Jeremiah 32:44 - Ohiatonhseratokénti

⁴⁴ Onhkweshón꞉a entsení꞉non ne kahenthakérons, tánon ne kahiatónsehras enwahtatʼtsénnarahke, enkanhetanénhthakon, ó꞉ni enhionthonkwetaʼwenhtáthonʼke. Ne ne Benjamin ahonthonwenhtsiáke kíʼ thóh nenhiáwenhne, ne tsi kanahthaiéntons aktónties ne Jerusalem, tsi kanahtohwáhnenhs ne Judah, ó꞉ni ne tsi kanahtoʼwáhnenhs ne ionniarónnions ne kahetakéson, ne tsi ieionnonhtaʼientáhons, tánon ne entiéne nòkwah ne Judah. Kwáh iensehkhéteron nonhkweshón꞉a ne raononhontsiáke. Í꞉i, ne Watiá꞉ner, wakatáti.”

Jeremiah 32:44 ပူးပေါင်းရင်းမြစ်များ

Isaiah 44:26

ónhka rahrihwanírats ne raoʼtiwenhnaókons ne raonhá꞉tsheras, tánon rarihwaiérits tsi niehatiʼríhwakens ne ronwarihwakareniénhnis; ónhka sakaʼwénhnis tsi nó꞉kwah ne Jerusalem, “Kwáh kí enienákereke,” tánon tsi nòkwah ne tsi kanatowánens ne Judah, “Kwáh kí enskanatonhníhake, tánon thóh thentekétsko tsi káien ne raonatʼkaronhniátsheras”;

Jeremiah 13:19

Ne kanahthakónhsons nenhtiéʼne nòkwah ne Judah tsi tekonwanahthánenh; iáh ónhka tahónton né niáhien. Onhkwetahkwékon ne Judah tsi ronwahnahnakerahkwáhthon.”

Jeremiah 17:26

Nonhkweshón꞉a tsit kanátaien ne Judah nénhtien ó꞉ni tsi kanathakérons ákta ne Jerusalem; thóh nónhwe nénhtien nahonthonwenhtsáke ne Benjamin, ó꞉ni nonhnonhtakʼthóntie, tsi iononhtharónnions, tánon nenhtieʼne nòkwah ne Judah. Enthatiʼháwi ne aterennaienʼtatsherákon tsi konwatsiatatʼtsaháton ne katʼtshénen, óntsa ó꞉ni ienhathíthate ne wenhnekeráhkon, tánon ó꞉ni ne kanonhwerahtóntsheras.

Jeremiah 30:18

Ne Roiá꞉ner ráton, “Kwáh ensekkheʼriwahsehrónnien ne tsi thóh nonhwénhtsaien naʼkonhkwetaʼshón꞉a tánon niaʼtehatiwahtsírahke tsi enkhétenreh; ne Jerusalem kwáh enskanahthonníhaʼke, tánon ne tsi kanonhsóhtons ne kanonhtiʼiótshera enskakwahthákwenke.

Jeremiah 30:3

asèken táhwe ne kawistháheks nónen ensehkheriwahsehrónnien nakonkwetaʼshón꞉a, ne Israerʼró꞉nons tánon ne Judahró꞉nons. Kwáh iensehkhéteron ne tsi tiohontsáien ne shaʼkotisotʼthonkonkénʼen khehionhontsáwi, tánon shé꞉kon enshontiénahwasʼthe. Í꞉i, ne Watiá꞉ner, wakatáti.”

Jeremiah 31:23

Ne Roiá꞉ner Roshastsʼtenserowáhnen, ne Sakoní꞉io ne Israerʼró꞉nons, ráton, “Nónen nonkweshón꞉a ieʼsheʼkhéteron ne raoʼnonhontsiátes, shé꞉kon ieʼsehwáhteratsʼte enshonní꞉ron ne Judah ahothonwenhtsiáke ó꞉ni nahonahthakónsons, ‘Aiáwens ne Roiá꞉ner ahaiathaʼtérisʼte ne Ononhtatokénti ne Jerusalem, ne iotokénti tsi nónhwe nihonónhsohthe.’

Jeremiah 32:10

Wahkatatʼtsénnahren tánon ontnethanénhtatʼthe ne kahiatónsehra, tánon wahkathonkwethaʼwénhthaʼte nahathiriwahnírahthe, ó꞉ni wahatikonhtseriháren nowístha.

Jeremiah 32:37

Kwáh ensehkhehiatharó꞉rohke nonhkweshón꞉a ne tsík nonhwéhsons nónhwe iaʼtekhehiarehniáton ne naʼkenahkwahtsherákon ó꞉ni tsi niʼwahkatenahkwawenhráhti, kwáh kénʼen nónhwe niʼwahtenátaien naʼtenthekhehiaténhaʼwe tánon enkheríhon ne skénnenhk tsi ahatíteronthaʼke.

