Jeremiah 37:3 - Ohiatonhseratokénti

³ Ne Ronnonhtí꞉io Zedekiah iahoterihwahniéthen ne Jehucal ne rohníha ne ne Shelemiah tánon ó꞉ni ne rohkháres Zephaniah ne ne rohníha ne Maaseiah nahakerihwahnónhtonʼse niakaterénnahien rahonháke ne Roiá꞉ner onhkwahNí꞉io né rahotiʼrihwáhke nonhtionkwetaʼshón꞉a.

Jeremiah 37:3 ပူးပေါင်းရင်းမြစ်များ

1 Kings 13:6

Ronhnonhtí꞉io Jeroboam wahawénhase ne rotó꞉kense, “Asatʼthontátʼtseke takwahterenhnaiénhas rahonháke ne Roiá꞉ner Saní꞉io, tánon tserihwanónhtons nahonsaháakétsienʼte ne kenenhtsáke!” Né rotó꞉kense rahonháke ne Roiá꞉ner iahaterénhnaien, tánon kíʼ ne ronhnonhtí꞉io ranenhtsáke sahaiewénhtaʼne.

Exodus 10:17

Ó꞉nen kíʼ saʼskenihʼnikónhrens nakeriwahʼnerahákʼtshera kíʼ꞉ken ènskak iewáhterats tánon iaʼtsiaterénnaien rahonhàke ne Roiá꞉ner ne senhiʼNí꞉io né꞉ne éren shaʼháwit kí꞉ken kenhèiat karewahtátshera nahkonhàke.”

Exodus 8:28

Ne Ronhnonhtí꞉io wahénron, “Enkwahríhon niaʼhísehʼwe ne kahentaʼkeʼkowá꞉ne tó꞉ka iáh ahí꞉non nióre tsiaʼhisehwe, nahtsiʼsehwatsiaʼtatʼtsaʼáhten ne katʼtshénen ne Roiá꞉ner, sehwaʼNí꞉io. Taʼkwaterienhnaiénhas.”

Exodus 8:8

Ne Ronhnonhtí꞉io iahó꞉nonhke ne Mahís ó꞉ni ne Aaron tánon wahénron, “Iatsiaʼterenhnáien rahonhá꞉ke ne Roiá꞉ner èhʼren asakohiaʼtenhawíthen kí꞉ken otskwà꞉rhe, tánon káti ienkhehiá꞉kaʼwe ne shonʼkwetashónʼa, káti né nahónton niaʼhonwátatse ne konhwatsʼatatʼtsaʼáton ne katʼtshénen ne Roiá꞉ner.”

Exodus 9:28

Iasaterénhnaien rahonhàke ne Roiá꞉ner! Kwáh iationkwaiérise kí꞉ken iowè꞉ren ó꞉ni tsi iowisónhtion! Wakaráhratsthe nahonsakonhiátʼkaʼwe; iáh thaʼtehioʼtonhontsóhon ne kénʼen ahonsahshitherónhthake.”

Jeremiah 15:11

Saiá꞉ner, akwékon ne rahonatkenrensehronniátshera thóh nahiáwenhne tó꞉ka iáh kahiotenserí꞉io tsi tekonhiótenhse, tó꞉ka iáh tekonhianiténthaʼse ne hiónkswenhs rahothiriwáhke nónhnen shaʼthonihnikonhráhren tánon wahatiʼnikonhrahronhiáken. (

Jeremiah 2:27

Kwáh sewahkwékonh tsi enietʼtsihiatéhate—tsi nítion ne sehwáhton nètho karónta né tsi sehwahníha í꞉ken tánon nètho onénhia né ietsinisténha í꞉ken. Thóh kíʼ nenhiáwenhʼne tioríwa tsi tahkwahtʼtwasteniénhni tsi ní꞉ioht ne íh nòkwah nahontésehwe. Ók nónenh thènenh tesehwahnikónhrahre, enskwahriwahnónhtonse nahónthake nakwasniénonh.

