Jeremiah 38:7 - Ohiatonhseratokénti

⁷ Tsi naháwenhʼne, ne Ebedmelech Ethiopianró꞉nonh rohióteʼkwe ne kanonhtiʼiotsherákon, wahothóntehʼne tsi onahwehráhkon hiehiontiaténthon. Thóh shiʼiowistáhʼehkwe ne Ronnonhtiio tsi teiehiatorehtákwah nènhʼne iéreskwe ne ne tsi iotenhenrahkáhronthe ne Benjamin ákta.

Jeremiah 38:7 ပူးပေါင်းရင်းမြစ်များ

2 Kings 24:15

Ne Nebuchadnezzar Babylonia niahoiaténhawe ne Jehoiachin né nahonóton, skát꞉ke ne ronisténha, ne ró꞉ne, ne rahonkwetaʼshón꞉ʼas, tánon ne ohénton iehonʼnétons ne Judah.

Psalms 68:31

Né otsínekwar nikaristó꞉ten Egypt nikʼká꞉ha; ánion ne Ethiopia teiosteríhen waʼnentʼtsakétsko nahonterénhnaien rahonháke ne Rawenni꞉io.

Proverbs 29:10

Nón꞉kwe ne ronteriiohseranón꞉we shakotíhswenhs nónhka iakorihwakwaríhshion, nok ne tionkweʼtaié꞉ri enhshakotiiaʼtanónhstate ne iakorihwakwaríhshion.

Isaiah 56:3

Tó꞉sa sheʼríhon ne tihononhontsáte nahonwatsathá꞉raʼse ne Roiá꞉ner tsíronh, “Né Roiá꞉ner oriwiʼiohónwe tsi thenshonkwakháʼshion kí꞉ken onhkweshónhas”; tánon tó꞉sa seríhon ne tehonwatiʼnenhiatákwen nahonhníron, “Kwáh neʼkhók ne ioronhtátʼthen tsi nitiáʼtothe.”

Jeremiah 13:23

Ahiekwéni onhtèken ne onhkweshón꞉a tahietéhni tsi nihionsohkóten ne akonhéhont, tó꞉ka ó꞉ni ne tahkoskóhwa ne iohrahkwahrónnions ahonthónthe tsi iohrahkwahrónnions? Tó꞉ka ahiekwéni, í꞉seh ne nék khók sehwahiote ne kariwahétken ahónton nahisehwahweientéthaʼne né sehwahióten ne tkarihwahiéri.

Jeremiah 20:2

wahaténnhane nahionkenonhwenhsehrárhio tánon wahtionkenéntsʼterenhke nhoronkwáhsa kanhotsioharáhke iahonkíteron ákta ne tsi tsiotenhenrahkáronte ne Benjamin ne ne ononhsatokentiʼkówahne.

Jeremiah 26:16

Ethóhʼne ne sahkotiʼhéntenʼse ó꞉ni nonhkweshón꞉a wahonwenhnénhase ne rotikháres tánon ne rotitó꞉kense, “Kí꞉ken rónkwe tsi wahsonkwahtháraʼse ne ne raosénnakon ne Roiá꞉ner onhkwahNí꞉io; iáh thaʼtehiothonhontsióhon nahonwahnonhwahrhiákon.”

Jeremiah 29:2

Thóhʼne niwakʼkhiáton ne nonahkènhke ne ronnonhtí꞉io Jehoiachin, ne ronisténha, ne kanonhthiʼiótsheras ahonkwetashón꞉as, nohénton iehonnéthon ne Judah tánon ne Jerusalem, ne tehathiristhahiátons, ó꞉ni ne iatèkon rathiʼweientheténion ne sahonwaʼwenhnakeráhkwahthe.

Jeremiah 37:13

Ók shiaʼhákehwe tsi iotenhenrahkáhronthe ne Benjamin, ne rahsenhnowáhnen ne shaʼkonikónhrahre ne ronterí꞉ios Irijah ronhwahiáts, né roʼníha ne ne Shelemiah tánon ne rohshótʼtha ne ne Hananiah, wahtátʼthaste tánon wahénron, “Sheʼhiathewenhtheʼthonhátie ne Babyloniaró꞉nons!”

Jeremiah 38:8

Sók kíʼ ne Ebedmelech thóh wáhrehthe tánon wahawénhase ne Ronnonhtí꞉io,

Amos 5:10

Ronwáhsons tsi niká꞉ien ne rátʼretsárons tsi iothenhenrakáronhte, tánon ronwáhsons tsi niká꞉ien ne rotarákwen norihwí꞉io.

Zechariah 14:10

Kwáh atenahthakwé꞉kon, tsi nió꞉re ne Geba né꞉ne othorè꞉ke ne Rimmon nieniawé꞉nonh ó꞉ni entiè꞉ne, kwáh enkahtahkwarí꞉shionke. Jerusalem ienhioniashakethótahke ne tsi ionwenhtsá꞉ien ne aktónties; ne kanatowá꞉nenh ienkanihá꞉rahne tsi nió꞉re ne Benjamin tiotenhenrénton tsi nió꞉re tsi iatekahiosáhien tiotenhenrénton, thóh nón꞉we nohén꞉ton tiotenhenrentónhakwe, tánon tsi nió꞉re tkanikáhthote ne Hananel né꞉ne thóh nón꞉we ne ronnonhtí꞉io nihanekonhniátha notsí꞉tsa.

Matthew 20:16

Etho kati oni neneh nenhiaȣenne, neh entsiehente nʼonaken iako, nok onaken entsiakaonniate ne iehentene; aseken kentiokoȣanen iontathonkaraȣi kenh ki tanon niiakonha iontatiatarakȣen.

Deuteronomy 21:19

Ne ronwaiénha ienhonwahiaʼténhawe rahotihéntons ne shakotihenténse né꞉ne tsi nón꞉we nihatinákere ne kaná꞉takon tánon ronónha enhonhiónhnien ne tahonwahiaʼtó꞉rehte.

Joshua 20:4

Enwá꞉ton ne eʼniastátke ki tsitkanatowá꞉nens, toniaháse ne tsi teiehiatorethákwa né꞉ne tsi iehionthawehiaʼthákwa ne kanatowanénhke, tánon sehnikonhraientháthen ne rotikstenhokón꞉as tsi nahá꞉wenhne. Ethò꞉ne ki eniesarí꞉hon niasatháwehiaʼte ne tsi kanatowanénhke tánon enhiesanákthon tsi nón꞉we nashiʼterónhthake, ne káti nahónton ne nón꞉we nasathatì꞉teron.