Jeremiah 36:2 - Ohiatonhseratokénti

² “Hiahásko ne kahorohthaʼkwenónhni tánon thóh iásthon kwáh oriwahkwékon tsi nikonhró꞉ri tsi nòkwah ne Israel tánon ne Judah ó꞉ni rathiʼkwékonh tsi niaʼteiakahontsákes. Kwáh oriwahkwékon iásthon tsi nikonró꞉ri ne kwáh sonthontsiérenʼthe wahkonhthárahse, nónen ne Josiah shiʼhononhtí꞉io, tánon tsi nióre nònhwah.

Jeremiah 36:2 ပူးပေါင်းရင်းမြစ်များ

Ezra 6:2

Ók tsi kanatowanénhke ne Ecbatana ne nahontonhontsá꞉ke ne Media nón꞉we né꞉tho kahiatonhserakwenón꞉ni honteʼtsénhri, thóh nón꞉we nikahiathónhnionh:

Job Tánon ne Raoronhiakensera 31:35

Tó꞉ka ne saíá꞉ta khók ahakatahonsáthate? Kén꞉en waʼkatatsénhnare! Aʼnion ne Roshatstenhserowá꞉nen tehakeriwahserákwas! Tánon á꞉nion neh rakeriwáros rahiá꞉ton tsi nihakeriwáros!

Psalms 40:7

tánon ká꞉ti watʼkherihwasehráko, “Kénʼen í꞉kes; thóh tsi nikahiatonsehrakweʼnónhni nón꞉we nihiontkhiatón꞉kwen.

Exodus 17:14

Ethóne ne Roiá꞉ner wahawénhaʼse ne Mahís, “Shiá꞉ton kí꞉ken tsi nahá꞉wenhne kí꞉ken atesenhniéntshera, káti né nahiakerarastákwahʼke. Sró꞉ri ne Joshua tsi kwáh enkhehiáʼtonthe ne Amalekró꞉nons.”

Isaiah 8:1

Eʼthó꞉ne ne Roiá꞉ner wahakénhase, Iatéset kensthenrowánen tánon thóh shiá꞉ton ne thiʼkánionk ohiatonkwasón꞉has, “Ne raohiatakweniʼiósera Maher-shalal-hash-baz.”

Jeremiah 1:10

Nónhwa wenhnisehráhte tahkónhion ne kashaststénsera tsi nòhkwa nonhkweshón꞉ʼa ó꞉ni tsi kanahkerahsehrahkérons ne tahsatʼthokwahte ó꞉ni nahonthasahsenhte, nasehrihwahthonte tánon sahsehshastsʼtensehrahkénni, nahsónni tánon nahshiéntʼtho.”

Jeremiah 1:5

“Í꞉i konhiatahráhkwen nohénton shontahkónhion nahtónnhets, tánon nohénton sahsennáhkerahte wahkonhiatahráhko nahishatokenséhakwe tsi nòkwah ne onhkweshón꞉a.”

Jeremiah 1:9

Ethóhʼne ne Roiá꞉ner thontahatiáthate, skwentàhke iahaiéna, tánon wahakénhase, “Sahtahónsahtat, tkonhiáwis nohwenhnahshón꞉a nahshatáhtsiaʼte.

Jeremiah 2:4

Sewahtahónsahtat ne Roiá꞉ner raoteriwahnothátshera, ne Jacob nónhwe nithisehwatʼwatsirínonh, ne sehwenhtiókwas ne Israerró꞉nonhke.

Jeremiah 25:3

“Ne ne tewáhsen-áhsen nihiosehráke, tkènne ne ne áhsenʼiawénhre shiʼiosehratátie nètho Josiah ne ne roʼníha Amon shiʼhononhtí꞉ioʼkwe ne Judah nónhwe ne ne tsi nióre ne kwáh nónhwa wenhnisehráte, ne Roiá꞉ner ratʼtharáni, tánon iáh nonhwénhton tewahkerihwanóronhse nakwahró꞉rike tsi nahó꞉ten ráwenh. Ók iáh othènen karíhhwah tetiónni.

