Jeremiah 37:7 - Ohiatonhseratokénti

⁷ nahiʼiénhaʼse ne Zedekiah, “Ne Egyptró꞉non ronterí꞉ios tahónne nahieshasniénah, ók kíʼ enshontén꞉tiʼkiʼ.

Jeremiah 37:7 ပူးပေါင်းရင်းမြစ်များ

2 Kings 22:18

Ók tsi nòkwah ne rahonhatsíwa ne ronnontí꞉io, kén kíʼ né nahó꞉ten Ní꞉i, ne Watiá꞉ner KeNí꞉io Nisraeʼró꞉nonke, ká꞉ton: Saʼtahón꞉satat tsi nahó꞉ten kaiatón꞉nions ne kaiatonserákon,

2 Kings 24:7

Ne ronnontí꞉io ne Egypt tánon ne rahonkwetaʼshón꞉as ronterí꞉ios iáh shé꞉kon nonwénton teshotiʼiakénʼen ne Egypt, tsioríhwa ne ronnontí꞉io ne Babyloniaró꞉non ó꞉nen kanakeraserakwé꞉kon thoniarótaron né꞉ne Egypt ahowenhkénʼen, né꞉ne Euphrates Kaniataratátse tsotásawe tsi nióre ne tsit karistathátse ne othoréke nokwá꞉ti ne Egypt.

Proverbs 21:30

Nón꞉kwe nakottokháhtshera, tekaʼnikonhrathé꞉tha, tánon kakaʼenionhtsherí꞉io—iáh oʼthé꞉nen thaiesaiaʼtakéhnha tókaʼ ne Roiá꞉ner iáh tethiáhnhes.

Isaiah 30:7

Asèken ne Egypt aohienawaséhtshera iáh othènon tekarihwástha tánon ahóskonk thí꞉ken, ne káti waʼhónni né wakenátonkwe, “Rahab tsi rénskote sakʼthí꞉ken.”

Isaiah 36:6

Satʼkátho, né sehniaʼhésen Egypt, né꞉ne tehiotienkwí꞉riakon ne tehiothennitseriákon, nètho tehiakotsanawéhesʼte nónhka thóh enhiontsiatanéntatʼte. Tsi ní꞉ioht ne Pharaoh né ronnontí꞉io ne Egypt ratikwékon rahónha ronwaniaʼhésen.

Jeremiah 2:18

Nahó꞉ten sahnonhthónnions tsi tashaténtsa ne Egypt niáhse né꞉ne ahsnekírahte ne Nile ahonékanos? Nahó꞉ten shaʼnonhthónnions tsi tashaténtsahaʼte ne Assyria niáhse né꞉ne ashnekírahte ne Euphrates tsi kontʼnekíne?

Jeremiah 2:36

Ehtháke wahshathatónʼni ne tsi thóh nokwáti niaháse ne ahkorénsons raothiniʼiohokónhas. Ne Egypt kwáh enshanikonhráhten, kwáh tsi nisahiérahse ne Assyria.

Jeremiah 2:37

Ahèren tenthésehte ne Egypt nónwe, enshaniarénhthonʼne tsi nenhshatehénsehke. Í꞉i ne Watiá꞉ner, kwáh kekhenʼronníhon tsi niháti ne sehniahésenʼne; kwáh iáh thaʼhóten tahishahianerásten ne ronónhake nónhwe nahontháwe.”

Jeremiah 21:1

Ne ronontí꞉io Zedekiah ne Judah tahoténieʼte ne Pashhur ne ne Malchiah roiénha ó꞉ni ne rokháres Zephaniah ne ne Maaseiah roiénha ne tsi nihoriwahnónhton:

Jeremiah 21:2

“Asatthontátʼtsheke takwathátias rahonháke ne Roiá꞉ner, tsioríhwa ne rononhtí꞉io Nebuchadnezzar ne Babylonia tánon ne rahonkwetaʼshón꞉a ronterí꞉ios tsi tehotinahtanatʼthonhátse ne kanatowáhnen. Tó꞉ka nónhwa ne Roiá꞉ner ne enhohióten ne iorihwaneráhkwat nonhkwahriwáhke tánon enhahónnien ne Nebuchadnezzar nahonshaʼhakhéte.”

Jeremiah 37:3

Ne Ronnonhtí꞉io Zedekiah iahoterihwahniéthen ne Jehucal ne rohníha ne ne Shelemiah tánon ó꞉ni ne rohkháres Zephaniah ne ne rohníha ne Maaseiah nahakerihwahnónhtonʼse niakaterénnahien rahonháke ne Roiá꞉ner onhkwahNí꞉io né rahotiʼrihwáhke nonhtionkwetaʼshón꞉a.

Jeremiah 37:5

Ne Babyloniaró꞉nons ronterí꞉ios tsi naʼthekonhwahonwahrónhni ne Jerusalem, ók nónen shahatiʼrihwáhronhke nètho Egyptró꞉nons ronterí꞉ios tsi tehoteristhihiákon ne Egypt, onàhken shaʼhónhneʼthe.

Jeremiah 37:6

Ethóhʼne ne Roiá꞉ner, ne sahkoʼNí꞉io ne Israerʼró꞉nons, wahatró꞉ri

Lamentations 1:7

Kwáh nék khók ne ietsahonthónnia, Jerusalem sewatatehiarakwénnis tsi niʼionatanerakwathón꞉ne tsi nitsawénon. Sakonwasénni ne konwásons, iáh ónka tehiotetʼtsénrion nakonwasniénonke; Né konwasénnion wahkonwastériste tsi nihiótion.

Lamentations 4:17

Ne kaienawashétsera iáh nonwénton tèhio, wahakhihiathisháke tsi nióre ne iáh tsietionkwakwénion. Kwáh tió꞉konte tsi hiakhirárekwe ne thóhnon nahotahonénon tsi nónwe tkanakeraserá꞉ien né kwáh iáh thènen tehotí꞉ien nahontahatíʼieste.

Ezekiel 17:17

Shé꞉kon ne kwáh thatisháststes ne Egypt Ronhnontí꞉io rahotiókwah ronterí꞉ios iáh tahathikwéni nahonwahiénawahse nahonterí꞉io ne Babyloniaró꞉nons nónenh enhontenonhtonhniánion nokénras ó꞉ni tenhathiwáhnahke ne osténras watenhenronhniáton ne nahónton iakotiokowáhnen ashakonahwénhtho.

Ezekiel 29:16

Israel iáh nonhwénton shé꞉kon ne thaʼtahonsakonhwatkáneren nahiakoiénahwahse. NiʼEgypt tsi nahohiátawen kwáh enhiawehiaráhkwen ne Israel tsi nióre tsi tehioterienthawenhréhon tsi ne ioniahé꞉senhne. Ethòne Nisrael enhioteriéntharahne tsi Í꞉i ne Wakenonhtí꞉io Watiá꞉ner.”

Ezekiel 30:22

Káti ónenh, kén kíʼ nahó꞉ten nʼÍ꞉i, ne Wakenonhtí꞉io Watiá꞉ner, káton: Í꞉ih ne tehiatiatátʼtions ne Egypt Ronhnontí꞉io. Kwáh tesáronh tenhinénhtʼtshiake—né shé꞉kon rahnentʼtsí꞉io tánon ne ónenh tewahtiákon—tánon nasarekówa rahtshanáhke entewáhsenhne.