Jeremiah 33:2 - Ohiatonhseratokénti

² Ne Roiá꞉ner, tsi rahónʼa rahonhontsíshon, rahónʼa rahontsiasehrónni tánon wahakwahtháko tsi waháien, wahatʼthárahse. Ne rahónʼa raosénna ne ne Roiá꞉ner wahénron,

Jeremiah 33:2 ပူးပေါင်းရင်းမြစ်များ

Psalms 102:16

Nó꞉nenh ne Roiá꞉ner enshatehnatónhni ne Zion nón꞉we; kwáh raoiatanerakwahtsherákon tsi enhathotáshion.

Psalms 87:5

Tánon tsi nòkwah ne Zion kwáh nenhné꞉e entewénhron, “Onhkwetaʼkwékon tsi skát꞉ne enhatenákereʼke ne Rawenni꞉io rahonkwetaʼshón꞉ha”; asèken né꞉ne kwáh Thoshaststenhseroʼwáne thóh nihokwahtákwen.

Exodus 15:3

Ne Roiá꞉ner raterí꞉ios; né꞉ne Roiá꞉ner raosénhna.

Exodus 6:3

Khehiaʼthotashiénʼni ne Abraham, ó꞉ni ne lsaac, ó꞉ni ne Jacob tsi Wakeshatsʼtenseroʼwáhnen Ní꞉io, ók iáh kíʼ né tewakathatonhniáton Watiá꞉ner ne roʼnonhàke tsi ne naʼiontsenterestaʼkwe natʼsenhnató꞉kenti.

Isaiah 14:32

Ónh ní꞉ioht tsi taietʼtirihwasehrákwahʼse ne ratiʼrihwakaré꞉nies ne ne rohnonhontsakeró꞉nons? “Né Roiá꞉ner rotʼtsénhron ne Zion, tánon ne tehiontonhnakáriaks tsi skátne ratiʼnákere ne rahonkwetaʼshónhas kwáh enhatʼtshénhri nahatekwáhsen nahonhàke.”

Isaiah 37:26

“‘Iáh kén tesarihwarónhken wahónhnise tsi ná꞉he iaʼtewakeriwaientáse? Wahónhnise tsi ná꞉he tewakatenikonrí꞉shon ok ó꞉nenh kí entekhá꞉we nahontóhetste, ní꞉se tsi ó꞉nenk tsi enshón꞉ni ne tasenatánake ne kanatowánenhs tahonsʼkwaserónkwenke akentonhionhniá꞉nionke ne iorihwaieshá꞉seron,

Isaiah 42:8

Í꞉i ne Watiá꞉ner, né naksénhna í꞉ken; natiatanerakwáhtshera kwáh iáh nónka nakóren tethekheʼiáwis, khès naʼkerenhsarónhtshera né satahionkwáhwenhke ne kaiatonhnisónhas.

Isaiah 43:1

Ók nón꞉wa rá꞉ton ne Roiá꞉ner, rahón꞉ha ne iahiaʼiatíshon, Ó Jacob, rahón꞉ha ne iahiaʼtónhni, Ó Israel: Tó꞉sa sáteron, asèken í꞉i skoniʼakenton; Kwáh iekonhná꞉ton tsi nisasenhnó꞉ten, í꞉se naká꞉wenk í꞉ken.

Isaiah 43:21

né nonkweʼshónhas ne kheʼiatonhniá꞉nion ní꞉i akerihwá꞉ke né ká꞉ti nontiérenk ahontʼró꞉ri nakenonweratóntshera.

Isaiah 62:7

tánon tó꞉sa tsi sewatoriséntʼthos tsi nió꞉re ienhsarihwakwahtákwaʼse ne Jerusalem tánon né ensrónh꞉niaʼte nahonsahasenhnó꞉wahnaʼte nonhonhtsaʼkwékon.

Jeremiah 10:16

Ne Jacob Raoní꞉io kwáh iáh thènen thateskahieróntare; rahónha séh norihwaʼkwékon rohshahánion, tánon Israel washaʼkohiataráko ne kwáh rahónha rahonkwetaʼshón꞉a ahónton. Né ne Roiá꞉ner Roshastsʼtenserowánen ne raosénna.