Jeremiah 33:11

tsi nihiotʼtsaróhkwen nahthonnharáhtshera ó꞉ni nahtsennonhnhátshera ó꞉ni tsi nihiakotʼtsennónhni tsi nihioronkwénsthaʼre ne iakohthénnioʼthe. Ensehwahthónthene nonhkweshón꞉a tehiarorihwáhkwen tsi nenhtiéhaʼwe niaʼtekonhsónhas ne kanonhwehrahtóntshera nakenonhshaʼthokentíhke; kwáh enhonníron, ‘Thetsisehwahnonhwehráthon ne Roiá꞉ner Roshastsʼtenserowáhnen, tsioríhwa tsi nihohiánereh ó꞉ni ne rahononhronkwáhtshera tsi nénhwe tsi enkáhthake.’ Kwáh enstiánerasthe kíʼ kénʼen ionwénhtsiaien ne ne kwáh tsi nitsiothónʼne. Í꞉i, ne Watiá꞉ner wakatáti.”

Jeremiah 33:13

Ne kanahthakónhsons tsi iononhtharónnion ne kahetháke, ne tsi iononhthaientáhons, tánon nientiéne nokwáhti ne Judah, ne ahonthonwenhtsáke ne Benjamin, ne tsi kanahthaiéntons akthóntsie ne Jerusalem, ó꞉ni ne kanahthakónhsons ne Judah, ne teiotinakarontónʼa sahkothinónhʼne shé꞉kon énska iesehwáhteratsʼte enskonwahnhá꞉sehte ne rahotiʼtsenenhókonhs. Í꞉i, ne Watiá꞉ner, wakatáti.”

Jeremiah 33:26

Tánon kwáh tsi nihioriwí꞉io tsi kíʼ ehʼniwahtiéren, káti kwáh iáh nonhwénhton tsiaʼkhehiatewénhtheʼte tsi nienhatwahtsiríʼne ne Jacob ó꞉ni ne akhenhátshera Táwit raowáhtsireh. Kwáh sahiáta enhihiatharáhko ne Táwit raowáhtsireh nahshaʼkotkórasʼthe ne Abraham raowáhtsireh, ó꞉ni ne Isaac, tánon ne Jacob. Kwáh enkheténrahke naʼkonhkwetaʼshón꞉a tánon enkhehiónnien ne shé꞉kon ahonsahotiʼhianerásten.”

Jeremiah 33:7

Kwáh enkhehiónnenh ne Judah ó꞉ni ne Israerʼró꞉nons nahothihianerásten, tánon kwáh ensehkhekwahthákwahse tsi nitsiotónʼne.

Obadiah 1:19

Tsi nihá꞉ti ne Negeb kwáh enhontiénawahste ne tsi ionón꞉te ne Esau, tánon tsi nihá꞉ti ne Shephelah neʼne tsi ronnonhontsá꞉ien ne Philistines; kwáh neʼ enhontiénawahste tsi ronnonhontsá꞉ien ne Ephraim tánon tsi ronnonhontsá꞉ien ne Samaria tánon ne Benjamin ronnónha enhontiénawahste ne Gilead.

Obadiah 1:20

Tánon naonekenhteronʼtsheraʼshón꞉ʼahs ne Israel Ne ronwananakerakwáhton, kwáh kiʼ enshonatiéhsten ne tsi ionhontsá꞉ien ne Canaanites kwáh tsi niió꞉re ne Zarephath; tánon tsi nihá꞉ti ne ronwananakerakwáhton ne Jerusalem ronnónha ó꞉nen Sepharad iehón꞉neʼs, kwáh enhontiénawahste ne tsi kanatowá꞉nenʼs ne Negeb.

Zephaniah 2:7

Tánon tsi niwatenáskwah ne kaniataraktónhtie ne kaniatarakeʼkowáhne kwáh ne enhonawenhkónhweke tsi ronónhshote ne Judah, tánon thóh nón꞉we nenkonwahnatʼkháwe ne rahothitsenenhó꞉kons nakonthihóntake; tánon thóh enhonhnónhwete tsi ronónhshote ne Ashkelon noʼkarasnéha; asè꞉ken ne Roiá꞉ner kwáh ensakonatarená꞉se tánon tentesakáwenh ne raonatatewenhnihiósera.

Zechariah 7:7

Ken nahó꞉ten ne Roiá꞉ner rá꞉wenh rohnonhà꞉ke ne thothihénton rothitokenséhakwe ne thóh sonthakahá꞉wi ne Jerusalem kwáh í꞉ken tsi iokwahtiehʼne ó꞉ni ionthonkwethakáhthekwe ó꞉ni iakotiohkowá꞉nenhne iáh kahná꞉thakon kók tehienahkeréhkwe ók kahnhatakʼthóntie ó꞉ni, ók ki ó꞉ni nenhtieʼnéhsons nokwá꞉ti ionwenhtsiakérons ó꞉ni ne tsi tiononhtharón꞉nions ne tsi iaʼtewatshéntos.