Jeremiah 33:9 - Ohiatonhseratokénti

⁹ Tánon kí꞉ken kanatowáhnenh Jerusalem nakonháke né enkonhwahiátʼtseke atonnharáhtshera, kahnonhwehrahtóntshera ó꞉ni ne kahiatanerahkwáhtshera rahotihénton rahtikwékon nonhkweshón꞉a ne tsi ionwenhtsiáte kwáh rohnónha enhónronʼke akwékon ne ioiáneres tsi nikheʼhiatiérahse; káti kwáh enhonhateroniénten ó꞉ni enhotiʼhiatísonkwe tsioríwah akwékon tsi nihiohiáneres ó꞉ni akwékon ne kahkwahséhtseras tekhehiatʼkahwénhni.”

Jeremiah 33:9 ပူးပေါင်းရင်းမြစ်များ

2 Chronicles 20:29

Kwáh tsi niatekanakerasehrákes ne wahatirihwaronhkánion tsi ní꞉ioht ne Roiá꞉ner tsi shakosenhniónkwen ne Israerʼró꞉nons tehontátʼtions tsi wahonateronhiénhten,

Nehemiah 6:16

Tánon nó꞉nenh ratikwé꞉kon ne ionkhisonʼs wahatirihwarón꞉ke kí ken, ratikwé꞉kon nonkweʼshón꞉ʼahs ne iakwahiatattón꞉tses wahónt꞉kato ki ken, iáh thateshonthaterenssarons; aseʼken ronaterientarakwe nètho ki ken kahiothensera tsi nikahiothenhen ne tsi onhkwah ní꞉io rahón꞉ha rohiothenhen.

Esther 8:17

Tsi ní꞉kon kanataké꞉ron tánon kakorahseraké꞉ron tsi nón꞉we ronontí꞉io raoianerénhsera iotewennà꞉note, ne Sitaeró꞉non wahonnentanó꞉ronhste ronatshennón꞉ni tánon ronatonhnháhere wahatikhwà꞉ren. Tsi naʼá꞉wen é꞉so niiá꞉kon nón꞉kwe, Sitaeró꞉non wahontatón꞉ni tsi ó꞉nen wahonwatitshà꞉niʼke.

Psalms 130:4

Ók káien ne kanikonhrénhtsera ne shonháke. Né ká꞉ti í꞉se akwahsénhnaien.

Psalms 40:3

Waʼhakerihónhnien orénhnase tahonsakeríhwaʼkwe, né nahowenhnáshon ne wáʼton Sewenhní꞉io tsi natesatenonhianíton. Iakotiokowáʼnen enhiontkátho kí꞉ken owenhnashónhas né enhiakoronhkáten, tánon né enhiakahónhnien nahontahonwéʼtakwe ne Roiá꞉ner.

Isaiah 43:21

né nonkweʼshónhas ne kheʼiatonhniá꞉nion ní꞉i akerihwá꞉ke né ká꞉ti nontiérenk ahontʼró꞉ri nakenonweratóntshera.

Isaiah 55:13

Tsi ní꞉ioht nohíkta otshohʼkóton entkánio; tsi ní꞉ioht noniónwara onénhtas thonteiáron; tánon ká꞉ti né꞉ne kwáh Roiá꞉ner enhonwatʼroriáthaʼke, né꞉ne tsi nénhwe enkénhake enwatenienténsthonʼke tsi iáh thaʼkaiákhon.

Isaiah 60:5

Eʼthó꞉ne kí kwáh ensatʼkátho tánon thenshateronhrónten; né seriá꞉ne eniahonhniné꞉kenʼne tánon enwatonnáhren, tiorí꞉wa naoʼtsiokowátshera ne kaniaʼtarakhekówahne tsi shonʼháke nentkáhake.

Isaiah 62:1

Asèken né꞉ne Zion aoriwá꞉ke tsi iáh sák thaʼkatatónhni, tánon né꞉ne Jerusalem aoriwáke tsi iáh thakatoríshen, tsi nió꞉re naoʼtesenhniéntshera thenhiostwá꞉theʼne kwáh tsi ní꞉ioht noronkéne, tánon naoʼhiatakenáhtshera kwáh tsi ní꞉ioht tsi iotékha ne iekatsiró꞉hare.

Isaiah 62:12

Kwáh né enhonwatiʼnatón꞉kwahke, “Ronhnonkwetaʼtokénti, Né꞉ne seshakohiatákwen ne Roiá꞉ner”; tánon ní꞉se né entiesahiákʼtieke, “Kahiatisá꞉kon, né Kanatowanénhke iáh Tekonwatewenhtéton.”

Isaiah 62:4

Ní꞉se kwáh iáh shé꞉kon ne tahonsaʼiesanatónkwahke Iesatewenhtéton, tánon né shonhóntsa iáh shé꞉kon ne tahonsakonwanatónhkwahke iáh othènon Tekarihwástha; ók ní꞉se ne eniesanátonhkwe Nakatonnarátshera Ahonháke Kaien, tánon né shonhontsáke né꞉ne enkonwanatón꞉kwahke Ioniá꞉kon; asèken né Roiá꞉ner rawerientí꞉ios shonhàke, tánon né shonhontsáke kwáh kí enhioniá꞉konhke.

