Jeremiah 36:9 - Ohiatonhseratokénti

⁹ Ne tiotónhaton shiwenítare tánon ne ne wískʼkhaton shiʼioseráhthaʼse ne shihononhtí꞉io ne Jehoiakim ne Judah nón꞉we. Nonhkweʼshonʼa wahakawenhtóntiete ne ne aiaié꞉na ne Roiá꞉ner raononwéhtsera. Ne wenhtontié꞉ton kwáh wahontháwa ratikwé꞉kon tsi nihá꞉ti thóh ratináke Jerusalem ó꞉ni tsi nihiá꞉kon tá꞉ien ne tsi tkanatá꞉ke rons ne Judah.

Jeremiah 36:9 ပူးပေါင်းရင်းမြစ်များ

2 Chronicles 20:3

Né Jehoshaphat wahoteronhiénhten tánon rahonháke ne Roiá꞉ner iahaterénhnaien nahoʼiénawaʼse. Ethòne kíʼ ó꞉nen washakónhaʼne nahonenhtónhtsete né kwáh tsi nikanakeráhsera.

Nehemiah 9:1

Tánon ne tewáhsen kaié꞉ri siwenhniserá꞉te ne tsi niwenhnitá꞉rakwe, nahonkweʼtashón꞉as Nisrael wahontiaʼtaró꞉roke skátne tsi wahonhnenhtónhtsete tánon kaiá꞉re wahontserón꞉niate tánon ratinontsí꞉ne wahonthatenkenrá꞉ro.

Esther 4:16

“Sheiaʼtaró꞉rok akwé꞉kon ne Sitaeró꞉non Susa ratinákere; ensewentóntiehte tánon enskwaterennaién꞉hahse. Tóhsa oʼthé꞉nen í꞉sewak tóhsa ó꞉ni sewahnekí꞉ra áhsen nenwà꞉ta tánon áhsen niwahsón꞉take. Konnón꞉kwe akehnhaʼtsheraʼó꞉kon tánon í꞉ʼi tho neniakwá꞉iere. Thó꞉ne ó꞉nen éʼthó ién꞉ke raohén꞉ton ne ronontí꞉io, iaweronhátien tsi nikaianerenhserò꞉ten. Tóka enkí꞉heie tsi tho nén꞉tiere, enkí꞉heie kiʼ.”

Jeremiah 36:1

Ne kaieríhaton shiʼiohseratátie nètho Jehoiakim né roʼníha ne ne Josiah rahónʼa shiʼhonontí꞉io ne Judah nónhwe, ne Roiá꞉ner wahakénhaʼse,

Jeremiah 36:22

Kosehráhke kénʼne tánon ne Ronnonhtí꞉io ne ne tsi ronónhsohthe ne kosehrahkékha ne wathanahwéston nónhwe nihenterónthaʼkwe otsienháktha renskwahráhkwe roténhionhkwe.

Jeremiah 36:6

Káti í꞉se iaháse Nononsatokentiʼkówahne ne ieskáheʼwe nahonsahiakawenhtóntieʼthe, tánon sehwenhnaʼnhóthas naʼteriwahnhotátsheras tsi nithakáwi ne Roiá꞉ner tsi niʼkahiatónnion kíʼ kénʼen kahorohthaʼkwenónhni. Nètho enwenhnisehráhteʼke kanenhrahkwékon ne Judah nónhwe thóh enhiésehke.

Joel 1:13

Ká꞉iare sewatierón꞉niat tánon sewaʼnikonráksen, i꞉se ne sehwatsihénstatsis; tesewahénrét tsi nisewariwaié꞉wes ne sehwateriwatsterístons ne tsi ietienharáhkwa. Ká꞉sewe, sewasonhtí꞉iak ká꞉iare sewatstónhak, í꞉se ne tsi sewateriwatsterístase naʼkeNí꞉io! Tiorí꞉wa ne káhkhwa tánon ne ienekiráhtha ne ieshewátats iáh tsesewahióntha raononsatokentikó꞉wane ne Sewaní꞉io.

Joel 1:14

Sewaʼrihó꞉wanat naʼwenhtónhtiete, ietsihiaʼtaró꞉rok nonkweshón꞉as ne naiotokentí꞉ke raohénton ne Ní꞉io. Ietsihiaʼtaró꞉rok ne thotí꞉ions tánon ratikwé꞉kon ne tsi ionhontsá꞉ien ratiná꞉kere thóh athenhenrá꞉kon ne raononsatokentikó꞉wane ne Sewaní꞉io, tánon iaʼtesewasénhtho rahonhà꞉ke ne Roiá꞉ner.

Jonah 3:5

Ne onkwehshón꞉ʼa tahonnéhtahkwe ne Rawenni꞉io raoterihwahnotáhtshera. Sók kiʼ iaʼthotirihwaién꞉taʼse kwáh onkwehtakwé꞉kon tsi ahonnentóntiehte, kwáh tsi niaʼteionkwè꞉take, aiakonkweʼtowá꞉nen tóka ó꞉ni kenʼk naiehsén꞉nahske, kà꞉iare enhontsherón꞉niaʼte ne naʼhonne nehste tsi sahontatré꞉wahte.

Zechariah 8:19

“Ne iakenthontsethákwas ne kaierí꞉haton, wískhaton, tsatáhkhaton, ó꞉ni ne oieríhaton niwenhnithakehá꞉ton ne ienwahthihéntho nathonhnaráhtshera ó꞉ni naʼtsenhnonhniá꞉tsheras ne tahiontenonhwerá꞉ton ne wenhthanó꞉rons nonhkweshón꞉ʼa akorihwà꞉ke ne Judah. Ó꞉nenk tsi ensehnóronkwe norihwí꞉io ó꞉ni ne skén꞉non.”

Judges 20:26

Ethòne ó꞉nenh kwáh kanenhrakwékon Nisraerró꞉nonke Bethel niahónhne tánon wahontsónhnion rahohénton ne Roiá꞉ner tánon iáh othènen tatehonaskáhon kwáh tsik tsiahókaraʼwe. Iahatítaʼte ne ská꞉rih í꞉ken karihwihiosehokónhas tánon kwáh rahiatakwékon ne katshénen tsi wahonwateskónhten—thóh akwékon rahohénton ne Roiá꞉ner.

1 Samuel 7:6

Káti waʼhonnitiokwaró꞉roke ne Mizpah nón꞉we, tánon iahatiʼnekó꞉tsenʼte tánon tahatiʼneká꞉weron raoʼhén꞉ton ne Roiá꞉ner. Tánon wahonentontié꞉te nétho wenhniserá꞉te, tánon wahonníron, “Ionkwarihwáneren tsi nòkwah ne Roiá꞉ner.” Tánon ne Samuel watehshakoiaʼtó꞉rehte NʼIsraerʼró꞉nons thó nón꞉we Mizpah.