Jeremiah 39:18 - Ohiatonhseratokénti

¹⁸ Í꞉i enkhonhnikonráhrahke, tánon iáh thahieshaʼnonhwahrhiákhon. Ne tsi sónnhe ensehniákenhthe tioríwa tsi í꞉i thakeniahésenhne. Í꞉i, ne Watiá꞉ner, wakahtháti.”

Jeremiah 39:18 ပူးပေါင်းရင်းမြစ်များ

1 Chronicles 5:20

Thóh nón꞉we nahatiʼniáheʼse rahonháke ne Rawenni꞉io tánon rahonháke nónh nahonterénhnaien nasakoiénawaʼse, tánon ne Rawenni꞉io watarihwaseráko ne raonaterénhnaient tánon washakosniénon tsi wahonwatisénhni ne Hagrites ó꞉ni ne thonatenhró꞉honhne.

Job Tánon ne Raoronhiakensera 5:20

Iekaní꞉hare tsi nokwáh natonhkarià꞉kon tsi enshiaiatá꞉ko ne kenhé꞉iatne, tánon nó꞉nen waterí꞉io tsi nokwáh naoshatsténhsera nasareʼkó꞉wa.

Psalms 147:11

ók kí ne Roiá꞉ner ne rawerientiʼióstha tsi niʼiákon ronwatsánis, rononháke tsi niháti thóh nón꞉we nihotiráhre ne iorihwató꞉ken raonoronhkwáhtshera.

Psalms 2:12

Tsisewawénhnarak ne Rawenni꞉io roiénha, tó꞉ka iáh kwáh enhianákwahse tanon ne tsi sathahítake atkaronhniátshera ne í꞉ken asèken ne raonakwáhtshera kwáh thenwatʼtsiró꞉ko. Iakotaskáts tsi nihiákon rahonháke nón꞉we nihiontekwáhsens.

Psalms 33:18

Orihwiʼiohónwe ne Roiá꞉ner ne sakonikónhrahre tsi nihiákon ne ronhwakweniénstha, né꞉ne tsi nihiákon thóh nón꞉we nihiakorahratseráien ne iorihwató꞉ken raonoronhkwáhtshera,

Psalms 34:22

Né Roiá꞉ner sahniakéntha ne tsi ronhnón꞉nhe ne raonhatserashónha; kwáh iáh ónhka tsi niiákon ne rahonháke nón꞉we nihiakoniahesáhon iáh kíʼ taʼhiontréwaʼte.

Psalms 37:3

Tatʼtsetakwénhak ne Roiá꞉ner tánon kaiotensherí꞉io tsi shaióthen; tánon éhʼtho ensehnákereʼke ne tsi ionwentsáte tánon kwáh skénhnonk thenkénhake.

Psalms 84:12

Ó Saiá꞉ner Sashaststenhserowánen, tsi niʼiakoktsenhnónhni tsi niʼiákon ní꞉se tiesehtákwen.

Psalms 91:7

Tewenhniawehetʼtserásen niháti tiatákʼta ahatihiatiénenhne, oiéri tewennhniawehetʼserásen niháti taiesahonwaʼrónhni iáh kíʼ taiesakaréwaʼte.

Isaiah 26:3

Tsi nihiákon ne rotiʼnikonrató꞉ken seiatienawast ne skénnon í꞉ken— né꞉ne skénnon tsioríhwa tsi tsesehtákwen.

Jeremiah 21:9

Ónhka ne tsi kanatowáhnenh nónh nenhʼietehrónthake kwáh ateriʼiosehráhke tsi enhiontaʼtenonhwahrhiákon khés ne athonkarhiákon khés ne kahnrahtarinhétshera. Ók ónhka ne ienhiehiákenʼne tánon ahiontsiakwahríshi tsi nòkwah ne Babylonia, tsi nikáien ne ónen iekonhwahtsathóntion ne kanatowáhnen, kwáh iáh tahionthaʼtenonhwahrhiákon; ók iekénhak enhieniákenʼthe tsi iakónhnhe.

Jeremiah 38:2

ne Roiá꞉ner naháwenhke, “Ónhka ne tsi kanatowáhnen enhieterónthake aterihiósehra tó꞉ka ó꞉ni athonkarhiákon tó꞉ka ó꞉ni kannrhatharinéhtshera enhiakohrhóh꞉the. Ók nónhka ne ienhiehiákenʼne nahonwaʼnhatiaʼkwahríshiaʼse ne Babyloniaró꞉nons kwáh iáh thaʼhionthatenonhwahrhiákon; nek khók kíʼ iekhénha enhathiniákenʼthe tsi rohnónhnhe.”

Romans 2:12

Ne iáh tehatisitaerónons iáh tehatíhawe ne Mahís rahohianerénsera; rathiriwaneráhaks tánon kwáh rothiʼiatathónʼon. Ne Sitaeró꞉nons rathíhawe ne kaianerénsera; rathiriwaneráhaks nók kíʼ neh tehonwathiʼiatoretákwa ne kaianerénsera.

Ephesians 1:12

Ánionʼkiʼ, tsi í꞉i tionkwatserénton tetsitewethákwen ne Kerístos, tethewatenonweráton ne Rawenni꞉io rahohiathanerakwátsera.

1 Tiér 1:21

Rahonháke nónwe nitiawénon tsi tatsisewétakwe ne Rawenni꞉io, tsi nikáien shokétskwen ne kenheiát꞉ne tánon taháwen ne kaiatanerakwátsera; tánon káti ne sewetakwéntsera ó꞉ni ne sewaskanéktsera thóʼnon nikahkwatákwen rahonháke ne Rawenni꞉io.