Isaiah 62:7

tánon tó꞉sa tsi sewatoriséntʼthos tsi nió꞉re ienhsarihwakwahtákwaʼse ne Jerusalem tánon né ensrónh꞉niaʼte nahonsahasenhnó꞉wahnaʼte nonhonhtsaʼkwékon.

Isaiah 64:2

kwáh tsi ní꞉ioht nó꞉nen nó꞉tsire enwatékhaʼte noniénhkwires tánon nótsire né enkarihónhni noné꞉kanos tahionekónhti— né nasónhni né shaʼsénhna nahonateriénhtaraʼne ne iesás꞉wenhs, né káti né ronhnonhontsaʼkeró꞉nons nonhtiérenk ahotiʼiatíshonkwe ne shahénton!

Jeremiah 13:11

Kwáh tsi ní꞉ioht ne kén niʼwaniataréhsah tsi nihioienawáhkon ne rashionhontáhke, káti ne wakéron nonhkwetahkwékon ne Israel ó꞉ni ne Judah ahionníronhke tsi ahionkhatienawáston. Thóh kíʼ niwahtiéren ne káti ne í꞉i akonhkwetaʼshón꞉a akénhake tánon tenhionkenonhwerahtónsehke ó꞉ni tenhkonhwahrénsaron naksénna; ók iáh tehionkewenhnaráhkwen,”

Jeremiah 16:19

Saiá꞉ner, i꞉se ne teskè꞉nhes ó꞉ni teskáwis ne kashastsʼténsera; í꞉se tatienahwáse nónen ne thènen tekanikónhrahre. Nonhkweshón꞉a tsi iotonhontsiokʼthaníhon tsík nonhwéson nenthónne tánon enhiahiéron, “Hiaʼkhisotʼthonkonhkénʼen nék khók rotiʼiénthaʼkwe ne iáh tekonnónhneʼkwe niʼiohokónhas, ne kwáh iáh thènenh tekariwástha kahiatonnisónhas.

Jeremiah 24:6

Kwáh enkheʼhiatennikonhrháren tánon thentekhehiaténhaʼwe ne kén nónhwe nihiohontsáien. Ensheʼkhekétsko tánon iáh tahonshaʼkhehiatiéskwen; ensehkhétheron tánon iáh tahthahonshaʼkehiáthaʼkwe.

Jeremiah 26:6

Tó꞉ka iesehwahthasónteren ne iáh tahisehwahtewénhnarahkwe, ethóhne kíʼ éhtho nenhtiérahse kí꞉ken Ononhsatokentiʼkówah tsi nitiérahse ne Shiloh, tánon onhkwetaʼkwékon ne tsi ionwenhtsiáte ne énhionsthe kíʼ kanatowáhnenh ahosénna naʼieriwahiesáhtaʼkwe.”

Jeremiah 29:1

Rokháres hiahihiátonʼse, ne rotitokénse, ne shakothihéntenʼse nonhkweshón꞉a, tánon rathikwékon ne ronahtiakhésons tsi niháti ne Nebuchadnezzar Jerusalem nónhwe teshakohiaténha nahonwathinhóton ne Babylonia nónhwe.

Jeremiah 3:17

Nónenh nètho ienkáhewe, Jerusalem ne enkonhwahnahthónkwahke ‘Né ne Roiá꞉ner raonitskwáhra,’ tánon onhkwetahkwékon thóhʼnónhwe nenhonteró꞉rohke nahiontsénnaien. Thaʼnonhʼiahónenh éhtho tahonshahatiʼiéren ne tsi nihonerhiasahnírons ó꞉ni ronnerhiasátʼsens tsi nihiakoró꞉ris ne ronnerhiáne.

Jeremiah 3:19

Ne Roiá꞉ner ráton, “Israel, tewahkathonwenhtióni nakonhiatiénawasthe tsi ní꞉ioht ne í꞉ih aketshá꞉tha akénhake tánon entkónhhion ne ionwenhtsí꞉io, né꞉ne kwáh tiowenhtsí꞉io ne onhwenhtsiakwékon. Tánon wáhkereh Rákeni enskenahthónkwahke tánon tó꞉sa shé꞉konh nonhwénhton ahéreh ahonsáhsehte tsi nónhwe níkes.

Jeremiah 31:14

Ne enkhénonhthe ne rotikháres ne kwáh kakhwiʼiósons tánon enkheiéritʼtse akwékon tsi naʼtehonahthonwenhtsióni naʼkonhkwetaʼshón꞉a. Í꞉i, ne Watiá꞉ner, wakatáti.”

