronnonhtí꞉io Zedekiah iáh kíʼ thashaʼkoniákenʼse ne Chaldeans. Ók kwáh ki oriwiiohónwe tsi ienhonwahtsakwahríshi tsi nòkwah ne Babylonia ronnonhtí꞉io; kwáh tenhiatatkonhsahʼkaneráhke ne tsi ionthatenhotónkwah nónhwe nahtennitháren.

Jeremiah 32:5

Ne Zedekiah Babylonia nónhwe nienhonwahiaténhaʼwe, tánon thóh nónhwe ienhentherónthaʼke tsi nióre kén nienhíhiere. Shé꞉kon ó꞉ni nahonterí꞉io ne Chaldeans iáh kíʼ tahotherihwahténtsiaʼse, Í꞉I, ne Watiá꞉ner, wakatáti.”

Ezekiel 12:12

Ne rononhtí꞉io ne tesakoniaró꞉taronh kwáh enhatnenhshá꞉renh ne rahóiare ne tsi tetiókaras enhaniákenhne thóh enható꞉hetste ne ronhwashontaʼkarónhtani. Kwáh tenhatkaráhsehte tánon iáh tahatkáto tsi niahawenonhátie.

Ezekiel 12:4

Tsík sénha shé꞉kon teioswátʼthe, satʼrieʼnónhni nasenhnakeráhko, ne káti nahónton nahieshá꞉ken, tánon ethòne sehríhon nahieshateróhroke wahshaténhti nokarasné꞉ha tsi shí꞉ken ní꞉ioht wahsenhnakeráhko.

Leviticus 26:17

Kwáh kíʼ enkonhiatʼkónhten, né nahónton ne kwáh ahieshassénhni, tánon tsi nikáien ne sèhsons kwáh kíʼ enhiesatkórasʼthe; thoʼnióre tsi enshaterónhsehke kwáh kíʼ enshaʼtekwenhá꞉tie nó꞉nen iáh ónhka tehieshá꞉sehre.

Leviticus 26:36

“Kwáh ne entsiónhnien tsi nítsion ne ietsinakerakwáhton thóh nióre tsi ensewaterónhseke nék nahionerathákare ne tsi ioweráre kwáh ensónhnien nashatèko. Kwáh enshatèko tsi shí꞉ken ní꞉ioht ne tsi wateríhio shaʼtekwenhátie, tánon kwáh enshiatiénenhne iawerohátsien tsi iáh ónhka tehieshá꞉sere.

Amos 2:14

Shé꞉kon ne kwáh tehotí꞉kaʼs iáh kí thahatiʼniá꞉kenʼne, tánon ne ratiʼshátsteʼs kwáh kíʼ enhonteʼshatstenhseró꞉kten, iáh ó꞉ni ne ronterí꞉ios thahatikwé꞉ni nahontatenónhstate;

Deuteronomy 28:25

“Ne Roiá꞉ner kwáh enteshaká꞉wen ne ieshá꞉sons naiesashén꞉ni. Énska tsi nenhteshiérate tsi iensehiatiaʼtón꞉ti ók ó꞉ia natenhteshiérate tsi ensehsatéko, ók kwáh tsík nenhteshierathánion tsi ensehiatekwenhátonhse, tánon akahontsakwé꞉kon enhiakoteronhiénten nó꞉nen enhiontkátho tsi nesahiathákwen.