Jeremiah 37:10 - Ohiatonhseratokénti

¹⁰ Shé꞉kon ó꞉ni ne aietʼtsisénhni ne kahnenhrahkwéhkon ne Babyloniaró꞉nons ronterí꞉ios, ók káti nek khók iathahonshaʼhonahthaténronhke ne rohtiʼkarewáhthon, rahonahthosehráhkonh rahtiʼhiationhnítie, kwáh káti shé꞉konh tenhshaʼtítahne tánon okenhráhke enhonhnónhni tsi nenhonthenahténthaʼwe kí꞉ken kanahtowáhnenh.”

Jeremiah 37:10 ပူးပေါင်းရင်းမြစ်များ

Isaiah 10:4

né káti ne tó꞉sa skát꞉ne asewaʼnitionhkónni ne ratinó꞉tons khés thóh iashiaʼtién tsi ratiʼiatakéron ne ronwatiʼnonhwariá꞉kon? Asèken akwékon kí꞉ken ne raoʼnhakwáhtsheras iáh thaʼtetsiotkaraténion; ne ratsaná꞉ke shé꞉kon kí iatehótsate.

Isaiah 13:15

Nón꞉ka enhiontatsiatatʼtshénhri kwáh kíʼ tenhonwanarié꞉niaʼte, tánon nónka enhiontatiéna kwáh kí enhionthataʼwenkto asarekó꞉wa enwáston.

Isaiah 14:19

ók ní꞉se áhtste iehiesahiatónhtion, èhʼren iesahiathenhawíton ne satʼtsatonhkwákon, kwáh né꞉ne iaweheiontátkens, ne thitisaró꞉ron ne iakawenhéion, tsi nihiákon ne ionhthatahá꞉son nasarekówa wáhston, ón꞉ka ne ienióntsnenhte ne tsitʼkanenhiakérons nosonhkwákon, kwáh né꞉ne thóh ierathátses aweheiónthake.

Isaiah 30:17

Énska tewenhniawehetsheráhsen nihionkwétake enhiontèko né꞉ne saiáta khók asakoterónhkwen, nahatíʼteronhkwe ne wísk niháti kwáh kíʼ ensewatèko, tsi nió꞉re í꞉sek khók iatetshiʼsathaténron kwáh tsi ní꞉ioht ne wateniataroharákwah ne kaniakarakénhiaʼte ne onotoharakénhiaʼte, kwáh tsi ní꞉ioht ne kaswenhkaró꞉hare tsi ionhniáheʼre.

Jeremiah 21:10

Iáh tewahkeriwahiéntahse ne tó꞉sa akenónhsthaʼte kíʼ kénʼen kanatowáhnenh, ók ne nakáthonte. Ók ne ne Babylonia rononhtí꞉io tentʼthónnion, tánon okenráhke enrónni tsi enhatenaténtahwe. Í꞉i, ne Watiá꞉ner, wakatáti.”

Jeremiah 32:29

tánon enhatitsiró꞉ten. Kwáh enhontenonhkwahtette, tienwahkwekónhaʼke ne tsi kanonhsóhtons tsi nónhwe nonhkweshón꞉a nihionkenahkonhníhon tsi wahkonwaʼtienkwahronniáten ne Baal ne karonkwenahkésons ó꞉ni tsi tahathinekáhwehron notsítsa tsi wahonwahtítatʼtse nohiáson niʼiohokónhas.

Jeremiah 37:11

Ne Babyloniaró꞉nons ronterí꞉ios Jerusalem nónhwe thethohnákthon tsioríwah ne Egyptró꞉non ronterí꞉ios tsi tahónhne.

Jeremiah 37:8

Ethóhʼne kíʼ ne Babyloniaró꞉nons kwáh entʼthónne, ienkonhwahtsatónti ne kanahtowáhnenh, enhatiʼiéna, tánon enhontenʼonhkwahtekʼte.

Jeremiah 49:20

Káti sewahthahónsahtat tsi niwakatenikonhrónhni tsi nòkwah ne Edomró꞉nons, tánon tsi níkereh nahkheiérahse nonhkweshón꞉a ne tsi kanatowáhnenh ne Teman. Shé꞉kon ó꞉ni ne shakotiʼienokónha kwáh kíʼ tsienhonwahtihiatísehreh, tánon kwáh onhkwetaʼkwékon tsi entionthónnheke.

Jeremiah 50:45

Káti satahónshaʼtat tsi niwahkatenikonhríson tsi nòkwah ne kanatowáhnen ne Babylon tánon tsi níkereh natkheiérahse nahonkwetaʼshón꞉a. Iehióhe ne ahokʼshatashón꞉a kwáh tienhonwahtiʼhiatísehre, tánon ne tsi rohthinonhshó꞉ton ononhshóskonh enwáhton.

Jeremiah 51:4

Enhathihiatiénenhʼne nahonní꞉heʼie rahononhontsáke ne Babyloniaró꞉nons, ronhwahnaháson nahonní꞉heʼie nahonahtaʼkónhsons.

Lamentations 1:15

“Ne Roiá꞉ner wahostériste ne kwáh tásaste nakonkwéta raterí꞉ios; Ronterí꞉ios tasakothéniete nasakóthonte nakonkwetaʼsónhas nithotihiónsas. Wahtesakoskwáseron nakonkwetaʼsónhas tsi ní꞉ioht ne tsi tehionhiarithákwa noʼnénhare káhik.

Joel 2:11

Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?