Jeremiah 38:6 - Ohiatonhseratokénti

⁶ Sók kíʼ iahontiaténhaʼwe tánon ahsehríhie wáhonsthe tsi iahontsiátenthe ne Malchiah rahonahwehráhkon, né꞉ne kanonhtiʼiotsherákon ahotenhénrahkon nónhwe nihionahwehróh꞉thaʼkwe. Iáh tekahnékhoʼkwe nonhawehráhkon, onahwástat khók íken, tánon thóh iatkóʼsehrenʼne.

Jeremiah 38:6 ပူးပေါင်းရင်းမြစ်များ

Genesis 37:24

iahonwaiaʼténhawe tánon tsi tioshonwaká꞉ronte iahonwaiaʼtón꞉ti. Ne iohontsaká꞉ronte ohshonióhskonʼk thikén꞉ne; iáh tekahné꞉kohkwe.

Psalms 109:5

Ioiánere tsi nikhehiatiéraʼse, ók né tiontkariakthénhnis ne karihwaʼhétken, khenorón꞉kwah, ók iónkshons.

Psalms 40:2

Sahatiatathatáko tsi iotʼtionwáʼien ne kenhé꞉ion, éhren sahatiatenháwite tsi nón꞉we ne ionesaronkówaks, tánon ostʼthenrakwenkaráke nón꞉we natonsahátʼtaste, tánon iahontsaníron tsi nón꞉we natonhsakatekháhaʼkwe.

Psalms 69:2

Onawatstókon iahontiathenhenhátie, tánon iáh tewáʼtons nahionhontsanirónhake kaʼnón꞉we iakeráhtaʼne; Thóh nón꞉we níkes tsi nón꞉we nihionó꞉tes, tánon ne ionontakwaronhtontses skanórons ahonkéskote.

Jeremiah 32:2

Ne thóh sontahkaháwi ne raoʼtiókwah ne ronhterí꞉ios ne ne ronnonhtí꞉io ne Babylonia iekonhwahtsatóntion ne Jerusalem, tánon ionkenhóthonʼkwe naʼtenhénrahkon ne tsi roʼnónhsohthe ne ronnonhtí꞉io.

Jeremiah 36:26

Ethóhʼne ne ronnonhtí꞉io wahónnhaʼne ne roiénha Jerahmeel, skátke ne Seraiah ne ne Azriel roiénha tanon ne Shelemiah né roʼníha ne ne Abdeel, nahiontiénah ó꞉ni ne rakhiatónnis Baruch. Ók kíʼ ne Roiá꞉ner sonkeniʼhiathashéthonʼkwe.

Jeremiah 37:16

Ne tsi kahnónhsohthe ohontsókonh kenʼníwah iohnákthaien tánon thóhʼnónhwe kwáh kahríwes nahonkeʼnhóton.

Jeremiah 37:21

Sók kíʼ ne Ronnonhtí꞉io Zedekiah wahakhónnien atenhénrahkon ne kanonhtiʼiotsherákon nónhwe nahionkheʼnhóton. Thóh ki nónhwe nahkhátien, tánon iatewenhnisehráhke kahnátaro wahonkénonhte tsi hiontenahthaʼronniátha nithatíhasʼkwe tsi nióre iahontenaʼtarókʼten ne kanatowáhnen.

Jeremiah 38:13

tánon shaʼhiontsiatitáko nhonahweráhkon. Ethóhʼne tsi tehiehiatorehtákwah atenhénrahkon nónhwe nonhshaʼkerihórhiaʼthe.

Jeremiah 38:22

Ethóh wahkhèken ne konhnónhkwe ne hiehionahtaténron ne Judah nónhwe kanonhtiʼiotsherákon tsi wahkonhwatiʼhiatínekenhwe tánon thóh niaʼkonhwahnahshá꞉rihne tsi rónhnes ne Babylonia Ronhnontí꞉io rahonkwetaʼshón꞉a. Sahthahónsahtat tsi nikonhtónnions tsi niakónhne: ‘Ne Ronhnontí꞉io ne kwáh ákta rahotenrohsehrahsónhas wahonwatʼthaharáhkwahthe, wahonwahshastsʼtensehrakénhni. Tánon ónenh onahwásthaʼke hiathahósehrenhne, ne rahoteʼrohsehrahsónhas wahonwahthewénhtehte.’”

Daniel 6:16

Sók kí ne ronnontí꞉io washakónhaʼne ne raonnhaʼtsheraʼshón꞉a, iehonwaiaʼténhawh ne Daniel tánon tsi tkontì꞉teron né kèn꞉reks iehonwaiaʼtón꞉ti. Nok wahawénhase ne Daniel, “Aiá꞉wens né Saní꞉io, tsi niká꞉ien ne tsi nisarihwató꞉ken tsi ehtíoʼténhse, ne aonsahiaʼniákenhte.”

Zechariah 9:11

Ne Roiá꞉ner ráton, “Ne aorì꞉wa ne tsi iontiateriwahserón꞉ni ne tehionehtorará꞉kon nonhekwénhsa ne karihwiiosehokón꞉as, kwáh ensetʼkhehiathatewenhní꞉ioste ne shonkweʼtahshón꞉ʼa— setʼkhehiakháwenh ne shonkweʼtahshón꞉ʼa ne tsi ronwathinhotónkwe nákʼthe nón꞉we tkanakerahserá꞉ien, ne tsi iontahtenhothónkwa thóh ní꞉ioht thónʼne tsi ní꞉ioht ne iáh tahkanhekóhkwe nhosonwáhkon.

Acts 16:24

Sahariwaién꞉na kí꞉ken, ne sakonóthons nehne kwáh sahthekanonsíhe nónwe nihionáktaien nasakonóthon tánon nehne kwáh kakonrektsiowánens nóiente thóh wahsakoshitánerenke.

Hebrews 10:36

Teshewahtonwenhtió꞉ni naisewahnikonkastheke, ne nahónton thóh nahisewá꞉hiere tsi nitanónwes ne Rawenni꞉io ó꞉ni nahisewahié꞉na tsi nihorahratston.