Jeremiah 38:28 - Ohiatonhseratokénti

²⁸ Tánon ethóh nónhwe ahotenhénrahkon tsi kanonhtiʼiotsheráien nahonkahtiénawasʼthe tsi nióre ne Jerusalem wahkonhwahiéna.

Jeremiah 38:28 ပူးပေါင်းရင်းမြစ်များ

Psalms 23:4

Eʼthohʼsáne thóh nón꞉we níh꞉ke tsi nón꞉we ne kwáh tetiokaraskówa nahonrákwahkon ne kenhéion, iáh teketsá꞉nis ne kariwahét꞉ke; asèken ʼI꞉se tenikwé꞉kon; ne sáhnia tánon ne sathénhnits— né ionkenikonhranírats.

Jeremiah 33:1

Tsi náhe shé꞉kon kenhóthonkwe ne tsi tehiehiatorehthákwah atenhénrahkon, ne Roiá꞉ner raoʼtheriwahnhotátshera shé꞉kon sontiathó꞉renʼne.

Jeremiah 37:20

Tánon káti nónhwah, Sahnonhtí꞉io, khonhianiténthaʼse naʼskahthahónsahthaʼte tánon thóh náhtiere tsi niʼkerihwahnónhtons. Asatʼthontátsheʼke tó꞉sa hionshaʼskhaʼténiet nahonsaʼhionkheʼnhóton ne tsi thohnónhsohthe ne Jonathan. Tó꞉ka thóh nénhshiehre, kwáh oriwihiohónwe tsi enthóh nónhwe nenhkíheʼie.”

Jeremiah 37:21

Sók kíʼ ne Ronnonhtí꞉io Zedekiah wahakhónnien atenhénrahkon ne kanonhtiʼiotsherákon nónhwe nahionkheʼnhóton. Thóh ki nónhwe nahkhátien, tánon iatewenhnisehráhke kahnátaro wahonkénonhte tsi hiontenahthaʼronniátha nithatíhasʼkwe tsi nióre iahontenaʼtarókʼten ne kanatowáhnen.

Jeremiah 38:13

tánon shaʼhiontsiatitáko nhonahweráhkon. Ethóhʼne tsi tehiehiatorehtákwah atenhénrahkon nónhwe nonhshaʼkerihórhiaʼthe.

Jeremiah 38:27

Ethóhʼne rahtiʼkwékon ne rohnahterihóntons tahónne tánon wahonʼkeriwahnonhthonniónhaʼse, tánon kwáh ètho ní꞉ioht tsi wahkheró꞉ri tsi nihakró꞉ri ne Ronhnonhtí꞉io. Iáh thènen tetsóien nahonsahatí꞉iereh, tsoríhwah tsi iáh ónka tehiakhokthontéhon tsi nahtsiakwahtháren.

Jeremiah 39:13

Sók kíʼ ne Nebuzaradan, skátke ne kwáh thonatsénhnates ne ne Nebushazban ó꞉ni ne Nergal Sharezer tánon ne óia rathisennhowáhnenhs ne Ronhnontí꞉io Nebuchadnezzar ronwahiótenʼse ne Babylonia nónhwe,

Jeremiah 39:14

thahiontsiatínekenhwe nahotenhénrahkon ne tsi kanonhtiʼiotsheráien. Tánon Gedaliah né shaʼhonwahrihónten nahonshaʼhakatenhnikonhráhren, ne roʼníha ne ne Ahikam ó꞉ni ne rosótʼtha ne ne Shaphan, rahónha oriwí꞉io enrónhni tsi kwáh skénnenhk tsi iénskewe. Tánon káti thóh nónhwe nahkahtserónhniaʼte skátke nonhkweshón꞉a.

Jeremiah 39:15

Tsi náhe shé꞉kon shiʼkhenhóton nahotenhénrahkon ne tsi kanonhtiʼiotsheráien, ne Roiá꞉ner wahakró꞉ri

2 Timothy 3:11

tsi nihionkʼkenronníʼon, tánon nakeronhiakénseras. Sateriéntareh akwékon kíʼ éhʼthoh niwahtiatawén꞉en thóh nonwe ne Antioch, Iconium, ó꞉ni ne Lystra, neh ioronhiakenseratʼtsani wahkatakátsʼtaton! Nók kíʼ Roiá꞉ner tiókonte sakeniakénton.