Jeremiah 30:2

wahakró꞉ri, “Kahiathonsehráhke shiatónnion kwáh oriwahkwékon tsi nahoténsons konró꞉ri,

Jeremiah 36:14

Ethóhʼne ne ronahterihóntons iahonwénhnonhke ne Jehudi (ne roʼníha ne ne Nethaniah, ne rosótʼtha ne ne Shelemiah, tánon ne ne tehoterehsehráhsereh ne Cushi) nahonwahróri ne Baruch nahontaháhaʼwe ne kahorohthakweʼnónhni kahiatónsera ne ne shaʼkowenhnahnhóthaʼni nonhkweshón꞉a. Baruch thashaʼkohawíhten ne kahorohthakweʼnónhni kahiatónsera.

Jeremiah 36:18

Baruch waʼthariwahsehráhko, “Ne Jeremiah kwáh tsowenhnátʼtions tsi roʼtahtíhon nakʼkénton, tánon kahiathonkwahóntsi wahkhiáthonʼkwe ne kénʼen kahorohthakwenónhni kahiathonseráhke.”

Jeremiah 36:23

Kwáh tsi niʼiosthóhre ne Jehudi enhá꞉sa tó꞉ka áhsen tó꞉ka ó꞉ni kaiéri nihiosthonterihtsheráhke, ne ronnonhtí꞉io enharahwístsiaʼke ne énratsthe ne kén niwaʼsahrá꞉a ne rahonahthaʼtsheráhkon rehthahástha tánon otsiráhke ienhóti. Thóh kíʼ naháiere tsi nióreh ne kwáh kahiatonsehrahkwékon iahóntsahaʼthe.

Jeremiah 36:29

Ne Roiá꞉ner wahakró꞉ri nahiʼiénhaʼse ne ronnonhtí꞉io, “Washatʼthiathonsehráhtsahaʼthe, tánon wahsheriwahnónhtonseh ne Jeremiah nonhtiéren tsi rohiáthonʼkwe nètho ronnonhtí꞉io ne Babylonia tsi éntʼreh tánon enhronhontsákʼshaʼthe ne kíʼ ionhontsáien tánon enshaʼkononhwahrhiakónnion nonhkweshón꞉a ó꞉ni ne kontiʼtshénens.

Jeremiah 36:6

Káti í꞉se iaháse Nononsatokentiʼkówahne ne ieskáheʼwe nahonsahiakawenhtóntieʼthe, tánon sehwenhnaʼnhóthas naʼteriwahnhotátsheras tsi nithakáwi ne Roiá꞉ner tsi niʼkahiatónnion kíʼ kénʼen kahorohthaʼkwenónhni. Nètho enwenhnisehráhteʼke kanenhrahkwékon ne Judah nónhwe thóh enhiésehke.

Jeremiah 45:1

Ne kaieríhaton shiʼioserahtáʼtsie ne thóh Jehoiakim ne roʼníha ne ne Josiah ne ronnonhtí꞉ioʼkwe ne Judah nónhwe, Baruch kahiatonsehráhke wahahiáton tsi nahithá꞉rahse. Ethónʼne wahiró꞉ri

Jeremiah 51:60

Ne Jeremiah kahiatonseráhkonh akwékon rohiatónnionʼkwe akwékon ne kakahronhniátsheras tsi nenhioráhne ne Babylon.

Ezekiel 2:9

Ethóhʼne wakatkátho otsána tetsió꞉tsate nakonháke, tánon kahiatonsehrénhawe.

Hosea 8:12

Eʼthó꞉sane wé꞉so khehiatón꞉ni nakerihonhnienhní꞉tsheras, thóh ní꞉ioht tsi tehatiká꞉nere tsi shí꞉ken ní꞉ioht ne taiotseronniónke.

Deuteronomy 31:24

Ne Mahís wahahiatón꞉nion ne Rawenni꞉io raoianerénhseras ne kahiatonhserá꞉kon, kwáh wahatenhnikónhraren ne tó꞉sa othé꞉nen ahonikónhren.

Hebrews 10:7

Né káti enkíron, ‘Kén꞉en Í꞉i khés, Tsi nithesenónwas thóh náh꞉tier, O Ní꞉io, Kwáh tsi nikahiáton ne tiatáthake ne kahiatonseráhkon ne kahianerénserah.’”