Jeremiah 31:4

Shé꞉kon énska iesehwáhteratsʼthe nahonshakwahriwahsehrónnien. Shé꞉kon énska iesehwáhteratsʼte tentsisehwáhkwe ne ienahkwahétʼtha tánon kwáh athonnahrahkwahʼtsherákon tsi tenʼtsisehwahniónniaʼkwe.

Jeremiah 32:42

“Kwáh tsi ní꞉ioht tsi theʼkhehawiténni ne kahkharonniátshera kíʼ nonhkweshón꞉a, káti akwékon enthekhéhion ne iohiáneres tsi niʼwahkahrahrátston.

Jeremiah 33:14

Ne Roiá꞉ner wahénron, “Táwe ne kawistáheks nónenh ne enkénhaʼne tsi niʼkhehiarahratsʼténni nonhkweshón꞉a ne Israeronónhke ó꞉ni ne Judah nónhwe.

Jeremiah 4:2

tánon tó꞉ka ensehwarihwaníraʼte natsénnakon; ó꞉ni thisehwethákwen, tionkwetaiéris, ó꞉ni sehwahiánere, eʼthóhne káti akahonwenhtsiakwékon enhionkerihwahnónhtonseh nakhehiathatérisʼthe.”

Jeremiah 44:8

Onhʼnonhtsiéren tsi takenhakónhnis tsi ne senhsénnahiens ne kahiatónhnis tánon tsi sehiatshenkwahronhniaténhnis ne ó꞉ia niʼiohokónhas ne kénʼen nónhwe Egypt, tsi nónhwe nitisénon nahonshaʼsenáhkerehke? Ne kén ahoríhwah eh niséhrah ne ne ashaʼtahtáhthonte, ne káti ne kwáh niaʼtehionkwétahke ne tsi ionhwenhtsáte ne tahieshaʼiéron tánon sahsénhna á꞉honste tsi enhontewenhnákʼsahte?

Jeremiah 49:25

Ne kahsenhnowáhnenh kanatowáhnenh iotʼtsennónhniʼne ók nónhwah onahthóskonh íken.

Ezekiel 26:20

Kwáh ienkonhiathéniethe tsi tiohontsáien ne kenhéion niasehiatiátarahse nonhkweshón꞉ʼas ne wahónhnise tkénʼne. Kwáh enkonhiónnien ne thóh ohontsókon ashiʼterónhthake né꞉ne tsi nénhwe kariwahieshá꞉ton, ensehiarískothe ne iakawenhéion. Tsi nenhiáwenhne kwáh iáh shé꞉kon nonhwénhton tahonsahsenhnákerahte tánon nasahtathenatʼthónnien ne tsi ionhwenhtsáthe ne iónhnhe.

Ezekiel 36:35

Onhkwetaʼkwékon enhiethá꞉rahkwe kí꞉ken ohóntsa, karáhkon kènhne, ónenh nónhwa eh nítiot tsi ní꞉ioht ne Eden kahentákon, tánon ne kanatowáhnenhs tsi nikanatharíshion, kanenhskwenháton, tánon iakotewenhtháton tsi nihioriwenhtáhon, ók ónenh tienáhkere ó꞉ni teskanahthanátkon watenhénrotes nosténras.

Ezekiel 39:13

Kwáh onhkwetakwékon ne tsi ionhwenhtsáte enhonsniénonh nahonwatihiatháta, tánon thóhʼne tenhonwatirénsaronh kí꞉ken tsi tewenhnísehronhte nakatesenhniétshera, Í꞉i, ne Wakenonhtí꞉io Watiá꞉ner, wakatáti.

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Zechariah 1:17

Tánon kwáh ó꞉ni wahakró꞉ri ne raronhiakeró꞉nonh: “Ne Roiá꞉ner Roshatstenhserowá꞉nen ráton ne raonahtowá꞉nens shé꞉kon entiothihianerásten tánon shé꞉kon énska iensehwaterásthe enshasniéhnonh ne Jerusalem tánon enharó꞉ri ne kanatowá꞉nen tsi rahonhatsí꞉wa rahonáhta.”

Zechariah 12:2

“Kwáh ne enkonhiá꞉te ne Jerusalem tsi ní꞉ioht ne káksa akaneká꞉rahke notsí꞉tsa; nonhkweshón꞉ʼa ne tekonhwatiatháton enhatiní꞉rah tánon tenhothihiaténthonwe tsi ní꞉ioht ne iakoné꞉ka. Tánon nó꞉nenh tenhatinahthánahke ne Jerusalem, ne kanahtowá꞉nenhs ne kenhiotié꞉ton ne Judah kwáh nónhne tenhathinahthánahke.

Deuteronomy 30:5

Ne káti nahónton shé꞉kon thóh nón꞉we nahonseʼsewatié꞉nawatste ne tsi ionhwentsáte ne ietsisoʼthonkonhkén꞉en ratinákereʼkwe. Tánon kwáh sénha í꞉se entsisewakwatsésten tánon sénha ensewenhtiohkowanénhke tsi ní꞉ioht thónhne ne ietsisoʼthonkonhkén꞉en.