Jeremiah 29:21

“Ne Roiá꞉ner Roshastsʼtenseroʼwáhnenh, ne sahkoʼNí꞉io ne Israerʼró꞉nons, tsi nihotharáhkwen ne Ahab ne roʼníha ne ne Kolaiah ó꞉ni ne Zedekiah ne roʼníha ne ne Maaseiah, ne tsi niʼtsisehwahnhowenhténnis ne raosénnhakon. Ráhwenh tsi enshakoʼtsiakwahrísi thóh rahoshastsʼtenserákon ne ronnonhtí꞉io Nebuchadnezzar ne ne Babylonia nónhwe, kwáh tsi tesehwahkánereh rahonʼa enshakononhwahrhiákon.

Jeremiah 37:17

Ishiʼnonhwéha ne Ronnonhtiio Zedekiah rohteriwahnieʼtonhátie niahonshaʼhiontiaténhaʼwe, tánon thóh nónhwe kahnónhskon ne kahnonhtiʼhiotsherákon kwáh onhkenonhwáhak khók íken waʼhakeriwahnónhtonseh, “Thé꞉nenh kén roʼteriwahnietonhátie ne Roiá꞉ner?” “Hén kwáh íken,” Wakʼkheriwahsehráhko, tánon hiakahthasóntheren, “Enhieshaʼtiakwahríshi rahonháke ne Ronnonhtí꞉io ne Babylonia nónhwe.”

Jeremiah 37:7

nahiʼiénhaʼse ne Zedekiah, “Ne Egyptró꞉non ronterí꞉ios tahónne nahieshasniénah, ók kíʼ enshontén꞉tiʼkiʼ.

Jeremiah 38:1

Shephatiah ne roʼníha ne ne Mattan, ne Gedaliah ne roʼníha ne ne Pashhur, ne Jehucal ne roʼníha ne ne Shelemiah, tánon Pashhur ne roʼníha ne ne Malchiah wahonatʼthónteʼne tsi akherohríhsehke nonhkweshón꞉a nètho

Jeremiah 42:1

Ethóhʼne rathikwékon ne rathisennhowahnenhs ne ronhterí꞉ios, rahiathare ne Johanan ne roʼníha ne ne Kareah ó꞉ni ne Azariah ne roʼníha ne ne Hoshaiah, tánon kwáh tsi niatehionkwétahke skátke tsi tahónnhe

Jeremiah 42:20

Ne ne kwáh íken tsi tensehwahterienthawénhrieh. Waʼskwahriwahnónhthonʼse niakahterénnahien rahonháke ne Roiá꞉ner onhkwahNí꞉io ne sewahriwáhke, tánon wesehwahráhratsʼthe tsi kwáh oriwahkwékonh eh nenhsehwáhiere tsi nenhénhron.

Jeremiah 52:24

Tánon ishiʼnónhwe, ne Nebuzaradan ne꞉ne rahsenhnowáhnen, iashaʼkohiaténhaʼwe nònhʼne ne nashakonhóton Seraiah ne꞉ne ratsihenstowáhnenh tánon ne rohiatanónhʼne Zephaniah, tánon ne áhsen niháti ne ohénton iehonʼné꞉ton tehontenhenráhnonhʼne.

Numbers 21:7

Nonhkweshón꞉ʼas Mahís tsítres niahá꞉en tánon wahonníron, “Wahakwahrihwánerake nónenh sahakwarihwakáthate tsi nòkwah ne Roiá꞉ner ó꞉ni tsi nókwah níse. Ónen kíʼ ionhkwahterénhnaien rahonháke ne Roiá꞉ner néhren ahonsashakohiatenháwite kí꞉ken óniares.” Sók kíʼ ne Mahís washakoterenhnaiénhase nonhkweshón꞉ás.

Acts 8:24

Simon wasakawénhaʼse ne Tiér tánon ne Sawátis, “Aitsiatʼthontátʼtseke astiaterenʼnaiénhase rahonháke ne Roiá꞉ner, nehne tóhsa thènen nahontiátawen tsi nahoténsons weseníron.”

1 Samuel 12:19

Onkwetakwé꞉kon wahonwénhaʼse ne Samuel, “Iasaterénnaien rahonhá꞉ke ne Roiá꞉ner Saní꞉io ne ne sanhatseraókons raotirihwáke, ne káti ne tó꞉sa ahitewénheʼie; asèken iehionkwaiéston nonkwarihwaneraháktsheras ne iorihwatsáni tsi ionkwarihwanónton nahionkwanontiʼiotseraién꞉tane niatetewaiá꞉ti.”