Jeremiah 16:21

“Éhthoh káti,” ráton ne Roiá꞉ner, “Énskak ienwáteratsʼthe enkhehiónnien nonhkweshón꞉a naʼiakoteriéntahrahne nakeshastsʼténsera ó꞉ni tsi niʼwakeshastsʼtenserowáhnen; enhonaʼteriéntahrahne tsi Í꞉i ne Watiá꞉ner.”

Jeremiah 32:18

Sehnésthon ne iorihwahthó꞉ken sahnoronkwáhtshera raoʼtihénton ne tewenhniawehetseráhsen nihionkwéhtahke, ók kíʼ ó꞉ni sehrewáhtha nonhkweshón꞉a né karihónnis ne raoʼthirihwahnerahákʼtshera ne ronwahtiʼienokónha. I꞉se ne teshaʼtenonhianíton ó꞉ni sashaststenseró꞉wahnenh Ní꞉io; i꞉se ne Saiá꞉ner Sashastsʼtenserowáhnenh.

Jeremiah 51:19

Ók ne Sakoní꞉io ne Israerʼró꞉nons iáh ne kahiatónhni tèken! Kwáh rahonhatsíwah norihwahkwékons rohshahánion tsi nihiothánions, ne rahonkwetaʼshón꞉a thóh ratiʼhiátareh, kwáh rahónʼa shakokweniénston. Né꞉ne Roiá꞉ner Roshastsʼtenseroʼwáhnen ne raoʼsénhna.

Amos 5:8

Né꞉ne tsi niká꞉ien ne rotsistokonhniánion ne iohshónte ienekaráhkwa tánon ne ratórats, tánon ne kwáh tetiò꞉karas tetsoswát꞉tes noronhkè꞉ne, tánon nenhtieʼkè꞉ne oʼkaráhsa iesewá꞉tons, tánon kaniatarakeʼkowáhne iehanekákwas, tánon è꞉neken ne tsi ionhontsá꞉te tanekawé꞉rons, né raoshén꞉na né꞉ne Roiá꞉ner í꞉ken,

Amos 9:6

raónha rotatenatonhniénhni ne karonhiá꞉ke, tánon róson ne iononwaró꞉ron ne tsi iohontsá꞉te; raónha iehanekákwas ne kaniatarakeʼkowáne, tánon thóh eʼneken tanekawérons ne tsi ionhontsá꞉te— né raosénhna né꞉ne Roiá꞉ner.

Hebrews 11:10

Asèken ne Abraham ne rohráhrekwe ne kanahtowáhnen ne Rawenni꞉io rotenikonrónni ó꞉ni ró꞉shon, ne kanatowáhnen né꞉ne ieʼiotkontákwenh thenʼkenstoró꞉tahke.

Hebrews 11:16

Khèkhok, sénha kahnakerahserí꞉io tohnatonwenhtióniʼne, né karonhiakéka kanakeráhsera. Tánon káti ne Rawenni꞉io iáh tehathé꞉ens naʼhonwahnátonkwe Raothiʼní꞉io, tsoríwah tsi shakonahtonniénni.

Revelation 21:10

Tánon Ní꞉io raoashatsténhsera iahontiatenhá꞉we thóh nón꞉we tsi teiotenonhianì꞉ton, tsotenontá꞉te tánon wakatkáto ne ioiatatokénti Jerusalem taiotsnentonhá꞉tse karonhiá꞉ke thóh nontá꞉we Niió꞉ne.

Revelation 21:2

Tánon waʼkatkáto ne onatatokénti, né꞉ne á꞉se Jerusalem, tahiosnentonhá꞉tie karonhiá꞉ke Niió꞉ne nontá꞉we, kaweienhnenhtá꞉on tsi ní꞉iot ne iehiá꞉tase iakoraséston tsi rotiniát꞉ke ne rónhkwe.